عاوزين نتغير بجد بقى ..
عايزين نبتدي بداية جديدة مع ربنا ..
كل واحد فينا يفكر إيه اللي نفسه يعمله
وإيه اللي لازم يغيره في حياته .. ويحط في دماغه إنه هيخرج من رمضان إنسان جديد .
من الآخر .. رمضان السنة دي هيكون رمضان مختلف تماما .. ومفيش حد أحسن مني
ومفيش حد هيسبقني .. رمضان السنة دي هيكون بداية إلتزامي بإذن الله .. رمضان السنة دي مش هيعدي إلا وبإذن الله هيكون اتغفرلي كل ذنوبي
╝◄البلد اتغيرت وأنا كمان لازم أتغير
رمضان السنة دي هيكون غير أي رمضان فات
أيوةi .. لازم أعمل ثورة على نفسي واتغير بجد !
مفيش شهوة هتقيدني ولا ذنب هيستعبدني .. ورمضان السنة دي هيكون هو بداية التغيير الحقيقي في حياتي ..
وعلشان كل ده يتحقق ... لازم نستعد صح لرمضان من دلوقتي ... أيوة من دلوقتي .. حالاً
أياً كان الوقت اللي الكلام ده وصلك فيه .. ابدأ استعد وحتى لو وصلك وإنت في رمضان .. إوعى تيأس
واستعن بالله وجدد نيتك واجتهد في الطاعة ..
╝◄ طيب إحنا بنقول الكلام ده ليه من دلوقتي؟
علشان لازم تكون النية في قلوبنا من دلوقتي وعلشان ربنا يرى في قلوبنا صدق وعزم حقيقي
ممكن واحد مننا يموت بُكرة أو بعده محدش عارف
فلو ماكنش عنده النية إنه يتغير ويتوب هيموت على حالته السيئة اللي عايشها دلوقتي للأسف
لكن لو كانت عنده النية من دلوقتي ومات قبل رمضان فبإذن الله ربنا هيكتب له الأجر بنيته ..
والاستعداد الحقيقي يا إخواني بيكون من شهر رجب أو من قبله كمان ..
╝◄قال أحد السلف الصالح ويسمى أبو بكر الوراق :
" شهر رجب شهر الزرع , و شعبان شهر السقي للزرع , ورمضان شهر حصاد الزرع
الموضوع : عاوزين نتغير بجد بقى .. المصدر : مسجد الهدي المحمدي الكاتب: aya
موضوع: عاوزين نتغير بجد بقى .. 
الأحد 08 يوليو 2012, 2:44 am
