أمة اللهعضو جديد
تاريخ التسجيل : 28/10/2010
 | |
أمة اللهعضو جديد
تاريخ التسجيل : 28/10/2010
|  موضوع: رد: أنا بس هقوله بحبه وهمشي !!  الجمعة 01 يوليو 2011, 11:45 am | |
| حبيبتى أنا عايزة أقولك حاجة
أنتى لما بتكلمى ولد دلوقتى عشان بتحبيه أيه اللى بتكسبيه ؟؟
ايه اللى هكسبه أنى هحب وأتحب وأتجوز وتبقى حياتى أحلى حياه فى الدنياا
طيب عندك ضماان
معلش انا عارفة انك فى بالك هتقولى متبطلى خنقة وملكيش دعوة بياا
بصى أعتبرينى واحدة صاحبتك أستحملينى ياستى للأخر
ووالله أنتى اللى هتخرجى كسبانة بإذن الله
أول حاجة أنتى بتقولى هحب وأتحب == معاكى إن ده هيحصل
هتجوز وأفرح == لأ معتقدتش
متبطلى تقعييد
خلاص هبطل من عيونى شوفتى انا طيبة ازاى
بس هقولك حاجة كل حاجة فيها أحتمالين
نيجى على الأحتمال الأول
اها ممكن تتجوزى
بس تفتكرى ربنا هيساويكى ببنت عمرها ما صاحبت ولد
ولا قالت لولد بحبك , أكييد لا
طيب تفتكرى ان ربك هينسى انك فى يوم من الأيام أغضبتيه
عشان ولد ( يعنى أغضبتى رب العباد عشان انسان ضعيف )
عشان خاطر خوفتى انه ممكن ينساكى
رضيتى اللى بتحبيه فى مقابل أغضبتى ربك اللى بيحبك
لا يااختى ( وما كان ربك نسيا)
ربنا بيقول على نفسه كده
وهحكيلك حكاية و الحكاية دى حقيقة
اقتباس:
مرة بنت وولد كانوا بيحبوا بعض جدااااااااا
لدرجة محدش يتخيلهااااا
من وهما أطفال بيحبوا بعض
وحياتهم كلها مع بعض
واتجوزا بعض وفى يوم فرحهم
الناس كلها مكنتش مصدقة
الفرحة اللى فى عيونهم مع بعض
بس مثل ما قال ربك ( وما كان ربك نسيا )
الحب اتقلب كره للأسف من غير أي مقدمات
والنتيجة أيه البنت سابت بيتها بعد 4 شهور واطلقت :(
تخييلى بعد 4 شهور يعنى عروسة !!!
وكل الحب ده راح فيين
راح مارينا
مش لو كانت أختارت رضا ربها على رضا اللى بتحبه
كان ربنا رضهااااا
طـيب تسمع معايا حكايا جميلة هتعجبك أووى
اقتباس:
حكاية عن بنوته تانية صانت نفسها
اقتباس:
واختارت رضا ربها على رضا اللى بتحبه
بتحكى البنوتة انها شافت مرة ولد حسيت أنه فيه احساس حلو من ناحيتها
ياترى عملت أيه
كلمته , قالتله بحبك ؟؟ عملت ايه ياترى
بتقول عرفت أنه مينفعش أنى أعيش نفسى فى حب محرم
لو نصيبى ربنا هيجبهولى من غير مااغضبه
فخلاص لغييت تفكيرى بيه ودعيت ربنا يقدرلى الخير
ومرت السنين وبعد أكتر من 4 سنين
اتقدملى واحد ياترى طلع ميييين ؟؟
طلع هو الولد اللى كان نفسي فيه
وكمان طلع فيه مميزات أكتر من اللى كنت أتخيلها
شوفتوا ازاى إنك لو قدمتى رضا ربنا على رضا الناس
ربنا يرضي عنك ويرضى الناس عليكى
زى حكاية البنوتة دى
وكل شىء مكتوب من قبل ما نتولد و قبل خلق السماوات و الأرض
أصل مفيش حد بيتجوز حد غير جوزه
يعنى لو بتحبى واحد اووى اوووى ونفسك تتجوزيه وربنا مش كاتبهولك
مش هتخديه
هتقوليلى طيب ليه ربنا هيعاملنى كده
يعنى انا نفسى فى حاجة ليه ربنا مش هيجبهالى مش ربنا خزاينه واسعة !!
يتـــــــــــــبع >>>  الموضوع : أنا بس هقوله بحبه وهمشي !! المصدر : مسجد الهدي المحمدي الكاتب: أمة الله |
|
أمة اللهعضو جديد
تاريخ التسجيل : 28/10/2010
| | موضوع: رد: أنا بس هقوله بحبه وهمشي !! الجمعة 01 يوليو 2011, 11:48 am | |
| الحب ده حاجه حلوة جدا واحساسها جميل مش كدة ؟
طبعا احساسها جميل ومش شرط الحاجه اللى تبقى غلط وحرام تبقى وحشه أو مش حلوة
جوانا كلنا نفسنا نعملكدة ولد أو بنت
نحب ونتحب
ده شىء جميل جدا وبنتمناه ويمكن تلاقى اصحابك البنات بيقولولك يابختك واصحابه الولاد نفسهم يعملو زييه
طيب مادام الحاجة دى حلوة كده وجميلة واحساسها رائع ليه غلط وليه حرام والكلام الكبير ده هو مش الله جميل يحب الجمال ؟
وربنا بيحبنا
ليه بقا كل حاجه بنحبها صعبه كده ومكلكعه
طبعا دى النفس اللى جوانا
نفسها تنطلق فى اللى نفسها فيه
واحنا كتييير بنقولها حاضر من غير ما نحس حتى لو من جوانا كنا رافضين
ومش كتيررر منا فى مواقف كتيرر مش شرط الجواز
بيقووول كده
ليه ربنا مخلانيش اتخطب وصحباتى اتخبطوا
ليه مش عندى عربية وغيرى عنده و.........
طـيب مش ممكن ده اللى خير لييكى وانك لوخدتى
الانسان ده هيكون شر ليكى
وكتيرر والله بنكون نفسنا فى حاجات كتيرر مش فى الجواز وبس
وبعد كده بنلاقى انه فعلاً اختيار ربنا هو اللى كان الأصح ليناا
وبنحمد ربنا كمان انه مش جبلنا الحاجة اللى كنا نفسنا فيها
مرة كانت واحدة صاحبتى نفسها تتجوز ولد وبتحبه اوووى بس من خلال سماعها عنه
مش مقابلات او صحوبيات او حاجة تانيه
عرفت انه ملتزم ومحترم وخلوق فحبته وكانت بتدعي ربنا دايما
انه يكون من نصيبهاا وخلت الناس كلها تدعليهاا
ومرت الأيام ومفيش حاجة حصلت وخلاص البنت نسيته
بس الدعاء أستجاب
والولد جيه فعلا بعد فترة طلب ايدها تخيلوا ايه اللى حصل
مرضيتش بيه !!!
كان ظروف ومشاكل وحوارات كده
بس كانت النهاية انها مش رضييت بيه ابداً
ونقولها مش ده اللى كنتى بتقعدى تبكى لربنا
أنه يكون من نصيبك
قالتلنا لا مش عايزاه
مش طلعنا متوافقين مع بعض خالص
واتجوزت البنت دلوقتى حد تانى خالص
شوفتوا انه كتيرر حاجات بنكون فاكرين انها الخير لينا
وبتطلع مش خير لينا
مش شرط أن الشىء اللى ربنا مش كاتبه لينا ده يكون شر للكل
سواء فى الجواز أو فى أى شىء تانى
بس هو مش بيكون خير لينا أحنا
لكنه ممكن يكون خير لحاجة تانية أو لحد تانى
طــيب الحل أيه ؟؟؟!!
اولا سيبك من مدخل الشيطان المعروف بتاع
" هينسانى " أو " صعبان عليكي " لازم ينتهى فورا لأن
هتصعب عليكي نفسك لما تلاقى انك مش عارفه
تلاقى نهاية " صح " لعلاقتكو
وعلاقتك الجميله مع ربنا بتتأثر وقلبك بقى ملك حد تانى
والمفروض ان قلبك ملك ربك حبيب قلبك
عمرك سمعتى عن بنت بتكلم ولد وعلاقتها اتحسنت مع رب العزة ؟
الطبيعى ان اى احتكاك بين ولد وبنت يؤدى الى تعلق
وارتباط عاطفى شكلا ومعنويا وحسيا .
لا تقولى لو تركته سينسانى ولن يتقدم لخطبتى لو فعل
هذا فهو لا يستحقك
ولو هو محترم فعلا لو فكر شوية بعدين هيشعر انك بنت
محترمه وعايزة رضا ربنا ومش عايزة تغضبيه
المفروض تقطعى اى علاقة ممكن توصلك بحبيبك او
توصله ليكي يمكن تكون مشاعرك تجاهه مش زي
مشاعره تجاهك
لسه قدامك الفرصه ولسه الأمر فى ايدك وبعون الله انتى
مسيطرة على الوضع ياأختى
يمكن تلاقى صعوبة فى الكلام ده فى الأول بس افتكرى
انك بتنقذى قلبك وحياتك
استعيني بالله وخليكي قوية واستمرى على الصح واى وسواس يقولك صعبان عليكي /هينساكى
ومفيش حاجه اسمها صداقة بين ولد وبنت اصلا بلاش الخدعه دى تبقى فى حياتتنا اكتر من كدة
وقولى " لاحول ولا قوة الا بالله "
عشان ربنا يقويكي ويعينك وهتلاقى نفسك قوية قوة غريبه
مستمده من رب العالمين وخليكي قوية بالله واستعيني بقوة الله
مش ناقص غير إننا نعرض الفيلم تاانى بعد ماعدنا تمثيله ومنتجته
ملحوظة القصة اللى هحطها دلوقتى دى حقيقة كلها قرأتها من قبل
جزا الله من كتبتها كل خير ..
و ملحوظة صغنونة: إحقاقاً للحق الجزئية اللى فاتت دى فيها جزء منقول للأمانة
جزا الله صاحبة المقالة كلها خير
أنتظرواا المشاركة الأخيرة
وأنــا بـس هـقوله بحـبه وهـمشي " |
|
أمة اللهعضو جديد
تاريخ التسجيل : 28/10/2010
| | موضوع: رد: أنا بس هقوله بحبه وهمشي !! الجمعة 01 يوليو 2011, 11:51 am | |
| اقتباس:
مرة بنوتة كانت خلوقة وملتزمة ومتفوقة
ذهبت لواحدة جارة لها تحسبها على خير
وهى بتعيط جامد وبتقولها
انا بحب فلان جارنا ينفع بس اقوله انى بحبه
انابحبه اوى والله
"هقوله انى بحبه بس ومش هكلمه تانى والله"
أنا بس هقوله بحبه وهمشي
بصيتلها السيدة بابتسامة كدة وقالتلها بتحبيه ليه ؟؟؟؟
استغربت البنت وقالتلها والله غصب عنى
ونفسى يكون دا زوجى فى الدنيا
قالتلها طب والاخرة؟؟؟؟
ماقولتيش يابنتى بتحبيه ليه؟؟؟؟؟؟؟
شكله حلو وشيك ولا ايه؟؟؟؟؟؟
قالت هو ملتزم والله وبيصلى فى المسجد دايما ومحترم جدا
ها اقوله بس ومش هكلمه تانى مش دا عادى
قالتلها شوفى يابنتى انتى بتحبى ربنا ؟؟؟؟؟؟؟
قالتلها طبعا
وبتخافى من ربنا؟؟؟؟
قالت اكيييييييييييد
قالتلها طيب لو بتحبى الشخص دا فعلا
اوعى تكلميه ولا حتى تعرفيه
وادعى وربنا كريم اووى ادعى وعيطى
واخلصى النية وربنا هيكرمك ويرضيكى
انما لو كلمتيه انتى عارفة منين ان دا نصيبك
ولو نصيبك حياتكم هتبئى جحيم
ما بنى على باطل فهو باطل
ولو مش نصيبك هتعيش ندمانة
طوووووووول عمرك عالغلط دا
وهتبقى كمان حاولتى
تاخدى حاجة مش بتاعتك عاارفة انتى كدة تبقى زي
ميييييييين؟؟؟؟؟؟؟؟
زيى الحرامى اللى عاوز يسرق حاجة مش ليه اما بيتمسك
بيحصلو ايـه ؟؟؟؟؟
بتتقطع يداه وهيفضل طول عمره ايديه هتفكره بالذنب دا
ارجعى لربنا واوعى يابنتى
النظرة تلى النظرة
استعينى بالله وادعى وربناكريــم
مشيت البنت وكانت زعلانة
بس وعدت جارتها انها مش هتكلمه
وهتحاول تعمل زى ماقاتلها
تفتكروا كدة البنت فكرت فى ايه لما وعدت جارتها
اكيد فكرت فى كلامها
ربنا كريـم يعنى عند حسن ظن عبده به
إن كان خيرا فخير
و " من ترك شيئا لله عوضه الله خيرا منه"
بل دا اكيـد جيه فى بالها السؤال
بتحبــى ربناا ؟؟؟
المهم بعد فترة جت البنت
وفكرت جارتها بحكايتها وفضلت تشكرها كتير على نصيحتها ليها
وقالتلها عند ليكى خبر حلو
جارنا اللى قولتلك عليه خلاص احنا اتجوزنا وكان بيحبنى هو كمان وبيدعى ربنا انى اكون زوجته
وخلاص بقيت زوجته
يااااه اد ايه يارب انت رحيـــــــم وقد ايه كريـــم
انا نفسى بجد كل بنت تسمعها لو بتكلم شاب تبعد وتدعى وتحاول وتعيط وتقول يارب وهي على يقين ان ربنا هيستجيب ليها
مش عايزة حد يتألم ولا ينجرح بسبب ضعف النفس وهوى الشيطان
مفيش حاجة بتبدأ غلط بتنتهى صح
>> استحالة <<
استعينى بالله يااختى وربنا يـــــارب يعنا جميعا
ويثبتنا على كل مايرضيه عنا
دى مواضيع تــانية .. مرتبطة بموضوعنـا ..
ورقة ومطوية عن الحب والصحوبية جاهزة للطبع والنشر والتوزيع
هي والملــتزم والماسيــنجر!
قلبك نيو (إستخدام جديد) ولا سكند هاند (مستعمل ) !!؟
//
أنا عاوزه أعيش قصه حـب :: ~
//
أيـــــوه أنـــا مــــبـــــصـــاحـبـش
//
بتحبيه ..!
//
ليه كدة؟؟؟مين اللى يستاهل تعملي في نفسك كدة؟؟؟
لا تنـسونا من صـالح دعائكم الطيب
فــي حـفظ الله ~
|
|
ملكعضو جديد
تاريخ التسجيل : 22/06/2011
| | موضوع: رد: أنا بس هقوله بحبه وهمشي !! الجمعة 01 يوليو 2011, 3:34 pm | |
|
جزاكى الله خيرا
واحيكى تحية غالية من اخت ليكى على الموضوع الرائع
اسال الله ان يعف بنات المسلمين ويرزقهم ازواج صالحين
:06: الموضوع : أنا بس هقوله بحبه وهمشي !! المصدر : مسجد الهدي المحمدي الكاتب: ملك |
|
أمة اللهعضو جديد
تاريخ التسجيل : 28/10/2010
| | موضوع: رد: أنا بس هقوله بحبه وهمشي !! الجمعة 01 يوليو 2011, 3:45 pm | |
| جزانا الله واياكي حبيبتي في الله
ربنا يعزك يارب
اللهم آمين
ربنا يرزق كل الاخوات بالازواج الصالحين ويرزقني واياكي معاهم يارب
|
|
