مش رجوله منك .. !!
.
.
.
.
.
.
- تعاكس واحدة ف الشارع ( أياً كان لبسها ) لمجرد انها لوحدها رغم انك عارف كويس جداً انها لو كانت ماشية مع واحد عمرك ما هتعرف تبصلها ( أياً كان لبسها برده )
- انك تسب الدين علشان تبين انك شرس ومش بتخاف من حد
- مش رجولة منك انك تسمع أي نوع من الاغانى
لمجرد انه عاجب اصحابك أو في ناس بتسمعه انت تحب تكون زيهم وخلاص ؟ !
-مش رجولة منك لما تكون قاعد ف مواصلة
وتلاقي راجل كبير مش قادر يقف ومتقوملوش
-ومش رجولة خـــالص انك تكون ف نفس المواصلة وتشوف بنت أو ست كبيرة
الناس عمالة تعدي من جنبها وتخبط فيها وانتا قاعد زى التلاجة!
- مش رجوله منك انك تتباهى قدام صحابك ان انا بكلم البنت دى وبقولها كذا وبتقولى كذا وشوف بتقولى ايه دى بتحبنى وانت كدا بتفضحها يا اهطل .. !!
- مش رجوله منك انك تشوف ناس ماشيه ف الشارع تفضل تتريق عليهم وانت عارف ان اصلا فيك عيوب الدنيا والاخرة ولو حد اتريق عليك هتزعل وتمسك فيه
- مع ان معظ الناس بتشرب سجاير . بس فى ناس سيس مفكره شرب السجاير وانك تمسك الولاعه مع الموبايل وعلبه السجاير كدا بايديك رجوله . احمس يا رجولة !!
مش رجوله منك انك تمشى مسقط بنطلونك عشان الناس تشوف البوكسر اللى مرسوم عليه سبايدر مان وانت اصلا بيكون منظرك زباله اووووى !!
خلاصة الكلام ان فى ناس دلوقتى مش هتقتنع بكلامى وهتقولى وانت مالك انت :)
بس احب اقولهم ان الرجوله مالهاش قطع غيار ;)
الموضوع : مش رجوله منك .. !! المصدر : مسجد الهدي المحمدي الكاتب: aya
موضوع: مش رجوله منك .. !! 
الأحد 26 فبراير 2012, 4:54 pm
