|
|
أحلى حياةمدير عام المنتدى
تاريخ التسجيل : 10/08/2009
 |  موضوع: رد: يوميات خلي بالك من أبليس  الجمعة 09 سبتمبر 2011, 2:49 pm | |
|
جزانا واياكم خير الجزاء
بصراحه مش عارف ليه محدش متابع على العموام ان ان شاء الله هكمل الحلقات
مع العلم ايضاً بجد الحلقات مفيده وانا واحد من الناس بستفاد منها
بارك الله فيكم
 الموضوع : يوميات خلي بالك من أبليس المصدر : مسجد الهدي المحمدي الكاتب: أحلى حياة |
|
  | |
أحلى حياةمدير عام المنتدى
تاريخ التسجيل : 10/08/2009
| | موضوع: رد: يوميات خلي بالك من أبليس الجمعة 09 سبتمبر 2011, 9:45 pm | |
| |
|
| | |
مشتاقة للجنةالمراقبة العامة
تاريخ التسجيل : 26/06/2010
| |
| | |
أحلى حياةمدير عام المنتدى
تاريخ التسجيل : 10/08/2009
| |
| | |
أحلى حياةمدير عام المنتدى
تاريخ التسجيل : 10/08/2009
| | موضوع: رد: يوميات خلي بالك من أبليس السبت 10 سبتمبر 2011, 6:05 pm | |
| الحلقة الرابعة عشر
تبقى يوم واحد على انتهاء الإجازة ومنى تشعر بقلق
شديد من اول ايام الدراسة فهي كانت تخشى كثيرا تلك المواجهة بينها وبين اي
من افراد "شلتها القديمة " وبالطبع فشيطانها ينتهز فرصه اي ضعف او قلق
ليزيد من حزنها ....
منى في نفسها : اكيد هقابلهم طبعا .... بس اعمل ايه اروح اسلم عليهم واكلمهم وانصحهم وللا بلاش
طب لو جت عيني في عين واحدة منهم لازم غصب عني اروح اسلم اومال يفتكروني
ضعيفة ... انا زي ما اميرة قالتلي لازم انصحهم بس ما اختلطش كتير زي الاول
..
الشيطان موسوسا : بس انتي ناسية دينا ... ديه هتشمت فيكي شماتة ... ده غير
كلامها بقى ... وعوجة رقبتها ...ومش بعيد يضحكوا عليكي تاني زي الاول
منى : يضحكوا عليا ليه ... وحتى لو ضحكوا ما يهمنيش حاجة ... وانا معايا اميرة ربنا يخليهالي ...
الشيطان موسوسا : بس افرضي روحتي الكلية واميرة لسه ما جتش وشوفتيهم هتعملي ايه ؟؟؟
منى وقد زاد قلقها : اه صحيح اعمل ايه ؟؟؟ يا رب خليك معايا انا مرعوبة ....
زاد قلقها وحيلاتها فاتصلت على الفور بأميرة .....
منى : السلام عليكم
أميرة : وعليكم السلام وحمة الله وبركاته
منى : ازيك يا مرمر اخبارك ايه
أميرة : انا الحمد لله تمام بس انتي مال صوتك ؟؟؟
منى : عادي ما فيش ... انتي عارفة الاجازة بقى خلصت والدراسة هتيجي بقى وهترجع تاني ايام المذاكرة والمحاضرات والسكاشن ... كده يعني
أميرة : مممممممممم بس كده يعني ما فيش حاجة تانية
منى : لا عادي يا بنتي
أميرة : طب عيني في عينك كده
ضحكت منى ضحكة تخفي ورائها شئ من الحزن والقلق ففهمت أميرة ما يجول بخاطر منى ..
أميرة : طب اقولك انا .. انتي خايفة من بكرة صح ؟؟؟
منى : بصراحة اه ... بس كنت مش عايزة اقولك وانكد عليكي بمشاكلي كفاية انتي تعبتي معايا الكام يوم اللي فاتو دول
أميرة : تصدقي بجد انا زعلت منك وانا اللي قولت خلاص احنا عدينا مرحلة الصحوبية ديه وبقينا اكتر من الاخوات
منى في محاولة لاسترضاء أميرة : والله ابدا يا أميرة انتي عارفة غلاوتك
عندي اد ايه ... بس انا لما بكون مخنوقة الدنيا بتسود في وشي ومش بعرف بقول
ايه
أميرة : تسود ليه بس .. بالراحة كده وكل حاجة هتتحل ان شاء الله وما فيش أي
مشكلة ... انا دلوقتي عايزاكي كده تستسعيني بالله وتستعيذي من الشيطان لان
كل حالة القلق ديه بسببه هو
منى : مش حكاية شيطان يا اميرة بس انا فعلا مخنوقة
أميرة : بيتهيألك ده شيطان لانك في بداية قلقك ده لو كنتي استعنتي بالله
وفكرتي شوية بس.. ان اللي معاه ربنا يبقى ما يهموش حد ابدا كنتي بقيتي
كويسة وتمام التمام لكن انتي سيبتي نفسك للتخيلات بقى .. طب هعمل ايه ...
طب هكلمهم وللا لا ... طب هيرضوا يكلموني والشيطان بقى بيزودها والدليل
كلام ربنا سبحانه وتعالي (إنما النجوى من الشيطان ليحزن الذين أمنوا وليس
بضارهم شيئاً إلا بإذن الله )
يعني ممكن يكون اللي في دماغك ده اوهام مش هيحصل منها حاجة وتنكدي على نفسك وخلاص
منى : عندك حق ... بس برضه انا خايفة يحصل حاجة بكرة ... اكيد هنتقابل
معاهم هيكون موقفهم مني ايه ... افرضي ضحكوا عليا افرضي اتكلموا عليا من
ورايا افرضي ...
قاطعتها اميرة قائلة : قبل ما تكملي سلسة افرضي ديه ... حتى لو حصل كل ده ايه المشكلة
منى : يا سلام ايه المشكلة ازاي بقى؟
اميرة : منى انا عايزة اسألك سؤال ..لو انا قلتلك انك ممكن بطريقة تعرفي ربنا بيحبك وللا لأ تقولي ايه ؟؟
منى : اقول ايه وهي ديه فيها كلام اصلا
اميرة: خلاص انتي ممكن بكرة تعرفي ربنا بيحبك اد ايه.. الرسول صلى الله عليه وسلم بيقول ( إن عظم الجزاء مع عظم البلاء، وإن الله إذا أحب قوماً ابتلاهم، فمن رضي فله الرضا، ومن سخط فله السخط)
يعني لو ربنا ابتلاكي يبقى بيحبك ....لما صحابك سابوكي ده ابتلاء ويبقى
ربنا بيحبك ... لو ضحكوا عليكي اعرفي ان ده ابتلاء واعرفي ساعتها ان ربنا
بيحبك .... لو اتكلموا عليكي أولا هتاخدي حسنات سهلة وبرضه اعرفي ساعتها
ان ربنا بيحبك ... وبعدين كمان اللي ممكن يحصلك بكره ممكن تعرفي بيه انتي
ملتزمة بنسبة كام في الميه قوليلي ازاي ...
قالت منى وهي متشوقة : ازاي ؟؟؟
أميرة : في حديث بيقول (أَشَدُّ النَّاسِ بَلَاءً
الْأَنْبِيَاءُ ثُمَّ الْأَمْثَلُ فَالْأَمْثَلُ يُبْتَلَى الرَّجُلُ
عَلَى حَسَبِ دِينِهِ فَإِنْ كَانَ دِينُهُ صُلْبًا اشْتَدَّ بَلَاؤُهُ
وَإِنْ كَانَ فِي دِينِهِ رِقَّةٌ ابْتُلِيَ عَلَى حَسَبِ دِينِهِ فَمَا
يَبْرَحُ الْبَلَاءُ بِالْعَبْدِ حَتَّى يَتْرُكَهُ يَمْشِي عَلَى
الْأَرْضِ مَا عَلَيْهِ خَطِيئَةٌ)
يعني شوفي انتي بقى على قد ما يحصلك على قد ما تكوني ملتزمة ومش عايزاكي
تخافي خاااااااالص لانك مهما حصل فيكي مش هتكوني زي الرسول صلى الله عليه
وسلم ضحكوا عليه وسبوه وقالو شاعر وساحر ومجنون و هاجر من بلده وحصل فيه
كتيير .... طبعا مش معنى كلامي ان لو اليوم عدى من غير ما يحصل حاجة يبقى
ربنا مش بيحبك لا طبعا الرسول صلى الله عليه وسلم بيقول (
عَجِبْتُ لِأَمْرِ الْمُؤْمِنِ إِنَّ أَمْرَهُ كُلَّهُ خَيْرٌ إِنْ
أَصَابَهُ مَا يُحِبُّ حَمِدَ اللَّهَ وَكَانَ لَهُ خَيْرٌ وَإِنْ
أَصَابَهُ مَا يَكْرَهُ فَصَبَرَ كَانَ لَهُ خَيْرٌ وَلَيْسَ كُلُّ أَحَدٍ
أَمْرُهُ كُلُّهُ خَيْرٌ إِلَّا الْمُؤْمِنُ )
فهمتيني ؟؟.....
منى : ربنا يطمنك ويفرج همك زي ما طمنتيني .... اميرة انا مش عايزاكي تسيبيني بكرة خالص وبالذات لما نشوفهم
أميرة : ان شاء الله ما تخافيش مش هسيبك و بإذن الله ما يحصلش غير كل خير
منى : ياااااااااااااا رب
جاء اليوم المرتقب و أدت منى صلاة فجر ذلك اليوم ودعت الله ان يثبتها وألا يشمت بها أحدا ...
وصلت منى إلى الكلية واتصلت بأميرة : أميرة انتي فين يا بنتي
أميرة : ربع ساعة بالظبط وأكون عندك ... معلش المواصلات انهاردة ما اقولكيش واقفة بقالي نص ساعة ومش لاقية حاجة
منى في قلق : طب ما تتاخريش عليا
أميرة : ان شاء الله واجمدي كده يا بنتي ما حدش هياكلك وثقي في الله ... وزي ما اتفقنا امبارح يا موني تمام
منى : تمام ... يللا مستنياكي... سلام
اميرة : سلام
سارت منى في الطريق المؤدي إلى المكان الذي تجلس فيه عادة فوجدت ما كانت
تخشاه وكأن الله قد أراد ان يختبر قوة إيمانها ... وجدت جميع أفراد الشلة
يجلسون وبالطبع قد علت أصواتهم بالضحك كالمعتاد ....
منى في نفسها : اهو ده اللي كنت خايفة منى
الشيطان موسوسا : امشي بعيد بقى عشان ما يضحكوش عليكي او واحدة فيهم تستلمك
منى : ويضحكو عليا ليه هو انا اراجوز يعني انا همشي في طريقي عادي واقعد كمان في المكان اللي يعجبني ما حدش له عندي أي حاجة
وبالفعل سارت منى في طريقها بكل ثقة .. ولمحتها ندى فقالت : ايه ده ايه ده ... شوفوا يا بنات مين جاي هناك ... منى هناك اهي
نظرت الشلة إلى منى ثم قالت دينا : طبعا شافتنا وعاملة نفسها مش واخدة بالها
رنا : حرام عليكي ديه جاية من بعيد ... ولو شافتنا اكيد هتيجي تسلم
دينا : ايه يا ست رنا هو المحامي اشتغل تاني وللا إيه
رنا : يا ستي ولا محامي ولا بتاع وبعدين حتى لو ما جتش سلمت ويبقى عندها حق طبعا انا حروح اسلم عليها مش كفاية اللي عملته فيها
دينا : ليه هو انتي كنتي عملتي ايه يعني ده ...
قاطعتها ندى قائلة: بس بس بطلوا بقى عشان شكلها جاية علينا
سارت منى بخطوات ثابتة نحو الشلة ...
الشيطان موسوسا : انتي رايحة تسلمي عليهم مش خايفة يشمتوا فيكي
منى في نفسها : لا مش خايفة .... انا مش ضعيفة ولا عاملالي عاملة ... انا على الحق وهما اللي المفروض يتكسفوا
الشيطان موسوسا : هتسمعيلك كلمتين
منى في نفسها : ولا يهمني ... ومش هسيبهم ان شاء الله غير لما ربنا يهديهم
الشيطان : اما نشوف
اقبلت منى على الشلة واثقة في نفسها ومبتسمة وكأن لم يحدث أي شيء بينهم : السلام عليكم
ردت الشلة في صوت واحد وعليكم السلام
منى : ايه يا بنات اخباركم ايه
ردت دينا وهي واضعة احدي ساقيها على الأخرى وفي عينيها نظرة انتصار : الحمد لله كويسين اوي ... انتي اخبارك ايه
منى : الحمد لله ... وانتوا يا بنات عملتو ايه في الاجازة
ردت دينا مرة أخرى بنفس النظرة : كنا مقضينها فسح ..ثم قالت بلهجة الكيد : ايه يا رنا انتي ما قولتيلهاش وللا ايه
شعرت رنا باحراج وخجل شديدين وقالت بنفس الخجل وتكاد تخفي عينيها عن منى : لا قولتلها .. بس ..
عادت دينا لتقول بلهجتها المعتادة المتكبرة : بس طبعا انا عارفة انك مش كنتي هترضي تروحي فعشان كده مش قولتك
منى : هو انتي اللي كنتي عازماهم وللا حاجة
ردت الشلة : لا طبعا عزمانا ايه
منى : اصلك عامالة تقولي مش قولتلك وانا عارفة انك مش هترضي فعشان كده فكرت
انك انتي اللي عازماهم وبتحددي مين ييجي ومين ما يجيش فطالما انتي مش كده
يبقى يا ريت بلاش تتكلمي بصيغة المفرد
قالت دينا : كلنا واحد على فكرة مش كده يا بنات
خاب توقعها ولم يجب احد من الشلة فشعرت بالخجل وصمتت
منى مكمله حوارها : بس عادي فعلا انا ما كنتش هروح سينما وللا حاجة ثم وجهت
الحديث إلى رنا بنظرة مليئة بالعتاب : ورنا لما كلمتني كانت عارفة ليه مش
كده برضه يا رنا ..
ردت رنا في خجل : اه ....
في ذلك الوقت رأت أميرة منى تقف مع الشلة فذهبت إليها فهي قد وعدتها بأنها
لن تتركها وما ان وصلت وضعت يدها على كتف منى ثم قالت : وحشتييييييييني
ما ان رأتها منى حتى تهلل وجهها وتعانقتا بشدة فهما لم تتقابلا منذ اكثر من
اسبوع .. وكانت رنا تنظر إليهما وقد تسلل إلى قلبها شئ من الغيرة والغبطة
... ودينا تكاد تنفجر من الغيظ فهي كانت تتوقع أن منى ستكون وحيدة بلا
رفيقة ...
همست أميرة في أذن منى : ها النسبة كام في الميه
ابتسمت منى وقالت مداعبة : كنت هعرف دلوقتي بس انتي جيتي بقى ... انتي ايه اللي جابك يا بت انتي
أميرة وهي تضحك : بقى كده ... بس برضه مش ماشية ..
قالت دينا : ايه ده بالراحة شوية لأحسن هتغرقوا من كتر الحب
ردت منى : لا الحمد لله الحب بتاعنا مش بيغرق
أميرة : الحب في الله ده اكبر نعمة ... عقبالك ان شاء الله وربنا يرزقك بيه
لم تنتظر أي من الصديقتين الرد على حوارهما ... وقالت منى: يللا يا بنات احنا ماشيين مش عايزين حاجة
ردت رنا وهي تتحسر : ربنا يخليكي...
وبالطبع لم تترك دينا الحوار هكذا بل قالت في محاولة لاستفزاز منى : ايه ده اول ما جت كده سحبتك ومشت علطول
لم تنظر منى لـ دينا بل نظرت لأميرة وهي تبتسم ثم نظرت إلى دينا بنفس الابتسامة وخطر في بالها قول الله تعالي (وَعِبَادُ الرَّحْمَنِ الَّذِينَ يَمْشُونَ عَلَى الْأَرْضِ هَوْنًا وَإِذَا خَاطَبَهُمُ الْجَاهِلُونَ قَالُوا سَلَامًا) فازدادت ابتسامتها وردت على ديناوقالت : سلام
تركت الصديقتان الشلة ودينا تكاد تنفجر من الغيظ فهي لم تعتاد ان يتجاهلها
احد بمثل هذه الطريقة وباقي الشلة منهم من هو غير مكترث ومنهم من يتمني
صداقة كتلك التي بين منى وأميرة .....
هل ستدوم تلك الصداقة ام سيعكر صفوها شئ ما ؟؟؟؟ وماذا ينتظر منى من احداث ؟؟؟
تابعوا الحلقة القادمة ....
|
|
| | |
مشتاقة للجنةالمراقبة العامة
تاريخ التسجيل : 26/06/2010
| |
| | |
أحلى حياةمدير عام المنتدى
تاريخ التسجيل : 10/08/2009
| |
| | |
أحلى حياةمدير عام المنتدى
تاريخ التسجيل : 10/08/2009
| | موضوع: رد: يوميات خلي بالك من أبليس الأحد 11 سبتمبر 2011, 5:44 pm | |
| الحلقة الخامسة عشر
مرت الأيام ومنى تزداد في الطاعات واصبحت تواظب على أداء الفروض والنوافل
وتغير اسلوب حياتها.. حتى أهلها شعروا بذلك .... هم غير ملتزمين ولكن
كانوا سعداء جدا بالتغير المفاجئ لمنى ... دخل والد منى حجرتها فوجدها تنهي
صلاتها ...
الأب مداعبا ابنته : حرما يا ست الشيخة
منى وهي تضحك : ماشي ماشي بتتريق عليا كده برضه
الأب : انا اقدر برضه ... ربنا يكرمك يا حبيبتي
ردت منى بلهجة ذات مغزى : عقبال ما يكرمك ياااااااااااااا رب
( كان والد منى تارك للصلاة بالرغم من قيامه بأداء العمرة أكثر من مرة وقد
حاولت منى معه أكثر من مرة إلا أن محاولاتها جميعا قد فشلت )
الأب : ممممممممم يا رب.. انا هروح اشتغل شوية
منى مداعبة: ماشي ماشي اهرب مني وسيبني ... بس برضه وراك وراك ... كده برضه
يا بابا ده كله إلا الصلاة انا حتى مش بقولك صلي في المسجد زي اللي بيصلوا
ولا صلي نوافل بس ده فرض ربنا ... انا مش متخيلة ازاي حد يشوف الكعبة
بعينه وأكتر من مرة ويضيع الصلاة
الأب محاولا اخفاء احراجه : انا صليت في الحرم كتير وبعدين الصلاة في الحرم بمية الف صلاة
منى : يا سلام يعني حضرتك يا بابا يوم ما تقف بين ايدين ربنا ويقولك ما
كنتش بتصلي ليه هتقوله كده ؟؟؟ وبعدين لو كانت الحكاية سهلة اوي كده كان كل
الناس بقى راحوا صلوا في الحرم وفضلوا طول حياتهم مش بيصلوا
الأب وهو لم يعد يجد ما يقول: بصي اهم حاجة اللي جوايا وخلاص
منى : عارف يا بابا لو كان اللي جواك فعلا حب ربنا ما كنتش قلت الكلمة ديه
لان لو كان جواك بيحب ربنا ما كانش فوت ولا فرض ولا سنة ولا اي صلاة.. لان
اللي جواه حاجة لازم تظهر عليه من بره ... كل إناء ينضح بما فيه ... عشان
خاطري الا الصلاة ديه اول حاجة هنتحاسب عليها يللا قوم صلي دلوقتي عشان
خاطري
الأب تاركا الغرفة : ان شاء الله
منى : ماشي ماشي ... يوم القيامة هتفتكر اليوم ده وتقول يا ريتني كنت سمعت كلامها وصليت ساعتها ... بس برضه وراك وراك ...
ذهب والد منى وترك في قلبها حزن شديد فهي تتمنى لو ان يصبح ملتزما بتعاليم
دينه ... اخذت منى تدعو ربها بأن يهديه ويصلح حاله وكان قلبها يعتصر من
الحزن والألم فاغتنم شيطانها تلك الفرصة ...
الشيطان موسوسا : ما فيش فايدة من الكلام ده كله انتي بتدعيله زي ما تكوني بتدعي عليه
منى : لالالالالا استغفر الله ايه الكلام ده ... ان شاء الله ربنا يهديه انا واثقة في ربنا اوي
الشيطان موسوسا : يا بنتي ما فيش فايدة من الدعاء ادعي لنفسك احسن .. ربنا
لو كان عايز يهديه كان هداه من زمان ... اكيد مش مستني انك تدعيله يعني
منى : لا مهما حصل هفضل ادعيله ده مهما كان حقه عليا
الشيطان موسوسا : حقه عليكي في ايه ... في القران اللي ما حفظكيش منه آية
.. ولا في الصلاة الي سايبها ولا مرة قالي قومي صلي ... حتى صلاة الجمعة مش
بيروحها ..ولا في ايه وللا ايه
زاد حزن منى و ردت في نفسها : مهما كان انا هفضل وراه برضه لحد ما يرجع لربنا
الشيطان موسوسا : هو مين بيربي مين بالظبط
منى : اللي عرف ربنا اكتر واللي حب ربنا اكتر هو اللي بيربي ... هو بابا اه
والمفروض هو اللي ينصحني مش العكس بس ما حدش في الدنيا كلها عنده كل حاجة
ربنا رزقني بأب حنين وطيب وبيحبني جدا وبيعاملني كأننا أصحاب مش اب وبنته
... فاكرة لما كانت ندى بتحكيلك على قسوة باباها معاها ومعاملته ليها ....
هو العيب اللي فيه كبير وواجع قلبي جدا عليه وخايفة عليه اوي بس قصاد كل
الحنيه ديه لازم يبقى ابسط حقوقه عليا اني ادعيله واكلمه وافضل وراه لحد ما
ربنا يهديه
اخذت منى تدعي ربها والدموع تنهمر من عينيها وتتوسل إلى الله ان يهديه وألا يؤاخذه بذنوبه ...
في صباح اليوم التالي ذهبت منى إلى الكلية كالمعتاد ولكنها صدمت بشيء غريب
... وجدت شلتها القديمة تجلس مع مجموعة من الشباب وقد علت اصواتهم بالضحك
.. صدمت من ذلك المشهد فهي لم تكن تتوقع ذلك خصوصا من رنا و دعاء ..
لمحت رنا منى وهي جالسه على أحد المقاعد.. ووجدت منى تنظر إليها فشعرت بخجل شديد وأدرات وجهها على الفور
رنا في نفسها : يا ترى بتقول عليا ايه دلوقتي
الشيطان موسوسا : ما تقول اللي تقوله .. انتي بتعملي ايه يعني وبعدين انتي مش واقفة مع ولد لوحدك انتي واقفة في وسط شلة يعني عادي
رنا في نفسها : شلة !... انا عمري ما تخيلت اني ممكن اقف مع ولاد واضحك
معاهم كمان ... انا كنت بعيب على اللي بيعملوا كده وبقول عليهم مش محترمين
.. اقوم انا اعمل كده
الشيطان موسوسا : وماله اللي انتي بتعمليه.. الكلام ده لما ولد وبنت يكونوا لوحدهم وبيبقى باين عليهم انهم مش زمايل لكن انتي عادي ..
استسلمت رنا لتلك الوساوس ولكن كان يصاحبها دائما شعور بالذنب وتأنيب الضمير ...
قاطعت دينا حديث نفسها وقالت : ايه يا بنتي روحتي فين ؟؟ اللي واخد عقلك ..
رنا : ولا حاجة بس تعبت بقى لولا ان في محاضرة كنت روحت ..
قالت دعاء: بصوا بصوا منى هناك اهي هي ما جتش سلمت علينا ليه
قال حسام (احد اعضاء الشلة الجديدة ): منى مين ؟؟
ردت دعاء : ديه واحدة صاحبتنا
حسام : امال مش بشوفها واقفة معاكم ليه يعني
ردت دينا بكل جرأة : لا اصلها بعيد عنك كده يعني معقدة حبتين .. مش بعيد تقيم علينا الحد واحنا قاعدين القاعدة ديه كده
ضحك الجميع ما عدا رنا واخذوا ينظرون إلى منى ويعاودون الضحك مرة اخري
شعرت منى بأنهم يتحدثون عنها وشعرت بالاحراج الشديد وهمت بالانصراف لولا ان وجدت أميرة قادمة تجاهها وكأنها غيث من الله ...
أميرة : السلام عليكم
منى : وعليكم السلام
أميرة : مالك وشك أحمر كده ليه
منى وهي تكاد تبكي : بصي هناك كده وانتي تعرفي
نظرت أميرة وفهمت السبب وقالت لمنى : ولايهمك يا بنتي ما تزعليش
منى : انا اتوقع اي حاجة غير انه ييجي اليوم اللي يضحكوا عليا فيه بالمنظر
ده ومع ولاد كمان يا ترى بيقولوا عليا ايه انا خايفة يكونوا بيقولوا عليا
كلام وحش من ورايا للناس كده
أميرة : بيتهيألك ... الكلام اللي بيقولوه عليكي ده لو اي حد محترم سمعه
هيحترمك جدا ... اقولك انا بيقولوا ايه عشان ما تفكريش بيقولوا معقده ...
مش بتكلم ولاد ومقفلة مش بتسمع اغاني ولا بتشوف افلام ومتشددة جدا ... بس
يا ستي هو ده الكلام اللي بيتقال عليكي وعلى اي واحدة ملتزمة سابت صحابها
منى : يا سلام ايه الاستنتاجات ديه عرفتي منين بقى
أميرة : انتي ناسية لما انا التزمت مش كنتوا بتقولوا عليا كده برضه وسمعتكوا كذا مرة
شعرت منى بالاحراج الشديد : انا اسفة اوي يا اميرة مش عارفة اقولك ايه
أميرة : ما تقوليش ... انا مش بقولك كده عشان تتأسفي انا بقولك الكلام العادي اللي بيتقال
منى : فعلا داين تدان
أميرة : يا بنتي ليه بتفكري فيها كده ... فكري ان ده ممكن يكون ابتلاء من ربنا ليكي عشان يشوفك هتثبتي ازاي
منى : انتي عندك حق .. بس برضه الموقف ده علمني ان مهما اشوف من الناس ما
اتتريقش عليهم وللا اقلل منهم ابدا .. لان هيجي اليوم اللي هيحصل فيا كده
برضه
كانت رنا في ذلك الحين تقف في صمت تام .. كانت تغلبها الضحكات من حين لأخر
حين تسمع احد التعليقات الساخرة ولكن كانت تشعر بتأنيب الضمير الشديد
فقالت بلهجة جدية : عيب يا جماعة اوي كده ..ديه لو واحدة مش محترمة مش
هتضحكوا عليها الضحك ده كله
دينا : ايه يا ست رنا المحامي هيشتغل تاني
رد عمرو (احد افراد الشلة ايضا) : لا فعلا يا جماعة بس كده عشان شكلها اخدت بالها اننا بنتكلم عنها
دينا : اوووووووف طيب خلاص ... انتوا نكد كده ليه
عمرو : يا ستي ولا نكده ولا حاجة وقوموا يللا عشان المحاضرة خلاص فاضل عليه عشر دقايق
دينا : طيب ... بس برضه انتو نكد
ذهبوا جميعا لحضور المحاضرة وذهبت أميرة ومنى ايضا وتسلل إلى قلب منى شيء
من الغيرة بالرغم من سخريتهم منها .... ترى ماذا سيحدث وهل ستنتكس منى ؟؟؟
تابعوا الحلقة القادمة .....
|
|
| | |
مشتاقة للجنةالمراقبة العامة
تاريخ التسجيل : 26/06/2010
| |
| | |
أحلى حياةمدير عام المنتدى
تاريخ التسجيل : 10/08/2009
| |
| | |
أحلى حياةمدير عام المنتدى
تاريخ التسجيل : 10/08/2009
| | موضوع: رد: يوميات خلي بالك من أبليس الإثنين 12 سبتمبر 2011, 6:01 pm | |
| الحلقة السادسة عشر
ذهبت منى إلى المحاضرة بصحبة أميرة ولكنها لم تستطع
الفهم فقد كان كل تركيزها في الشلة الجالسة على مرمى بصرها فالفتيات يجلسن
بجوار الشباب وربما مال احدهم على احداهن يحدثها بكلمات اثناء المحاضرة
شعرت منى بشعور ممتزج بين الغيرة والاستنكار فوسوس اليها شيطانها : يا بختهم
منى في نفسها : يا بختهم على ايه ديه قلة ادب
الشيطان موسوسا : قلة ادب ايه بس .. دول زمايل وبعدين بذمتك مش انتي لما
كنتي بتتفرجي زمان على تليفزيون وتشوفي الجامعة في الافلام .. مش كان نفسك
يكون ليكي شلة فيها شباب وبنات
منى في نفسها : اه بس زمان ما اكنتش اعرف ان الكلام ده غلط وحرام وبعدين انا هشغل نفسي بالكلام ده ليه انا مالي بيهم انا سبتهم خلاص
الشيطان موسوسا : قصدك هما اللي سابوكي لما شافوا انك معقدة ... بذمتك مش نفسك تكوني معاهم دلوقتي
منى في نفسها : لا مش معقدة وما .....
قطع تفكير منى صوت أميرة التي لاحظت شرود منى : ركزي شوية في المحاضرة كده ما ينفعش وخلي عينك عند الدكتور مش في مكان تاني ماشي ..
ابتسمت منى في شيء من الاحراج وردت : حاضر
حاولت منى التركيز في المحاضرة ولكنها فجاة سمعت ضحكة بصوت عالي فنظرت فإذا هي دينا تضحك هي والشاب الجالس بجوارها ...
غضب الدكتور من ذلك المشهد وقال بصوت مرتفع وهو يشير بيده إلى دينا وحسام : انتي وهو اطلعوا برة
ردت دينا وهي تكاد تموت من الاحراج : انا اسفة يا دكتور ماكانش قصدي
الدكتور : برا يعني برا
قال حسام : يا دكتور خلاص اخر مرة
الدكتور : اخر مرة ايه وأول مرة ايه ده اسمه قلة احترام انتوا جايين
تتعلموا وللا رايحين النادي ...وانتي يا أنسة يا محترمة ايه الضحكة ديه
احنا قاعدين فين هنا .. اطلعوا برة ومش عايز اشوف وشكوا في محاضرتي تاني
... وبعد كده في المحاضرات الشباب جنب بعض والبنات جنب بعض ... برة ابقوا
اعملوا اللي انتو عايزينه
خرجت دينا وحسام خارج القاعة في احراج شديد وباقي الشلة ايضا شعروا
بالاحراج ... وكأن هذا الموقف تذكرة من الله إلي جميع الأطراف ...
قالت منى في نفسها : الحمد لله .. لو كنت معاهم كان زماني اطردت ده اكيد رسالة من ربنا ليا.. الحمد لله
كأن اميرة قد فهمت ما يدور بخاطر منى فانتهزت فرصة توقف الشرح واخذت كشكول محاضرات منى وكتبت فيه وَجَعَلْنَا بَعْضَكُمْ لِبَعْضٍ فِتْنَةً أَتَصْبِرُونَ وَكَانَ رَبُّكَ بَصِيراً
قرأت منى تلك الاية وكأنما هي رسالة اخرى من الله لها فنظرت لأميرة نظرة امتنان وهمت بان تتكلم ولكن الدكتور كان قد عاود لشرح
على الجانب الآخر أخذت رنا تلوم نفسا : انا بقى منظري وحش جدا يا تري
الدكتور ممكن يفتكرني كمان مش كويسة عشان قاعدة جنبها وللا اي حد ممكن يقول
عليا ايه وهما عارفين اني صاحبتها ... اخس عليا انا اللي استاهل اني رضيت
اقعد جنب ولاد .. انا اللي كان ممكن اتطرد بدلها ... مش لو كنت مع منى كان
يبقى احسن
انتهت المحاضرة وتعمدت منى ان تذهب لتلقي التحية على رنا ..
منى : ازيك يا رنا
رنا في شيء من الاحراج : الحمد لله ... انتي ايه اخبارك
منى : الحمد لله تمام....... ايه يا بنتي مش بتسألي يعني
رنا : معلش انا عارفة اني مقصرة معاكي
انتهزت منى الفرصة وقالت : بس ايه ده انا اول مرة اشوفكوا واقفين مع ولاد
ردت رنا في احراج : اه دول زمايلنا عادي يعني
منى : لا يا رنا مش عادي ... انتي عمرك ما وقفتي مع ولد اصلا مش انتي اللي
كنتي بتعيبي على دينا لما كانت حتى تتكلم عن ممثل في فيلم ... ايه اللي حصل
لم ترد رنا على منى فهي تعلم تماما ان منى على حق .. و نظرت ندى فوجدت منى
فقالت بلهجة باردة : منى ازيك.. ايه ما حدش بيشوفك اليومين دول
منى : ليه.. ده انا علطول موجودة في المكان اللي بقعد فيه علطول
ندى : واحنا برضه ..
منى : اه ما انا بشوفكوا
ندى : اومال مش بتيجي تسلمي ليه
منى : اصلكوا بتكونوا واقفين مع شباب وانا بتحرج اجي اكلمكم
ندى : لالالالالا دول صحابنا عادي
منى بشيء من السخرية : ااااااااااه صحابنا ... طب مش كنتي تقولي .. لا كده انا اكيد اكيد .... مش هسلم برضه ..
ندى : لا يا شيخة ... يا بنتي فكيها عشان ربنا يفكها عليكي كده بلاش القفلة ديه ... هتتخنقي من كترالقفلة
ردت منى بلهجة ذات مغزى : مش احسن ما اتطرد من المحاضرة لما افتحها على
البحري... يا بنتي مين قالك اني مخنوقه كده انا مرتاحة جدا.. اقل ما فيها
لو بابا جه اي وقت الكلية هيلاقني قاعدة باحترامي مع بنات
ندى : يا سلام ... قصدك اننا مش محترمين يعني
منى : لا يا ستي محترمين ..والاحترام نفسه كمان بس الناس مش هتفهم كده ..ده ...
قطع حديث منى صوت عمرو الذي لم يرفع عينه عن منى : ايه يا ندى مش تعرفينا
قالت ندى وهي تعلم تماما انا منى لا تريد ذلك : اه ديه منى صاحبتنا .. ده عمرو صاحبنا يا منى
قال عمرو بلهجة ناعمة وهو يمد يده ليسلم على منى : اهلا يا منى .. ازيك
نظرت منى اليه نظرة استنكار ولم تمد يدها وردت في اقتضاب : اه اهلا ... يللا يا بنات انا ماشية سلام
وقف عمرو مندهشا ويده ما زالت ممدودة : هي مالها ؟!!
ندى : مش قولتلك
أما رنا فقد وقفت طوال الحديث صامتة واخذت تفكر : طب انا لو بابا جه الكلية
وانا واقفة معاهم هيعمل ايه .. وانا ساعتها هقوله دول زمايلي عادي وللا
ايه بالظبط وانا اللي فاكرني في البيت مش بكلم ولاد انا حاسة كأني حرامية
...
خرجت رنا من قاعة المحاضرات متوقعة ان تجد دينا تبكي او ما شابه ولكنها على
العكس.. وجدتها تضحك مع حسام وتضرب كفها بكفه وكأنه احدى صديقاتها البنات
وليس شابا ...
قالت رنا في تعجب : يا برودك .... ايه ده يا بنتي
ردت دينا : اعمل ايه يعني اموت نفسي ... ما انا قولت للدكتور انا اسفة وهو اللي ما قبلش .. اروح ابوس ايده يعني
قال حسام لرنا : يا ستي فكك .. هو عقبال ما تيجي المحاضرة الجاية هيكون نسى اصلا
قالت رنا : ده ايه الروقان ده انا لو مكانك كان زماني اغمى عليا من الاحراج
دينا : على ايه يعني ..سيبك بقى من الموضوع وخلاص بقى انا مش عايزة اليوم يقفل انهاردة
على الجانب الاخر كان الشيطان قد انتهز الفرصة واخذ يوسوس لمنى : هو عمرو ده نظراته غريبة كده ليه
منى في نفسها : لا عادي اكيد عشان اول مرة يشوفني
الشيطان موسوسا : لالالالالالا مش كده بس.. نظراته كانت غريبة فعلا كمان
شوفتيه مد ايده وسلم ازاي .. بصراحة انتي احرجتيه جدا لما ما سلمتيش
منى : لا طبعا ما كانش ينفع اسلم ...
الشيطان موسوسا : بس هو شكله ذوق ومحترم جدا وبصراحة شكله اتحرج
منى : ذوق لنفسه ويتحرج ما يتحرجش ماليش دعوه ..وكفاية بقى الحركات ديه انا
كاشفاها كويس مش كل واحد يبصلي يبقى خلاص بقى معجب اعوذ بالله من الشيطان
الرجيم
عادت منى إلى المنزل ولكنها كانت حزينة فهي لم تكن تتوقع ان تصل صديقاتها إلى هذا الحد فرأتها والدتها على تلك الحال ...
الأم : مالك يا منى شكلك متضايق
منى: ابدا ما فيش
الأم : على ماما برضه ... قوليلي يا حبيبتي فيكي ايه وبلاش تقلقيني عليكي
كانت منى في أمس الحاجة ان تتحدث مع والدتها فقصت عليها ما حدث ولكنها فوجئت برد فعل لم تتوقعه..
الأم : بصراحة يا منى انتي مكبرة الموضوع
نظرت منى بدهشة ثم قالت مكبرة الموضوع ازاي يا ماما بقولك بيقفوا مع ولاد
الأم : وفيها ايه يعني .. يا بنتي ما انتي برضه لازم ما تكونيش قافلة على
نفسك كده ... لازم تتعاملي مع كل الناس انتي ياما هتشوفي وبعدين ما انتي في
الشغل برضه هيكون ليكي زمايل رجالة ولازم هتتعاملي معاهم ... ده انا ايام
الكلية ديه ما سبتش رحلة ما طلعتهاش وعملت كل اللي في نفسي ... يا بنتي
عيشي سنك بكرة تتجوزي وتخلفي وتقولي يا ريتني ارجع تاني ليوم من الايام ديه
كانت منى تستمع وهي مذهولة وكأن رد فعل أمها قد عقد لسانها عن الكلام ...
الأم : ايه كلامي فيه حاجة غلط
ردت منى بصوت مخنوق : انا هقوم انام يا ماما عشان تعبانة من الكلية بعد اذنك
الأم : ماشي يا حبيبتي ربنا يهديكي يا رب
دخلت منى إلى غرفتها مسرعة واغلقت الباب واخذت تبكي بحرقة وجثت على ركبتيها
واخذت تناجي الله يا رب انا تعبت انا كل الناس بتشككني في نفسي انا ايه
بالظبط...هو انا معقدة بجد زي ما بيقولوا .. استاهل يضحكوا عليا .... انا
صح وللا غلط انا تعبت تعبت يا رب تعبت اوي ... كل ما اقول خلاص انا بقيت
كويسة وقربت من ربنا الكل يحسسني كاني من كوكب تاني ...يا رب انا سبت كل
حاجة عشانك كل حاجة ومش عايزة غيرك ما تضيعنيش يا رب انا تعبانة وما حدش
حاسس بيا غيرك يااااااا رب ....
فتنة الاصدقاء ... الأم تنصح بما هو ليس متوقعا من أم .... مجتمع يرى كل ما
هو صالح طالح ... إلى جانب وساوس إبليس ... هل ستنجو منى بالرغم من ذلك أم ستنقلب على عقبيها؟؟؟؟
تابعوا الحلقة القادمة .....
|
|
| | |
مشتاقة للجنةالمراقبة العامة
تاريخ التسجيل : 26/06/2010
| |
| | |
أحلى حياةمدير عام المنتدى
تاريخ التسجيل : 10/08/2009
| |
| | |
أحلى حياةمدير عام المنتدى
تاريخ التسجيل : 10/08/2009
| | موضوع: رد: يوميات خلي بالك من أبليس الثلاثاء 13 سبتمبر 2011, 2:06 am | |
| الحلقة السابعة عشر
مرت أيام طويلة ومنى تشعر باليأس والإحباط فلقد صدمت من أقرب الأقربين
إليها ... كانت تؤدي العبادات بفتور شديد وضعف همة بلا خشوع بلا حب بلا
شيء..وبالطبع فشيطانها يلعب الدور الرئيسي في ذلك ....
الشيطان : يا سلاااااااام بقالي كام يوم مستريح على الاخر.. هي اي نعم
بتصلي فروض ونوافل وده اللي مضايقني حبتين .. بس وايه المشكلة طالما من غير
تركيز ومن غير دعاء زي ما كانت خانقاني ومن غير خشوع ولا عياط بقى زي ما
كانت مموتاني يعني عادي ولسه المرحلة الجاية كمان هخليها تسيب النوافل شوية
بشوية كده ..بلاش اخد المواضيع معاها كده قفش احسن تقفشني هي.. وكل اللي
اعمله يروح ... لا وانهاردة كمان هزود معاها جرعة اليأس والاحباط كده حبتين
عشان ابدأ بقى في المرحلة الجديدة ...
حان وقت صلاة العشاء فقامت منى بتثاقل شديد لأدائها ..صلت وهي شاردة الذهن حزينة ... بالطبع لم يتركها شيطانها فلم تدري كم صلت ...
اخذت تحدث نفسها اثناء الصلاة : هو انا صليت كام ركعة بالظبط ...تلاتة وللا اربعة يعني ديه الاخيرة وللا ايه
الشيطان موسوسا : لا اربعة يللا بقلا خلصي ..
منى : بس انا مش فاكرة اني صليت اربعة انا هعمل زي ما سمعت بالظبط اصلي على اقل عدد وبعد كده اسجد سجدة سهو ...
الشيطان موسوسا : لا سهو ولا حاجة انتي مصلية صح يللا بقى عشان لسه السنة
كمان ...و شكلك تعبانة ونفسيتك مدمرة بلاش تصليها احسن كده كده مش هتتحاسبي
لو سبتيها ..
افاقت منى ووجدت نفسها واقفة لا تتحرك اثناء الصلاة وغارقة في التفكير
فاستعاذت بالله على الفور وانهت الصلاة وسجدت سجود السهو وصلت السنة ... ثم
جلست تفكر : ياااااااااه للدرجادي وصل بيا الحال وتذكرت حديث الرسول صلى
الله عليه وسلم ((ان احدكم اذا قام يصلي جاءه الشيطان فلبس عليه حتى لا يدري كم صلى فاذا وجد ذلك احدكم فليسجد سجدتين وهو جالس))
الشيطان بقى في صلاتي وسيطر عليا وكمان كان هيضيع عليا السنة رحمتك يا رب
وانا اللي من اسبوع واحد بس كنت بخطط لحفظ القران والدعوة كمان انا ايه
اللي جرالي للدرجادي شيطاني سيطر عليا ..
الشيطان موسوسا : لا ده مش شيطانك ديه نفسك ... انتي اللي كده.. لانك شكلك
ما كنتيش ملتزمة بحق وحقيقي كان كله كلام على الفاضي والدليل اهو ... واصلا
اللي انتي فيه ده ما كانش التزام ده كان تعقيد ... ضيعتي اصحابك منك حتى
امك بتقولك عليكي معقدة يعني المفروض بقى تشوفي الصح فين وتعمليه ..
واخذ الشيطان يزيد جرعة الاحباط فجعلها تتذكر جميع المواقف المحزنة في
حياتها ... او تتخيل مواقف محزنة لم تحدث من الاساس.. وجعلها تتذكر سخرية
اصحابها منها ...
بكت منى بكاء شديدا لتلك التخيلات وقالت في نفسها : يعني اعمل ايه يعني ؟؟
ارجع تاني ... ارجع تاني للي كنت فيه ... الاغاني واللبس والسينمات ومش
بعيد كمان اصاحب ولاد ... كل ده عشان ايه وعشان مين ؟؟ عشان ارضي امي اللي
المفروض هي اللي تنصحني وللا عشان بنات سابوني وباعوني عشان عايزة بقولهم
عايزة اقرب من ربنا ... ارجع تاني للي كنت فيه وحب ربنا يضيع من قلبي تاني
... لايمكن ابدا
اخذت تفكر في ذلك وتضع يدها على قلبها وكأنما تخشى ان يذهب الايمان من قلبها بالفعل .... قامت على الفور واتصلت بأميرة ...
منى : السلام عليكم
أميرة : وعليكم السلام ... مال صوتك فيه ايه
منى : لم تتحدث منى ولكن اخذت تبكي بشدة وعلا صوتها بالنحيب ..
أميرة : طب اهدي طيب في ايه قوليلي حد حصله حاجة
حاولت منى استجماع قواها وقالت من بين بكائها : لا ما حدش حصله حاجة بس انا نفسيتي تعبانة ... تعبانة اوي
أميرة : طب بالراحة طيب وكل حاجة هتتحل ... احكيلي كده ايه اللي حصل ...
قصت منى على أميرة كل ما حدث وكل ما تشعر به ...
صمتت أميرة قليلا ثم قالت : سبحان الله ...فعلا القرآن منزل لكل زمان ومكان
... انتي عارفة المواقف ديه حصلت معايا وعارفة بتفكرني بايه مع الفارق
طبعا
منى : بايه ؟؟؟
أميرة : عارفة طبعا قصة تغيير القبلة مش كده ؟؟؟
منى : اه طبعا بس ايه علاقتها بالموضوع يعني ؟؟!
أميرة : الرسول صلى الله عليه وسلم كان بيصلي تجاه المسجد الاقصى وبعدين
فجأة وهو بيصلي ربنا امره فغير اتجاهه ناحية الكعبة المؤمنين بجد هما اللي
غيروا اتجاههم معاه والمؤمنين التايواني طبعا عارفة موقفهم
منى : ايوه طبعا بس مش فاهمة تقصدي ايه ؟؟!!
أميرة: ..المؤمن اللي بجد اللي مهما الظروف اتغيرت حواليه اللي مهما الناس
شككوه في نفسه هو حاطط هدف ماشي وراه وهو ده اللي المؤمنين عملوه هما كانوا
ماشيين ورا الرسول صلى الله عليه وسلم حاطينه هدف ماشيين وراه عشان
عارفين ان في اخر السكة هيلاقوا ايه ... المؤمن اللي بجد هو اللي ربنا
يقوله يمين يبقى يمين شمال يبقى شمال لانه مش بتاع نفسه ربنا اشترى منه
نفسه ...ربنا قالهم انا غيرت القبلة ولازم تتبعوا الرسول في كده هتلاقوا
منافقين هتلاقوا ناس مرتدين هتلاقوا ناس يشككوكم في دينكم مالكمش دعوة
امشوا في طريقي بدون نقاش ربنا كان له هدف من تغيير القبلة وهو انه يصفي
المؤمنين يشوف مين المؤمن اللي بجد ...الموقف اللي بيمر معاكي هو هو ...
انتي قعدتي فترة الحمد لله اهلك في البيت كويسين معاكي بالرغم من عدم
التزامهم بس كانوا فرحانين بيكي وتمام التمام ... لما فجأة ربنا يحول
الحكاية ديه ويغير رايهم خلاص ... تتغيري انتي كمان وتشكي في نفسك ... كأن
ديه رسالة من ربنا بيقولك فيها انا غيرتلك الظروف بس برضه عايزك تمشي في
الطريق بتاعي مهما شككوكي مهما اتعقدتي مهما اي حاجة امشي في طريقي طب
هتقوليلي ربنا عمل كده ليه ما انا كنت كويسة ؟؟؟ هقولك الاية ديه ..
(( وَمَا جَعَلْنَا الْقِبْلَةَ الَّتِي كُنتَ
عَلَيْهَا إِلَّا لِنَعْلَمَ مَنْ يَتَّبِعُ الرَّسُولَ مِمَّنْ يَنقَلِبُ
عَلَى عَقِبَيْهِ ))
ربنا عايز يختبرك يا بنتي اومال انتي فاكرة نفسك عايزة تبقي ملتزمة ببلاش عايزة تدعي إلى الله ببلاش عايزة الجنة ببلاش ألا أن سلعة الله غالية, ألا أن سلعة الله هى الجنة!!! ربنا
عايز يشوفك ها ...غيرتلك شوية حاجات بس طريقي انتي عارفاه امشي وراه مهما
حصل عملتي كده ؟؟مشيتي وراه ؟؟وللا انتي عايزة كل حاجة تمشي زي ما انتي
مخططة ؟ّ!!! مستحيل وبعدين انتي مش لسه من كام يوم قولتيلي ان الاية ديه
اثرت فيكي ( إن الله اشترى من المؤمنين أنفسهم
وأموالهم بأن لهم الجنة يقاتلون في سبيل الله فيقتلون ويقتلون وعدا عليه
حقا في التوراة والإنجيل والقرآن ومن أوفى بعهده من الله فاستبشروا ببيعكم
الذي بايعتم به وذلك هو الفوز العظيم ( 111 ) )
وكنتي جاية فرحانة وقولتيلي انا حاسة كأن ربنا بيكلمك في الاية ديه
منى : اه ..
اميرة : هقولك حاجة سمعتها من الشيخ حازم شومان كان بيتكلم عن الاية ديه
... بيقولك واحد كان عنده عربية باعها لواحد.. وبعد كده الراجل اللي باع
العربية راح للي اشتراها قاله غير لونها خليه اخضر تقولي في الراجل ده ايه
؟؟؟
منى : وهو ماله اصلا ما هو باعها خلاص ...
اميرة : طيب يعني ربنا اشترى منك نفسك يعني انتي ما بقتيش ملكك بقيتي وقف
لله تعالى يعمل فيكي اللي هو عايزة وما تقوليش ليه وما تقوليش لربنا يعمل
ايه ولا يمشيلك حياتك ازاي {لا يسئل عما يفعل وهم يسئلون}
ربنا اكيد له حكمة في كل حاجة بتحصلك وبكرة افكرك المواقف ديه هتخليكي
اقوى صدقيني بعد مده ولا كلمة هتأثر فيكي انا كنت كده برضه ودلوقتي مهما حد
قالي ولا بيهمني لاني خلاص اخدت مناعة ضد الكلام ده ... لكن لو كان ربنا
سابني التزم واجتهد في التزامي من غير ما اقابل عقبات كانت اول عقبة
هتقابلني بعد التزامي ده كله كان ممكن تخليني انتكس بطريقة وحشة جدا وكل
اللي عملته يروح لاني ساعتها هكون مرتبكة ومش عارفة اتصرف وما عنديش خبرة
.. لكن الحمد لله ربنا بيعودك من دلوقتي وانتي لسه في الاول عشان بعد كده
لما تقابلي أي حاجة تبقي خلاص تعرفي تفكري بطريقة عقلانية كده مش أي كلمة
توديكي وتجيبك ماشي وللا ايه .... انا عمالة ارغي من الصبح وانتي مش بتردي
لو كلامي فيه حاجة غلط قوليلي ..
منى : لا مش غلط .. بس انا مكسوفة من نفسي جدا ... عشان مع اول حاجة تقابلني فعلا عملت كده
اميرة : بس الحمد لله انك رجعتي لله في الوقت المناسب بس عشان تعرفي فضل
الله عليكي وانه بيحبك ثقي في الله وما لكيش دعوة بحد ... حاجة تانية عايزة
اكلمك فيها ... الشلة يا منى بلاش تتمني انك تبقي زيهم وللا تتمني انك
تكوني مكانهم ولا تزعلي انهم سابوكي ولا أي حاجة انا عارفة ايام الجامعة
واللي معظم البنات الا من رحم ربي مخططاه ليها.. انا نفسي ساعات بتيجي عليا
لحظات كده ببقي عايزة اعمل كده من كتر الفتن اللي حواليا بس العهد اللي
بيني وبين ربنا ما اقدرش اخونه ابدا ... برجع بسرعة وبفتكر اني لازم عشان
الجنة اتعب واجاهد نفسي وكل لما نفسي كده تروح لحاجة من الحاجات ديه بفتكر
قوله تعالى {وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى. فَإِنَّ الْجَنَّةَ هِيَ الْمَأْوَى}
قالت منى وصوتها حمل في طياته الكثير من الامتنان : بصي انا مش هقولك حاجة
انا بس كل اللي هعمله اني هفضل ادعيلك على قد ما ربنا يقدرني ... ربنا
يكرمك ويزيدك من فضله ويثبتك
أميرة : واياكي يا رب ... انا والله مش بقولك الكلام ده على اساس بقى اني
بنت جايبة من الاخر وواصلة والشويتين دول ... بجد ربنا ستير اوي وانا وبمر
بنفس اللي انتي بتمري بيه بالظبط كل الحكاية اني بدأت بدري شوية عنك فاخدت
شوية مناعة وربنا يثبتنا جميعا واعملي حسابك يا انسة انا وانتي عايزين نبدأ
الحفظ بقى احنا متفقين من شهر ومكسلين على الاخر
منى : عندك حق عايزين نحجز في الدار اللي انتي قولتي عليها ونحاول نشد حيلنا في الحفظ والله المستعان ...
انتهت المكالمة وعاد لمنى اقبالها على العبادة وعاد الشيطان كعادته مخذولا
وقررت منى الا تهتم لما يقال عنها وان تسير في دربها الذي ارتضاه الله لها
مهما كانت العقبات ...هل سيتركها الشيطان هكذا ؟!!! بالطبع لا فهو يجري
منها مجرى الدم ... ماذا سيحدث؟ وماذا ينتطرها ؟؟؟
تابعوا الحلقة القادمة ....
|
|
| | |
مشتاقة للجنةالمراقبة العامة
تاريخ التسجيل : 26/06/2010
| |
| | |
أحلى حياةمدير عام المنتدى
تاريخ التسجيل : 10/08/2009
| |
| | |
أحلى حياةمدير عام المنتدى
تاريخ التسجيل : 10/08/2009
| | موضوع: رد: يوميات خلي بالك من أبليس الأحد 25 سبتمبر 2011, 2:08 pm | |
| الحلقة الثامنة عشر
مرت الايام وعادت منى إلى حياتها من جديد وزاد قربها من الله ..قررت ان تسير في
دربها واضعة هدفها أمامها غير مكترثة بما يقوله القائلون ......
على الصعيد الاخر كانت الشلة تتمادى في غفلتها يوما بعد يوم .. أما رنا فقد كانت دوما تشعر بتأنيب الضمير ...
رنا في نفسها : انا تعبانة اوي ونفسيتي مدمرة ... انا حاسة اني منافقة ... لما
بكون معاهم بكون عادي جدا وبضحك وبهزر وبتصرف زيهم ...واول لما بروح البيت
ببقى حاسة كاني خلاص كل حاجة راحت مني ... انا ما بقتش رنا بتاعة زمان ...
انا منافقة ....
الشيطان موسوسا : لا نفاق ولا حاجة ... انتي هتعملي ايه يعني تسيبيهم وتبقي لوحدك
رنا في نفسها : ما هو ده اللي مخليني معاهم دول صحاب عمري اسيبهم ازاي ... بس انا نفسي ارجع لربنا .... انا نفسي ابقى زي منى واميرة
الشيطان موسوسا : ده انتي لو رجعتي تكلميهم هيشمتوا فيكي شماتة وهيقولوك ما من من الاول ومش عارفة ايه ... قربي من ربنا وماله ... بس اوعي تسيبي صحابك يا بنتي ... بس اميرة ومنى بلاش انتي مش ناقصة شماتة من حد ..
رنا في نفسها : خلاص انا هبدأ اقرب من ربنا بس مش هسيب اصحابي وكمان هحاول المح للبنات كده من بعيد لبعيد اننا نبعد عن الولاد عشان انا حاسة بتأنيب الضمير ...
الشيطان موسوسا : ومالهم الولاد بس ... بذمتك مش بيعاملوكي كانك اختهم ... وانتي كمان حاسة كانهم اخواتك .... وما فيش بينكم حاجة لا سمح الله يبقى ليه تسيبيهم ... انتي يا ستي قربي من ربنا ... وقولي للولاد بلاش نضحك بصوت عالي عشان منظرنا ما يبقاش وحش ... ما تتصوريش هتكبري في نظرهم اد ايه ... وترضي ربنا كمان
رنا : يا رب انا عايزة اقرب منك ...ابعدني عن اي حاجة انت مش راضي عنها .....
ذهبت رنا للكلية فوجدت دينا تستقبلها مهللة : تعالي تعالي شوفي اللي حصل
رنا : خير
دينا : عمرو يا ستي واقع ع الاااااااااااااخر ..
رنا : من ورايا ... ومين ديه اللي مامتها داعية عليها
عمرو: هاهاهاها ... ايه الخفة ديه ...
دينا : بس ده واقع وقعة ما اقولكيش تخيلي ميييييييين ؟؟
رنا : اكيد انتي يا دينا ... شكلكوا لايق على بعض
دينا : اه وماله .... لا مش انا يللا حظه وحش
عمرو: حظي وحش ايه ده انا نفدت بجلدي
دينا : انت تطول اصلا
عمرو : اه اطول واطول من كده كمان
رنا : يووووووووه بطلوا بقى عراك وقولي يا عمرو يا ابني مين هي
عمرو: منى صاحبتكم
شعرت رنا بالذهول : منى ... منى بتاعتنا
عمرو : ايوه ... ايه رايك ؟..
رنا : بس هتقولها ازاي ؟؟؟ انت عارف منى وطبعها
عمرو : ما هو ده اللي شدني ليها ؟ انا من زمان نفسي ارتبط بواحدة ما عرفتش ولاد قبل كده ..
رنا لائمة نفسها : شايفة الولاد لما بييجوا يختاورا .. بيختاروا مين ؟؟
رنا : يا سلام ؟!!! قصدك ايه بقى طب ما احنا بنقف معاكم اهو ...
شعر عمرو بارتباك ثم قال : يا بنتي انتوا اخواتنا ... ده انا اللي هختارلكوا عرسانكم بايدي ..
دينا : ماشي يا عم الخاطبة
تجاهل عمرو دينا ووجه حديثه لرنا : ها يا رنا انا عايزك تكلميهالي ..
هزت رنا رأسها نفيا : مستحييييييييييل انساني خااااااالص ... عايز تكلمها كلمها انت ...
عمرو: ايه الندالة ديه هو كلكم كده ... طب انا هكلمها ومش عايز منكم حاجة
اخذ عمرو يفكر في طريقة يتحدث بها إلى منى ... فجاء في اليوم التالي وانتظرها في المكان الذي تجلس فيه عادة .. حيث لا يوجد احد في هذا الوقت ... جاءت منى ونظرت فوجدت عمرو يجلس في هذا المكان ...فغيرت اتجاهها لكنها فوجئت به يناديها : منى .. منى ..
ترددت منى اتذهب ام تقف ..فوقفت وتحدثت بلهجة صارمة : حضرتك عايزني انا ...
عمرو : اه ... انا عمرو صاحب رنا ودينا ... انتي مش فاكراني ؟؟؟
منى : لا طبعا فاكرة حضرتك ...خير في حاجة ؟؟
عمرو : كنت عايز اكلمك في موضوع كده بس مش عارف افاتحك ازاي ؟؟
منى : في حاجة تخص البنات؟
عمرو : لا غير كده
همت منى بالرحيل بعد ان فهمت مغزاه : طيب انا ما فيش حاجة تربطني بحضرتك غير صحابي .. غير كده ما فيش بعد اذنك
عمرو : استني بس ... انتي فهمتيني غلط ...ثم استجمع عمرو شجاعته قائلا : انتي
انسانة محترمة وملتزمة وده اللي شدني . بصي ومن الاخر انا عايز ارتبط بيكي
شعرت منى بصدمة قوية من الكلمة وانتباتها احاسيس مختلطة ثم استجمعت قواها وقالت : انا اسفة ما ينفعش
عمرو : طب بس بالراحة ... هو انا مثلا بقولك نتصاحب ولا نمشي مع بعض انا بقولك ارتبط بيكي
منى : بس افتكر ان بنات الناس مش بيتطلبوا غير من اهلهم ...غير كده انا ما افهمش وما اعرفش
عمرو : ما انا اكيد هتقدملك بس اول ما اخلص دراسة
منى : ااااااااااااه .. طب بعد اذنك ...
وانصرفت منى .. فلاحقها وجذبها من ذراعها وقال : اسمعيني بس ..
شعرت منى بالخجل الشديد ولم تدري ماذا تفعل فلقد خشيت ان يراها احدا ما فيقال عليها الاقاويل : فقالت له انت عايز مني ايه من فضلك سيبني كفاية بجد كده
وما تكررهاش تاني
عمرو :انا اسف.. بس انتي ليه مش عايزة تفهميني انا اصلا معجب بيكي بدرجة ما تتوصفش وهطلبك اول ما اخلص
منى : طب وفي خلال الفترة ديه ايه اللي هيحصل؟؟؟؟ََّّ!!!.. اقولك انا هوفر عليك الكلام كله ...ما تخافيش انا مش همشي معاكي لوحدنا عشان بخاف على سمعتك ...علاقتنا هتقتصر على التليفون وبس ... طبعا عشان اطمن عليكي ..وعشان تطمني انا هكلم مامتك ...طبعا انا هقوم قايله لك افرض انا اختك هتقوم قايلي انا واثق في نفسي جدا وعارف اني جاد مش زي اي حد ...مش هو ده الكلام يا محترم
كان عمرو يستمع وهو يشعر بالصدمة فهذا بالفعل ما كان ينوي ان يقول .ثم قال : طب وفيها ايه .. انا فعلا بتكلم بجد ومش بلعب بيكي
منى : لا فيها كتيييييييير اوي ... فيها ان لو حتى حضرتك هتتقدملي انهاردة انا هرفض عارف ليه حضرتك ..لاني يوم ما افكر مش هفكر غير في واحد ملتزم ... يتقي الله في بنات الناس ...ويراعي ربنا فيا مش واحد عايز يتصاحب وتليفونات ...وانا واثقة انك بس لو حسيت ان اختك او اي واحدة قريبتك بتعمل كده ..انتي كنت جبت عاليها واطيها .... اتق الله واعرف ان زي ما بتعمل ..فيه واحد دلوقتي بيعمل في زوجتك اللي مكتوبة عند الله ...وبحذرك انك تحاول تكلمني تاني والا هتصرف معاك تصرف ما تحبوش
انصرفت منى وتركت عمرو يحدق في ذهول واخذ يحدث نفسه : هو فيه كده في الدنيا ....هي فاكرة نفسها ايه يعني ..البنات مترمية ومستنية بس حد يشيل ...
ذهبت منى وجسدها كله ينتفض بشدة فوجدت أميرة فارتمت في احضانها واخذت تبكي بشدة ... فزعت اميرة وتخذت تهدئ من روعها وتقرأ لها بعض الايات ثم جلستا واخذت منى تقص لها ما حدث بالتفصيل ثم قالت لها : يا اميرة انا حاسة اني اتهنت في كرامتي ... هو انا شكلي مش محترم عشان يطلب مني كده
اميرة :مش محترمة ايه بس ... انتي بس اللي حاسة بكده عشان انتي محترمة فعلا ومتدينة بجد ...عارفة لو واحدة اي كلام كانت فرحت جدا حتى لو كانت رفضته بس كانت هتبقى فرحانة ان حد نفسه يرتبط بيها ... انا عايزاكي تهدي كده وما تخليش الشيطان يأثر عليكي ...ممكن يخليكي تندمي ويقولك ليه ما قبلتيهوش وهتلاقي منين واحد تاني يحبك والكلام ده كله ... انا بقولك من دلوقتي عشان تخلي بالك
منى : ما تخافيش لا يمكن افكر كده بس خايفة يكون حد شافني قال عليا حاجة
أميرة : ما تخافيش إن الله يدافع عن الذين آمنوا
ذهب عمرو وقص ما حدث للبنات ....شعرت رنا بصدمة وقالت في نفسها : ربنا يبارك فيكي يا منى بجد نفسي ابقى زيك فعلا محترمة
قالت رنا : مش قولتك ... بص يا عمرو منى فعلا مش من النوع ده وما تحاولش معاها سيبها في حالها وحطها في مكان اختك
قالت دينا بعند : انا هكلمهالك
انتظرت دينا حتى خرجت من المحاضرة التي بالطبع لم يحضرها اي من افراد الشلة مواساة لصديقهم الصدوق عمرو ....
دينا : منى ...ازيك يا بنتي ... ايه اللي حصل ...
منى : ما انتي اكيد عارفة ايه اللي حصل
دينا : عمرو حكالي ...بس انتي بصراحة اوفر جدا ... عمرو بيحبك اوي ..
منى: يا ستي يحبني ما يحبنيش هو حر ...لكن ما لوش دعوة بيا .. انا واحدة بخاف على سمعتي جدا ولا يمكن اخلي حد يقول عليا نص كلمة ويا ريت تفهميه ده
دينا : ومين بس جاب سيرة سمعتك ... انتي هترتبطي بيه وهيتقدملك اول ما يخلص
منى : بصي يا دينا من فضلك انا قلتله كل الكلام اللي ممكن يتقال ... وانا يا ستي مش قابلاه اصلا
دينا : انتي غريبة جدا ...طب بصرف النظر عن عمرو ايه المشكلة في الارتباط
حاولت منى الحفاظ على هدوءها ثم قالت : المشكلة ان ما فيش حاجة اسمها ارتباط ...غير الخطوبة والجواز انا ما اعرفش
دينا : طب افرضي واحد مش مستعد يتقدم دلوقتي يعمل ايه
منى : يبقى يستنى لحد ما يستعد ... واراهن كان لو اخته وقولتيله في واحد مش مستعد
بس عايز يرتبط باختك لحد ما يقدر شوفي هيقولك ايه
دينا :ماشي بس هو واحد محترم ديه حاجة ...الحاجة التانية بقى ...يعني مثلا هو يضيع اللي بيحبها عشان هو مش قادر افرضي حد تاني اتقدملها وهي ما تعرفش
انو بيحبها وسابها كده على عماها مش لازم يقولها
منى :والله لو هي مش بتاعته يبقى هي مش بتاعته من الاول
دينا : بس ربنا قال اسعى يا عبد وانا اسعى معاك
منى: الكلام ده في رزق في شغل مش في بنات الناس ...ربنا قال ولا متخذات اخذان ربنا قال وأتوا البيوت من ابوابها ده اللي ربنا قاله ... ربنا كرمنا يبقى ليه احنا نهين نفسنا ... انا ما ليش غير واحد هتجوزه هو ده اللي بحبه من قبل ما اشوفه وبراعي ربنا فيه اووووي مش ببص لحد تاني احسن هو ممكن يكون بيبص لواحدة وديه انا ما اقبلهاش ..انا ما اعرفش اتنين حبوا بعض قبل الجواز واتصاحبو الا وحياتهم قلبت نكد وجحيم لأن ربنا عزيز واللي هتاخديه غصب واللي هتاخديه في وقت مش من حقك ربنا هياخده بعد كده اخذ عزيز مقتدر.. عشان خاطري يا دينا انتوا كمان حاولوا تقللوا الكلام مع الولاد عشان خاطر نفسك قبل اي حد
دينا : اه ... ان شاء الله خليكي انتي في الاوهام ديه
منى : مش اوهام ولا حاجة بصي انا هسألك سؤال واحد بس ومش عايزة منك رده انا عايزاكي بس تعقليها مع نفسك ... ربنا لما يعطي زوج لاي حد هل ربنا باسمه العدل هيعامل اللي كانت بتعرف ولاد ويمكن مصاحبة ..زي اللي عمرها في حياتها ما عرفتش ولد مع انها كان بايديها بس هي اتقت الله في زوجها ... هل ربنا هيعامل ديه زي ديه؟؟!! ...
همت دينا بالرد فقاطعتها منى لعلمها بعندها الشديد: قولتلك يا دينا مش عايزة رد انا عايزاكي تفكري واوعي تفتكري اني احسن منك بالعكس انتي اللي جواكي ممكن يكون احسن مني مليون مرة عشان خاطري فكري ..
على الجانب الاخر كانت رنا تفكر في حيلة لتظهر عمرو على حقيقته فقالت له عمرو بما انك بقى انهاردة فتحت موضوع الارتباط ...في حاجة كنت عايزة اكلمك فيها من زمان ....
عمرو : خير ؟؟
رنا : حسام
عمرو : خير عايز يرتبط هو كمان
رنا : لا هو مش عايز هو ارتبط خلاص ... بص هو اصلا مرتبط بــ .....بسارة اختك
عمرو وقد اصابته الدهشة : نعععععم ...بمين ؟؟؟
رنا : فيه ايه يا عمرو مالك ؟؟ّّ!
عمرو بغضب شديد : والكلام ده من امتى ان شاء الله وانا نايم على وداني زي المغفل
رنا : فيه ايه يا عمرو انا قلت انك هترحب بالفكرة
عمرو : ارحب بايه ...ده انا هقطع رقبتها
رنا وهي تتصنع الندم على ما قالت : يا ريتني ما قولتلك ... بس مامتك عارفة
عمرو : كمان ... يللا عشان تكمل وانا و بابا ايه في البيت
رنا : انت ليه كده؟؟ ده صاحبك وطبعه طبعك وظروفه من ظروفك ليه كده ...مش كنت عايز تعمل كده مع منى ؟؟؟؟
قال عمرو منفعلا : رنا ما تعصبنيش انا مش ناقص
رنا : طب ايه رايك ان كل ده كلام في كلام ؟!!
عمرو وهو يشعر بالصدمة : يعني ايه ؟!!
رنا : يعني حسام وسارة مش مرتبطين ... انا حبيت اعرف حاجة بس
عمرو : يعني ده هزار برضه ؟؟؟ ينفع كده؟؟
رنا : لا هو فعلا ما ينفعش وشوف يا عمرو مع احترامي لحضرتك انا مش عايزة
اعرفك بعد كده تاني .. زي ما بتخاف على اختك خاف على بنات الناس واتق الله
فيهم
كانت دينا قد اقبلت عليهم فقالت رنا : كويس انك جيتي ..بصي يا دينا احنا صحاب من سنين ومش هنخسر بعض على ناس لسه عارفينهم جديد ...انا مش عايزة بعد كده اعرفهم تاني لما هما بيخافوا على اخواتهم كده اومال بيعملو كده ليه مع بنات الناس ؟؟؟ اومال بيبصلونا احنا ازاي ؟؟؟وبيعاملونا على أساس ايه ؟
دينا : ايه ايه ...اهدي وفهميني ؟؟
قصت رنا على دينا ما حدث شعرت دينا بالذهول واسترجعت حديث منى ولكنها قالت بالرغم من ذلك : رنا اللي انتي شايفاه صح اعميله وانا معاكي في اي حاجة بس انا برضه مش هخسركم انتوا الاتنين.. انتي اختي وعمرو ده اخويا ... ومهما كان فيه حاجات الواحد ممكن يعملها بس ما يقبلهاش على نفسه لانه واثق من نفسه بس مش واثق من غيره.....
شعرت رنا بالصدمة ولم ترد بل حبست دموعها ورحلت في صمت .... وقالت في نفسها : هما دول صحابي اللي كنت هبيع الدنيا عشانهم ...واللي سبت منى بسببهم ..وبعدت عن ربنا ...وعصيت ربنا ... يااااااااااااا رب .. ولم تتمالك نفسها فراحت تبكي كما لم تبكي من قبل ..
اما منى فقد عادت إلى البيت بأحاسيس رائعة فموقف هذا اليوم جعلها تشعر انها بالفعل تصون نفسها لزوجها المكتوب عند الله الذي طالمت حلمت به كثيرا .....قررت في ذلك اليوم ان تكتب اليه اول رسالة لكي تهديها له بعد زواجهما ...تناولت ورقة وقلم وراحت تكتب ....
بسم الله الرحمن الرحيم
زوجي الحبيب .... بكل الأحاسيس التي تحتويني الآن ...اليك اكتب .....
من أجلك وحدك حفظت قلبي ... جوهرتي الثمينة التي بداخلي ...
أنت يا من أعرف ولا أعرف ... أحبك من قبل أن أراك ... هل تعلم فتاة بهذا الجنون غيري ...
ربما تكون قد سمعت هذا من قبل او قرأته ومررت عليه مرور الكرام وتعجبت قائلا لا يوجد مثل هذا في هذا الزمان!!! ...
لكني أثبت لك .. انها أنا ...
ارجو بأن تكون بالقدر الكافي من الجنون الذي يجعلك تفكر بطريقتي تلك ... فأحيانا تأخذني تخيلاتي بعيدا وأسرح بفكري حتى أتخيلك تفكر بي كما أفكر بك ... وتدعو لي كما أدعو لك ... لا تتعجب ولا تنظر هكذا ..
أجل ..إني أدعو الله .. أن يحفظ قلبك لي وحدي وبصرك لي وحدي وأن يرزقك الصحبة الصالحة .. وأن يجعلك الله لي كما أتمني .. بل أكثر مما أتمنى ...
كما أدعو الله بأن يجعلني لك أكثر مما تريد وأن يغلق قلبي وعقلي وبصري عن جميع الرجال حتى تأتي أنت وتفوز بكنز المشاعر المخبوءة بداخلي ...
ولكن اعلم أن من يستحق هذا الكنز ليس رجلا وسيما ولا رجلا غنيا ولا رجلا غرته الدنيا .. بل رجل همه الله لا ينطق الا به ..عزه سجوده ..وغناه تقوى الله ..هذا ما اريد ... وهذا ما اتمناه من الله ...
واعلم اني اغار كثيرا ..ولكن غيرتي ليست كالاخريات ..فإني لا أغار من امرأة على وجه الأرض .. ولكني أغار كثيرا وبشدة من الحور العين ..أعلم انك تأكدت الآن من جنوني ... ولكني بالفعل أغار منهن كثيرا .. واحذر ان تثير غيرتي .. وذلك بأن تجعلني أغضب منك في يوم .. فتقول احداهن لاتؤذيه قاتلك الله !فإنما هو عندك دخيل يوشكأن يفارقك إلينا ...
ولذلك اعدك بقدر استطاعتي ألا اغضبك في يوم ما ...وكيف اغضبك وانت قرة عيني ...
واعلم اني اذا احببتك يوما فإني أحببتك لأجله ... هو ..هو وحده لا شريك له .. قلبي كله له وليس لغيره .... يحب عباده الصالحين ...وانا احب ما يحب .. فما دمت
عبده ..دمت في قلبي ...
وأخيرا .. اعدك بأن انتظرك مهما كان ... فان طال غيابي عنك فاعلم أن بي علة يريد الله ان يصلحها لكي أكون كما تريد ... فثقتي بالله تجعلني أؤمن بأنك أفضل مني بكثير .... وكلما ضعفت همتي او زاغت نفسي تذكرت قول ربي (والذين هاجروا في الله من بعد ما ظلموا لنبوأنهم في الدنيا حسنة ولأجر الآخرة أكبر لو كانوا يعلمون .الذين صبروا وعلى ربهم يتوكلون )
فأنا هاجرت من حياتي السابقة وأملي في الله أن يرزقني بك في الدنيا وأن يظلني معك في ظله يوم لا ظل إلا ظله ..... اطمأن سأصبر وأصبر وٍسأنتظرك .....
أحبك في الله
ختمت منى رسالتها وبها ما بها من المشاعر ...ثم ابتسمت وكأنها تذكرت شيئا ما ..وعادت لتكتب
ملحوظة هامة : اتراجع عن قولي بأني لا اغار من أي امراة ..فإنك ان نظرت يوما لغيري ...لا أدري ماذا سأفعل حينها...
اغلقت منى رسالتها و احتفظت بها في مكان لا تصل إليه يد ... وقامت تصلي شكرا لله وتدعو الله أن يهدي صديقاتها وأن يمن عليهن كما من عليها ......
ما أجمل الحب في الله وما أجمل أن تكون مما في يد الله أوثق مما في يديك .... ماذا ينتظر قصتنا من أحدث ؟؟!!!...
تابعوا الحلقة القادمة ....
|
|
| | |
أحلى حياةمدير عام المنتدى
تاريخ التسجيل : 10/08/2009
| | موضوع: رد: يوميات خلي بالك من أبليس الأربعاء 26 أكتوبر 2011, 4:36 pm | |
| الحلقة التاسعة عشر
عادت رنا إلى المنزل وهي في حالة لا يعلم بها سوى الله ... كان الألم والندم يعتصران قلبها ... تمنت لو عاد بها الزمان للوراء بضعة أشهر ...فقط بضعة أشهر كانت من الممكن أن تكون سببا في تغيير حياتها بالكامل...كانت تتذكر ما مرت به في تلك الشهور وتشعر بالحسرة .... وبينما هي كذلك إذا بدعاء تتصل بها ...
دعاء:الو..... ازيك
رنا : الحمد لله ...انتى عاملة ايه؟؟؟
دعاء : انتوا اللي عملتوا ايه من غيري انهاردة ؟؟
رنا : يا سلام يعني انتي ما تعرفيش ؟؟؟
دعاء: ما اعرفش ايه ؟! هو فيه حاجة حصلت ؟؟
رنا : فيه حاجة حصلت ؟؟ده حصل بلاوي !!
دعاء: خير فيه ايه ؟؟؟
قصت رنا كل ما حدث بالتفاصيل ....لم تستوعب دعاء ما حدث فقالت : انتي بتتكلمي بجد ؟؟؟!! انتي عاملة فيا مقلب مش كده ...
رنا : مقلب ايه وبتاع ايه ؟؟هي الحاجات ديه فيها هزار انتي كمان
دعاء: طب لما دينا قالتلك كده عمرو قال ايه ؟
رنا : هيقول ايه يعني ...
دعاء : وازاي دينا تقبل اصلا ؟؟؟ وبعد الموقف اللي انتي عملتيه معاه ده المفروض كانت تسيبه وتمشي
رنا : اقولك على حاجة ... احنا اللي غلطانين من الأول طول عمرنا عارفين موقف الشباب من البنات اللي بيقفوا معاهم وبرغم كده برضه ما فيش فايدة عملنا نفسنا ولا كأننا عارفين حاجة ..وقلنا فيها ايه يعني ما كله كده ...
دعاء وقد بدأ يتسلل الندم إلى قلبها : عندك حق ... طب ومنى ما كلمتكيش من ساعتها ؟؟
رنا : لا ما اتصلتش ...وبصراحة انا من كتر ما انا مكسوفة منها مش عايزة اتصل بيها...زمانها دلوقتي مفكرة اننا كلنا بقى مصاحبين ... انا بجد ندمانة اوي
دعاء: لا يا رنا انتي عارفة منى لا يمكن تفكر كده ابدا ... وحتى لو فكرت احنا هنشيل الفكرة ديه من دماغها
رنا : ازاي بقى ؟؟؟
دعاء : وديه محتاجة تفكير يعني احنا مش هنقف معاهم تاني ابدا بعد كده ...وكده هي هتفهم اننا سيبناهم بسبب الموقف اللي حصل معاها ...بس المشكلة بقى في دينا وندى .. انتي عارفة ان ندى لا يمكن تسيب دينا
رنا : وانتي عارفة اني لا يمكن اكلم دينا تاني بعد اللي حصل انهاردة ...
دعاء : بس انا خايفة يقولوا علينا كلام من ورانا وانتي عارفة دينا تعملها ..
رنا : انا مش عارفة ازاي انا كنت كده وازاي كنت مصاحباها وانا عارفة انها كده ..
دعاء: خلاص يا رنا ما تزعليش نفسك سيبيها كل حاجة على ربنا
شعرت رنا بغصة وقالت: يااااااااه ربنا ...دلوقتي حسيب كل حاجة على ربنا ... ربنا اللي قعدت شوفي كام شهر باعده عنه حتى الصلاة ما كنتش بصليها ... والولاد اللي اتعرفت عليهم واهلي اللي كانوا فاكرني زي العسكري ... يا ترى كام حد شافني وانا واقفة معاهم وقال عليا اني مش محترمة ؟؟؟ لا وكمان لما كنت اشوف اي حد شكله ملتزم اداري نفسي .. كنت بتكسف من الناس ومش بتكسف من ربنا
... ردت دعاء وقد تأثرت: كفاية يا رنا.. كفاية .. ما تخلينيش اندم اكتر من كده ..
رنا وقد اختنق صوتها وغلبتها عبراتها : دعاء انا هقفل معاكي دلوقتي عشان مش قادرة اتكلم
دعاء: طب ما تقلقينش عليكي وانا هتصل بيكي على بليل كده اطمن عليكي
رنا : ماشي ...سلام
دعاء : سلام
انهت رنا المكالمة وراحت في بكاء عميق كانت تعتريها مشاعر الحزن والخوف والندم اخذت تحدث نفسها : هو ممكن دينا تقول عليا حاجة ؟؟؟ وللا ممكن عمرو ده يقول عليا حاجة ؟؟؟
الشيطان موسوسا : مش بعيد ...ربنا ممكن ينتقم منك عشان اللي كنتي بتعمليه ...
رنا : بس انا والله كنت ناوية ارجع لربنا حتى قبل ما ده يحصلي
الشيطان موسوسا : بس انتي غلطي كتير اوي وعصيتي ربنا ياما ما فيش فايدة ...ده كفاية عقوبة ترك الصلاة ديه لوحدها ده غير بقى الاغاني والشباب والنميمة ربنا هيغفرلك ايه وللا ايه
رنا : طب اعمل ايه ؟؟انا ماليش غيره ..
الشيطان موسوسا : دلوقتي ما لكيش غيره ...انتي اصلا عايزة تقربي دلوقتي من ربنا عشان خايفة حد يقول عليكي كلام مش كويس ... واول لما الفترة ديه تخلص هتبعدي تاني عن ربنا .... انتي مش بتعرفي ربنا غير في مصلحتك وبس واوعي تفتكري ان ربنا هيساعد واحدة منافقة زيك
رنا وهي تبكي : والله انا عايزة ارجع لربنا ...ربنا رحمته واسعة ..
الشيطان موسوسا : الكلام ده لحد ناوي يتوب بجد ويسيب كل المعاصي اللي كان بيعملها ... تقدري تقوليلي ممكن تغيري لبسك كله من بكره وتخليه واسع ...طب تقدري تبطلي اغاني وافلام من دلوقتي .... طب تقدري تصلي وما تسيبيش ولا فرض ولا سنة ولا اي حاجة خالص؟؟؟؟ طبعا ما تقدريش انتي فين والالتزام فين ...
شعرت رنا بالاحباط واليأس وقالت : انا فعلا ما اقدرش اعمل كل الحاجات ديه دلوقتي ... انا حاسة ان ربنا غضبان عليا اوي
الشيطان موسوسا : ومش عايز يخليكي تتوبي... عشان ما فيش فايدة منك انتي حاولتي كتير بس شكلك خلاص ..
شعرت رنا باكتئاب شديد وكانت من عادتها انها اذا شعرت باكتئاب راحت في نوم عميق ... بالطبع لم يتركها شيطانها فهو يريد ان يقنطها من عفو الله بأي شكل من الأشكال ..فرأت جميع أنواع الأحلام المزعجة ...فتارة ترى والدها داخل الجامعة يراها وهي تتحدث مع الشباب ... وتارة ترى عمرو في منزلها –الذي لا يعرف عنوانه من الأساس- يتحدث مع والدها ...
على الجانب الأخر كانت أميرة تتصل بمنى ...
أميرة: السلام عليكم
منى : وعليكم السلام
أميرة : ايه عاملة ايه دلوقتي ؟؟
منى : الحمد لله تمام
أميرة : طب بقولك ايه افتحي الميل ضروري
منى : ليه في ايه ؟؟؟
أميرة : في درس عايزاكي تسمعيه وتقوليلي رأيك
منى : ماشي خلاص ... بس هو عن ايه
أميرة : لما تسمعيه هتعرفي ...وبقولك انا هسيبلك اللينك بتاعه في رساله عشان عايزة اعمل حاجة ضروري
منى : هتعملي ايه من ورايا ؟؟؟
أميرة : انتي بقت أسئلتك كتير على فكرة ... اسمعيه وهتعملي زيي
منى : مممممممم طيب خلاص انا هفتح اهو وابعتيه
أميرة : خلاص ماشي ... بس ما تكسليش واسمعيه
منى : حاااااااااضر
قامت منى بتحميل الدرس وجلست تستمع ...
انا عايزك تتخيل معايا انك في معسكر فيه عدد كبير من المسلمين ..
وانت في وسط الليل فجأة استيقظت لقيت نار محيطة بالمعسكر ..
بتبص لقيت عدد صغير هو المستيقظ..!
فيه قدامك حل من الاتنين يا إما تهرب ويمكن تنجو !!
بس تقبلها على نفسك ؟؟؟ تسيب اخوانك يموتوا !! وانت تنجو بنفسك ...
ولكن امامك حل تاني انك تعمل على ايقاظ النائمين وتنقذ اخوانك..
دلوقتي فعلا فيه نار حقيقة محيطة بالمسلمين ...!!
احنا دلوقتي فعلا نايمين والنار محيطة بينا من كل جانب ..
أخ كان نازل بيسأل شباب عن الصحابة فبيقول لهم انتوا تعرفوا الصحابة ؟؟ قالوا له اه ..!
قال لهم طب تعرفوا مين ؟؟؟
قالوا له ابو بكر ..
ومين ؟؟؟
وعمر
ومين كمان
وعفان !!! عثمان ابن عفان ...
ومين
وعلي
ومين تاني
قالوا له هو فيه صحابة تانيين غير دول ؟؟؟!!!
فيه نار محيطة بالشباب ديه ..
ومش المسلمين بس .. لا غير المسلمين كمان
فيه إحصائيات بتقول ان 200000 شخص بيموتوا على لاإله إلا الله يوميا !!!
يعني في ساعة واحدة 1000 واحد بيموت تقريبا !!
اللي بيسجدوا لبوذا عددهم قد اللي بيسجدوا لله !
95% من المسلمين لا يصلون سواء صلاة الجماعة أو صلاة الفرض !!!
يعني لو الفلاح زرع الارض وطلع المحصول وقال ما حدش هياخد منه غيري انا واهل بيتي الناس هتموت من الجوع ..
الطبيب بعد ما اتعلم قال انا مش هعالج غير نفسي واهل بيتي ..الناس تموت من المرض ..
والمسلم لو قال نفسي ...... الناس تموت على الكفر والعياذ بالله ..!!
الناس اللي بتدخل في الاسلام الواحد منهم بيقول منكم لله يا مسلمين !!!!
ابويا مات على الكفر وأمي وناس كتير بحبهم ماتوا على الكفر !!
انتوا فين ؟؟؟ قاعدين تاكلوا وتشربوا وتعصوا أوامر دينكم ؟؟؟
عايز اكلمكم على الدعوة وفضل الدعوة !!! وفن الدعوة ..
يعني ايه اروح لصحابي ؟؟؟!!
طب وفيها ايه ما انت ياما روحت لصحابك في حاجات مالهاش لازمة ..
ايه يعني لما نروح لصحابنا في طاعة الله ؟!
ايه يعني لما نعمل مجهود لله سبحانه وتعالى ؟!
الصحابة كان قدامهم المسجد المكي الصلاة فيه بـ100000 صلاة ومع ذلك قبور الصحابة متوزعة في العالم كله !!!
انا عايزك تتخيل لو مجموعة من الناس مسكوا اخوك يشرحوا فيه ..
وانت قاعد فوق في بيتكم مش بتلعب لأ بتقرأ قرآن ! لو ابوك جه وعرف هيعمل فيك ايه !!!!
يعني يوم ما نلقى الله ويقولك انت ما عملتش حاجة ليه للأمة هتقول له ايه؟؟؟
انت نفسك تبقى ملك من ملوك الاخرة ؟؟!!
اه نفسي والله !!
نفسك في باب من ابواب الجنة الثمانية ؟؟
طب اقولك على حاجة تدخلك من ابواب الجنة الثمانية من غير تعب ؟؟؟
الدعوة إلى الله ..
ليه ؟؟؟!
اقولك ..انا دلوقتي جيت ادعو الي الله اتكلمت مثلا عن الصلاة ..قام واحد اجتهد في الصلاة يبقى هدخل من باب الصلاة
اتكلمت عن بر الوالدين واحد أطاع ابوه وامه يبقى هتدخل من باب بر الوالدين ...
.اتكلمت عن الصدقة وعن الامر بالمعروف والنهي عن المنكر....وهكذا
يبقى الدعوة إلى الله تخليك تدخل من باب الجنة الثمانية ...
اخذت منى تستمع وتستمع حتى انهت الدرس ...
ولم تنتظر فقامت على الفور بالاتصال بأميرة ...
منى : اميرة .... انا عايزة من ده ....
ضحكت أميرة وقالت : مش قولتك .. ها ايه رأيك ؟؟
منى : رأيي في ايه ؟؟؟ انا بالذوق بالعافية يمين شمال بإذن الله هبقى كده ..
أميرة : انا برضه من ساعة ما سمعت الكلام وبالذات الحتة بتاعة ابواب الجنة الثمانية ديه وانا ما اقولكيش ..
منى : اااااااااه .. شوفي ضيعنا قد ايه ... وانا اللي زي العبيطة سايبة صحابي
أميرة : وانا اللي اعبط منك عشان ما شجعتكيش ...
ضحكت منى وقالت: بس خلاص سيبك من اللي قبل كده احنا ننقذ ما يمكن انقاذه
أميرة : بصي بقى يا جميل احنا عايزين الفترة الجاية كده نسمع دروس على قد ما ربنا يقدرنا .. عشان نعمل الفكرة اللي في الدرس..
منى : قصدك على الكراسة الدعوية ؟؟
أميرة : اه بصراحة الفكرة حلوة جدا ..
منى : بس انا بصراحة مش عارفة اكتب فيها ايه ؟؟ ولا ابتدي ازاي !
أميرة : يا بنتي عادي انتي تعملي زي ما سمعتي في الدرس بالظبط اي حاجة حلوة تسمعيهااي اسلوب كويس سمعتيه وكان اثره كويس على الناس تكتبيه في الكراسة ديه بحيث يكون عندك حصيلة افكار حلوة .. اي حديث او اي آية إثرت فيكي وحسيتي انها ممكن تأثر في الناس كده يعني ..وهنبتدي بالدرس بتاع انهاردة ده شوفي ايه الافكار الحلوة اللي سمعتيها فيه واكتبيها ..
منى : خلاص تمام ... انا هقفل معاكي وهنفذ الفكرة هجيب معايا الكراسة بكرة وانتي كمان هاتيها ونشتغل فيها سوا ...
أميرة : خلاص بس ما تخبيش حاجة كده وللا كده
منى : لا ما تخافيش ..ويللا كله بثوابه
أميرة : بقى كده ماشي اما نشوف مين هيكتب احسن
منى : اما نشوف ... يللا انا هقفل دلوقتي
أميرة : ماشي يا جميل ... وما تتاخريش بكره بقى
منى : بإذن الله ....
انتهت المكالمة وعكفت منى على تنفيذ الفكرة فقامت بتقسيم الكراسة إلى أجزاء وكتبتعنوان لكل جزء .. الأغاني .. الحجاب .. الصحوبية ... الصدقة ... بر الوالدين .. الصلاة ... وهكذا ..
ثم قامت بكتابة عدة طرق مختلفة يمكن ان تكون مؤثرة في هذا الجزء إلى جانب بعض الأحاديث والآيات الخاصة بهذا الموضوع ....
كتبت ما
استطاعت كتابته ثم قامت لتستريح بعد عناء يوم حافل ... ولأول مرة منذ زمن شعرت بأن لها هدفا في الحياة وشعرت براحة نفسية وهدوء داخلي لم تشعر به من قبل ..
هل ستدوم تلك الراحة أم سيعكر صفوها شئ ما ؟؟؟
تابعوا الحلقة القادمة ...
ده رابط الدرس سماع الدرس اجباري اجباري اجباري استحلفكم بالله وافتكروا ان شوشو هيمنعكم ...
الرابط هنــــــــــــــــا
الموضوع : يوميات خلي بالك من أبليس المصدر : مسجد الهدي المحمدي الكاتب: أحلى حياة |
|
| | |
مشتاقة للجنةالمراقبة العامة
تاريخ التسجيل : 26/06/2010
| |
| | |
أحلى حياةمدير عام المنتدى
تاريخ التسجيل : 10/08/2009
| |
| | |
أحلى حياةمدير عام المنتدى
تاريخ التسجيل : 10/08/2009
| | موضوع: رد: يوميات خلي بالك من أبليس السبت 29 أكتوبر 2011, 6:31 am | |
| الحلقة العشرون
في صباح اليوم التالي ذهبت منى وأميرة إلى الكلية باكراً كالمعتاد وجلست كل منها تتحدث إلى الأخرى ...
منى : ها جبتي كراستك وللا لأ ؟
أميرة : اه جبتها اهو .. شكلك انتي اللي نسيتيها
منى : لا انا اقدر برضه ... بس قوليلي كتبتي فيها كل حاجة وللا مخبية حاجة كده وللا كده
أميرة : كاتبة فيها كل كلمة ... مش زي ناس انا ..اتفضلي شوفي بنفسك ...
ضحكت منى وقالت : ماشي ماشي .. وريني ...
نظرت منى بدهشة وقالت : ايه ده؟؟ كل ده !! لحقتي تعملي امتى ده كله ؟؟
ضحكت أميرة وقالت : انتي هتحسديني وللا ايه ؟؟ اهو ده اللي كنت خايفة منه ..
منى : لا يا ستي اللهم بارك ...ما شاء الله لا قوة إلا بالله .. كويس كده ؟؟
قالت أميرة : مش عارفة ليه مش حاسة انها من قلبك ...يلا زي بعضه ... وريني انتي بقى ..
منى : اوريكي ايه بقى ... بلاش كسوف ..
أميرة : اااااااااه بتخبي من أولها اهو ..
منى : ولا بخبي وللا حاجة هخبي على ايه يعني شوفي اهي ..
أخذت أميرة تتصفح الكراسة وقالت : طب ما هي حلوة اهي وفيها افكار جميلة ما شاء الله
منى
: علطول رافعة من روحي المعنوية ... انا عشان اعمل كراسة محترمة كده لازم
افضل اسبوعين كده اسمع دروس كتير ...انهاردة هقضيها طول اليوم دروس في دروس
أميرة : والمذاكرة يا أنسة ؟؟!الامتحانات على الابواب .
منى : مذاكرة ايه وبتاع ايه دلوقتي ..
أميرة
بدهشة : مذاكرة ايه وبتاع ايه ؟؟!! انتي بتهزري يا بنتي ... مذاكرتك ديه
حياتك ومستقبلك ... انا عايزة افهم بس انتي ايه طموحك في الدعوة ؟؟
منى : طموحي اني ما اسيبش ولا حد من قرايبي ولا صحابي ولا اي حد غير لما ربنا يهديه ..
أميرة : بس كده ؟!!
منى : انتي قصدك الدعوة على النت ؟؟؟ هبقى اعمل برضه مواضيع دعوية ..
أميرة :
ماشي الكلام ده جميل ومطلوب طبعا ... بس افرضي واحدة من البنات اللي في
الكلية سألتك مرة عن مجموعك هتقوليلها ايه لو مثلا جبتي مقبول او طلعتي
بمادتين لا قدر الله ؟؟؟ البنت اللي نفسك ربنا يهديها لما تلاقي الملتزمات
مش ناجحين في دراستهم تفتكري ممكن تفكر اصلا في الالتزام ؟؟! الملتزم ده
قدوة يعني لازم على قد ما ربنا يقدره لازم يكون كويس في كل حاجة ..طبيعي
ممكن يكون في جوانب تقصير...بس الصورة العامة لازم تكون كويسة ...
منى : طب وانا هلاحق على ايه وللا ايه .. الدعوة وللا المذاكرة وللا العبادة ..
أميرة :
وانتي ليه بتفصلي كل دول عن بعض ؟؟؟ كل دول حاجة واحدة ..المذاكرة المفروض
تكون عبادة .. النتيجة اللي هتيجي من المذاكرة ديه هتستخدميها في الدعوة
.. والا بتكوني بتحققي الصورة الموجودة عند كتير من الناس عن الملتزمين
..انهم مش فالحين غير في الصلاة والصوم وبس ومذاكرتهم في الضياع ...
ليه ما
تبقيش نموذج كويس ...اصل الشاطر بيقى شاطر في كل حاجة ... يا فرحتي عمالة
ادعو في الناس وفي الاخر اطلعلي بمادتين وللا مقبول ...
خلي
طموحك اعلى من كده ...ليه ما تفكريش مثلا انك تكوني ملتزمة ومؤدبة ومتفوقة
في دراستك وممكن كمان يبقى طموحك انك تعملي ابحاث ...بالله عليكي انتي لو
شفتي واحدة كده مش هتتمني تكون زيها ؟؟!! ده انتي يا بنتي لو شفتي واحد غير
مسلم حتى ومتفوق في مجاله واخلاقه عاليه بتقوليه يا ريته يبقى مسلم
..ليييييه ؟؟ عشان هو فعلا مش ناقصة غير انه يبقى مسلم ..فما بالك انتي
مسلمة بقى يعني عندك الاساس والمنبع يعني اصلا دينك هو اللي بيؤمرك بأنك
تكوني مثال للناس كلها ...ليه ما تفكريش انك ممكن بعلمك والتزامك الاتنين
مع بعض تكوني داعية إلى الله ونموذج مشرف عن دينك حتى ممكن من غير ما تقولي
كلمة !!!!
منى وقد علت همتها : انتي كلامك مظبوط ..طب انا على كده محتاجة بقى ارتب وقتي صح عشان اقدر اواظب على كل ده ..
أميرة :
تمام ... انتي مش لازم تقعدي طول اليوم تسمعي في دروس ..كفاية درس واحد في
اليوم ..واعمليلك ورد معين من القرآن والأذكار .. حتى المذاكرة اعمليلها
وقت معين بحيث ما فيش حاجة تيجي على التانية ..وطبعا المذاكرة تحتسبيها
عبادة عشان يبقى وقتك كله عبادة يا ستي.. تمام؟ ..
منى : تمام اوي ...
على الجانب الأخر كانت رنا قد ازدادت اكتئابا خاصة بعد الاحلام المزعجة التي رأتها ....
تأخرت عن موعدها المعتاد فاتصلت بها دعاء ...
دعاء: ايه يا بنتي فينك كل ده
رنا : انا داخلة من بابا الكلية اهو.
دعاء : طب كويس تعالي بسرعة بقى
رنا : ليه فيه حاجة حصلت ؟؟
دعاء : لا بس الشلة كلها موجودة وانا مش عايزاهم يشوفني إلا لما تيجي
رنا : طيب خلاص انتي فين ...
دعاء: انا شوفتك خلاص اهو ..
رنا : وانا كمان اهو ....
اقبلت رنا على دعاء وقالت لها : ها في حاجة حصلت امبارح ما حدش كلمك؟ ..
قالت
دعاء وقد صدمت من منظر رنا : ايه ده يا بنتي انتي عينيكي وارمة كده ليه
...من العياط طبعا ...على ايه كل ده ...وبعدين انا امبارح اتصلت بيكي كذا
مرة كل شوية يقولولي نايمة ... طبعا اكتئاب ..
رنا : يووووه يا دعاء خلاص بقى انا مش قادرة اصلا ..
دعاء: طب خلاص خلاص ... المهم هنقعد هنا وللا فين دلوقتي
قالت رنا بثقة : هنقعد في مكاننا طبعا ..
دعاء: بس دول هناك
رنا : وايه يعني احنا هنخاف منهم؟؟!!
اقبلت رنا ودعاء فوجدتا الشلة تجلس وعلى الجانب الاخر منى وأميرة تجلسان ..
دعاء: ما تيجي نقعد مع منى وأميرة
قالت رنا بلهجة غلبت عليها وساوس الشيطان :بلاش احسن تحرجنا ... او ممكن كمان تعمل زي ما دينا عملت فينا قبل كده ...
دعاء : لا ما تخافيش ....
الشيطان موسوسا لرنا :اوعي ...هيبقى منظرك وحش جدا قدامها .... وممكن تكسفك وساعتها دينا هتشمت فيكي شماتة ..
رنا : دعاء ...بلاش عشان خاطري تعالي نقعد في اي كرسي تاني ...
دعاء: ماشي اما نشوف اخرتها ...
كانت دينا تنظر إلى رنا نظرات ذات مغزى وقالت للجالسين حولها : ايه رايكم انا حروح اكلمها عادي
عمرو :بلاش يا دينا ... مش ناقصة هي
ندى :بقولك ايه كفاية اللي حصل امبارح .... بس هو ايه علاقة رنا بالموضوع مش فاهمة
عمرو :ندى قولتك ديه حاجة تخصني خلاص بقى
ندى :
خلاص خلاص ... انا مالي ... بس انا ما ليش دعوة بيكم انا مش هكلمها وانا
معاكم عشان المنظر ما يبقاش وحش بس..لكن غير كده هكلمها عادي
دينا : اعملي اللي تعمليه ..
على الجانب الأخر كانت منى قد لاحظت عدم جلوس رنا ودعاء مع البقية ...
منى :هما مش قاعدين مع بعض ليه ؟؟
أميرة : اه صحيح فيه ايه ؟؟
منى : شكلهم اتخانقوا من ساعة امبارح .. يا ترى ايه اللي حصل ؟؟
أميرة : الله اعلم ... بس بصي ديه فرصه بقى عشان ترجعي تقربي من رنا تاني ...
منى : يا سلام عشان يقولوا اني مستنياهم يتخانقوا عشان استفرد بيهم ..
أميرة : يقولوا اللي يقولوه ...انتي عارفة كويس ان رنا ودعاء جواهم خير كتير ... وانهم كانوا متأثرين باللي حواليهم ..
منى : عندك حق ... بس بصراحة انا مكسوفة اكلمهم ..
أميرة :
انتي الدرس بتاع امبارح ما اثرش فيكي معقول!! ... انا عايزاكي يبقى تخصصك
ان وشك يحمر من كتر الكسوف في سبيل الله .. وبعدين انتي مش بتدعيلهم ؟؟
منى : ربنا يعلم
أميرة : خلاص توكلي على الله ..
اقبلت منى وأميرة على رنا ودعاء وقالتا في صوت واحد : السلام عليكم
ردت دعاء ورنا السلام ...
قالت منى : ايه يا بنات عاملين ايه ؟؟
الشيطان موسوسا لرنا : شوفتي جاية عاملة ازاي مش قولتلك هتشمت فيكي
رنا :الحمد لله انتي ايه اخبارك ؟
منى : الحمد لله ..ايه قاعدين لوحدكم ليه ؟
نظرت رنا لدعاء نظرة ذات مغزى ثم قالت : عادي يعني ...
منى : ممممم ماشي يا جميل
نظرت رنا أمامها فوجدت دينا تضحك مع عمرو بصوت عالي وتذكرت جميع الاحلام المزعجة التي رأتها ...
الشيطان موسوسا لرنا : اكيد بيتكلموا عليكي ...مش قولتلك انتي لسه شوفتي حاجة ...ده انتي ربنا مش هيسيبك
لم تستطع رنا ان تمتلك دموعها فنهضت فجأة واسرعت الخطوات ....
صاحت دعاء : رنا .... رايحة فين ؟؟؟
أميرة : هي مالها يا دعاء ؟؟؟
منى :استنوا هنا انا هروح وراها ...
ماذا سيحدث؟؟ وهل ستكون منى سببا في هداية رنا ؟؟؟
تابعوا الحلقة القادمة |
|
| | |
أحلى حياةمدير عام المنتدى
تاريخ التسجيل : 10/08/2009
| | موضوع: رد: يوميات خلي بالك من أبليس السبت 29 أكتوبر 2011, 7:05 am | |
| |
|
| | |
أحلى حياةمدير عام المنتدى
تاريخ التسجيل : 10/08/2009
| | موضوع: رد: يوميات خلي بالك من أبليس السبت 29 أكتوبر 2011, 8:33 pm | |
| الحلقة الثانية والعشرون
مرت
عدة أيام ورنا ودعاء تجتهدان في العبادة أشد الاجتهاد وخاصة رنا فلقد عزمت
أن تعوض ما فاتها في تلك الأشهر وأن تعمل وتعمل عسى الله أن يغفر لها
ويتجاوز عنها ....
أما
دينا وندى فلقد كانتا على العكس تماما وان كانت ندى تشعر بتأنيب الضمير
بعض الشيء ولكن كان هذا الاحساس سرعان ما يزول بمجرد ان تتصل بها دينا او
احد الشباب الذين تطورت العلاقة بهم لتصل أحيانا إلى الخروج معهم تحت مسمى
(عادي احنا زمايل واخوات).....
وصلت
أميرة إلى الكلية باكرا كعادتها وجلست تنتظر البقية ..وأخذت تشغل وقتها في
مراجعة بعض المحاضرات ... وبينما هي كذلك إذا بدينا وندى مقبلتان ومعهما
فتاة ذات تسريحة شعر ملفتة وترتدي أو لا ترتدي ما لا يذكر من الثياب وجلسن
جميعا في المقعد المجاور لأميرة وأخذن في الحديث بصوت مرتفع .....
دينا : نسيت أسألك يا نهى شعرك جاااامد ... عاملاه فين؟؟
نهى : عن كوافير قريب من البيت عندي ....بس بصراحة المكان هناك تحفة
دينا : خلاص هبقى اظبط معاكي ونروح سوا عشان انا كمان عايزة اعمل شعري كده
نهى : بس ده كوافير مش كوافيرة
ندى : يا خسارة
دينا : يا خسارة ليه .... ايه المشكلة يعني
ندى بذهول : ايه المشكلة ... انتي مش محجبة يا بنتي انتي
دينا : لا عادي .... هو هيحصل ايه يعني مش هياكلني هو
نهى : طب خلاص شوفي عايزة تروحي امتى وانا معاكي
دينا : نروح بعد الامتحانات بقى عشان يبقى قبل المصيف علطول
ندى : برضه يا دينا ... ما فيش فايدة يعني
نهى :ما فيش فايدة في ايه
ضحكت دينا وقالت : اصلي لما بروح المصيف مش بعرف البس اللبس العادي بتاعي وبتلخم بصراحة فبريح دماغي واقلع الطرحة وخلاص
نهى : ما انا كنت زيك كده برضه ...لحد ما اتخنقت وقلعتها وريحت دماغي خالص
دينا : تصدقي فكرة برضه
ندى بدهشة : لا والله ... انتي اتهبلتي ...حرام عليكي مش كفاية اللي بتعمليه هناك
ضحكت
دينا وقالت : انتي شوفتيني خلاص قلعته يعني ثم رفعت صوتها أكثر ونظرت في
الاتجاه المقابل لأميرة وقالت : وبعدين انتي خلاص نويتي تبقي شيخة ولا ايه
يا ندى مش كفاية ناس
قالت نهى بصوت منخفض لدينا : هي ديه اللي قولتيلي عليها ؟؟؟
دينا : اه
ثم قالت بدهشة :هي ديه الغراب
ندى :غراب ؟!!!
دينا : اه غراب ..مش من ساعة ما عرفناها والنحس نازل علينا .... وما شوفناش يوم عدل
نهى : بس تعرفي فعلا شكلها باين عليه اوي ... ومالها لابسه كده...هي مش حرانة ولا ايه
دينا : انا اعرف!! ... لا ومش هتصدقي كمان ده مش بتسمع اغاني ولا بتكلم ولاد ولا اي حاجة من ديه خالص ... بتقولك حرام
نهى : لا يا شيخة ... هو لسه في حد بيفكر كده .. انا اسمع عن الناس ديه كتير بس اول مرة اشوف كده ... الدين يسر يا بنتي
قالت ندى بصوت منخفض: كفاية بقى عيب عليكم كده...
دينا : اسكتي انتي ...يمكن تحس على دمها شوية
كان صوتهم واضحا ومرتفعا وكانت أميرة تستمع رغما عنها شعرت بحزن شديد وبالطبع لم يترك الشيطان الفرصة ...
الشيطان موسوسا : انتي ساكتلهم كده ليه ... قومي كلميهم كلمتين عشان يحرموا يتكلموا بعد كده على حد تاني
أميرة : لا طبعا انا كده هكرههم اكتر في التدين وهثبت كلامهم فعلا
الشيطان موسوسا : لا ما انتي بلاش تشدي عليهم في الكلام اوي ...وبعدين انتي هتسكتيلهم ؟؟؟ دول بيقولوا عليكي غراب يا بنتي
أميرة : يقولوا اللي يقولوه ... ما ياما اتقال كلام على ناس قبلي وصبروا عشان خاطر يوصلوا دينهم بحسن الخلق..
الشيطان
موسوسا : طب بلاش تكلميهم بصي ... انتي بصي ليهم بصة كده باستحقار و
بتأنيب...عشان يمكن يفهموا غلطهم وما يتكلموش عليكي تاني ..
أميرة
: يعني انا لو كان حد بصلي البصة ديه قبل التزامي كنت هلتزم ؟؟؟ ده انا
ما كنتش فكرت في الالتزام من اصله ... وكنت كرهت الاتزام والملتزمين
..لايمكن ابدا
اخذت
أميرة تفكر في طريقة تدعوهم بها بطريقة غير مباشرة ...وفي نفس الوقت
تجعلهم يشعرون بمقدار خطأهم حتى لا يذكروا أي شخص بسوء مرة أخرى ...
ابتسمت أميرة وكأنها تذكرت شيئا فجمعت أغراضها على الفور وذهبت ....
دينا : الحمد لله اهي مشت وهنستريح ... انا بجد مش بطيقها
ندى : بجد عيب كده يا دينا ... شكلها سمعت وزعلت
دينا : ما تسمع وللا تتفلق ....
ثم عادت مرة أخرى تذكرها بسوء هي ونهى ....
في ذلك الحين كانت أميرة قد أقبلت عليهم وقد أحضرت بعض المشروبات والحلويات ...
أميرة بابتسامة : السلام عليكم يا بنات
تجاهلتها نهى ودينا فردت ندى بشئ من الاحراج : وعليكم السلام ازيك يا أميرة
أميرة : انا الحمد لله تمام ... ثم وجهت حديثها لدينا بنفس الابتسامة : ازيك يا دينا عاملة ايه
ردت دينا بضيق : كويسة
عادت أميرة موجهه حديثها لنهى : مش تعرفيني بنفسك يا جميل انا اول مرة اشوفك ... انا اميرة
قالت نهى بشئ من الخوف : انا نهى ... اهلا وسهلا
أميرة
: في الحقيقة يا بنات انا عايزة اقولكم حاجة بس ما تزعلوش مني .... انا من
شوية سمعتكم وانتوا بتتكلموا انا ما كانش قصدي اتصنت ...بس انتو كان صوتكم
عالي اوي ... وفهمت يعني انكم كنتوا بتتكلموا عليا .... فأنا في الحقيقة
ما لقتش هدية أرد بيها على الحسنات اللي انا اخدتها منكم غير شوية الحاجات
ديه .. وحاسة انها شوية كمان لأن الحسنة الواحدة ما تتقدرش بالدنيا كلها
.... ثم وضعت الأشياء بجوارهم
و عادت لتقول بنفس الابتسامة : بعد اذنكم ...ولو احتجتم اي حاجة انا موجودة
ذهبت
أميرة وتركت الجميع يحدق في ذهول فالموقف قد عقد السنتهن عن الكلام
...اما دينا فقد احمر وجهها بشدة وشعرت بمشاعر مختلطة بين الخجل والغضب
والذهول ولم تستطع ان تتحرك حتى من مكانها ...
قطعت نهى هذا الصمت وقالت: يا دي الاحراج ... انا في نص هدومي
ندى : مش قولتلك يا دينا كفاية
نهى
: بس ديه شكلها مش زي ما انتي حكيتي عنها يا دينا ...شكلها محترم ... هي
ممكن تكون مزوداها في حاجات بس شكلها بني أدمة كويسة جدا
دينا : لا والله مش من شوية كان شكلها باين عليه ...
نهى : اه انا قلت كده ...بس تعرفي انا لو كنت مكانها وحد قال عليا كده انا كنت هزأته ....يعني بصراحة مش عارفة اقول ايه !!!
ندى : طب الحاجة ديه هنعمل فيها ايه ؟؟؟
ردت بعند وبلهجة تنذر بالشر: انا هروح اديهم لها
امسكت
ندى بذراعها وقالت : عيب بقى يا دينا مش تبقي غلطانة وبتكابري كمان ...
والحاجة انا هبقى اوديها واعتذرلها بالنيابة عننا كلنا ...
في هذه الاثناء كانت أميرة قد التقت بالبقية وجلسن جميعا يتحدثن ....
رنا : ايه يا بنات اخبار المذاكرة ؟؟؟ انا مرعوبة من الامتحان
أميرة : لا انا متفائلة خير ان شاء الله
دعاء : انا المذاكرة متلغبطة معايا على الاخر
منى : خلاص شوفي اللي واقف معاكي ايه ونبقى نذاكره سوا
دعاء : قولي ايه اللي مش واقف معاكي ...ده فيه مادتين ما اتفتحوش من اول التيرم
أميرة : طب حاولي تذاكري فيهم على قد ما تقدري والباقي افهمهولك انا بعرف اشرح كويس
دعاء : طب خلاص ربنا يكرمك
أميرة : يا رب نجيب كلنا تقديرات حلوة
البنات في صوت واحد : يااااااااااااااااااااا رب
اقبلت ندى في ذلك الحين ومعها الأشياء التي أحضرتها أميرة ... القت التحية عليهن ...ثم قالت :أميرة ممكن ثواني
ذهبت
أميرة للتحدث معها ..وقفت ندى صامتة لبرهة ثم قالت في خجل : أميرة انا
بعتذر جدا عن اي كلمة سمعتيها وديه الحاجات اللي انتي جبيتها ..اتفضلي
قالت أميرة : ما فيش داعي للاعتذار لاني ما سمعتش منك كلمة عليا ... والحاجات ديه انا قولتلهم انها هدية مني قصاد حسناتهم
ندى
: معلش يا أميرة ... انتي عارفة ان ما حدش هياخدهم .... وانا اسفة كمان
مرة لو كنتي سمعتي كلمة ضايقتك ... وكفاية اني اقولك ان نهى بعد ما مشيتي
احترمت موقفك جدا وندمت انها اتكلمت عليكي بالطريقة ديه ....وانا كمان اسفة
لو كنت جبت في سيرتك في يوم من الايام
قالت أميرة بابتسامة : ولا اسفة ولا حاجة ان عن نفسي مسامحاكي في اي حاجة قولتيها عليا
ندى : بجد
قالت أميرة مازحة : طبعا الا اذا كنتي ناوية تتكلمي عليا تاني بقى ...فيها قطع رقاب
ابتسمت ندى بخجل وقالت : لا ما تقلقيش مش هيحصل تاني ان شاء الله
أميرة : طب تعالي نقف مع البنات بقى
ندى : معلش دينا مستنياني
أميرة : خمس دقايق بس مش هيخسروكي حاجة
ندى : معلش مرة تانية ... سلام
أميرة : سلام
اقبلت أميرة على الفتيات فقالت دعاء : ايه الحاجات ديه ؟؟؟
أميرة : ديه حاجات كنت جايباها من شوية
اختطفت منى الكيس من يد أميرة : طبعا علشاني كان قلبك حاسس اني نازلة من غير ما افطر ....
اخذت رنا احد المشروبات وقالت : سبحان الله ..زي ما يكون قلبك حاسس ...قلب الأم بقى
أميرة : هاهاهاهاها ... وانتي يا دعاء مش ليكي نفس انتي كمان .... بتقلبوني عيني عينك وانا واقفة
دعاء وهي تأكل قطعة حلوى : ربنا يخليكي للشعب يا ميرو ...
منى : بس ايه اللي جاب الحاجات ديه مع ندى
كانت أميرة لا تريد سرد الموقف فقالت : سبتها جنبهم فندى جابتهم عادي
منى في شئ من عدم التصديق :ممممممممم طب وكنتي بترغي معاها في ايه كل ده وبعدين من امتى بتسيبي حاجات معاهم
أميرة مازحة : مش هقولك ... اتغاظي
منى : بقى كده طب انا كمان مش هقولك
أميرة : على ايه ؟؟؟
منى : ما اعرفش بس مسير يبقى فيه حاجة مش هقولهالك برضه
ضحكت أمير وقالت : ماشي اما نشوف ..ثم عادت موجهه حديثها لرنا : انتوا مش بتكلموا ندى كمان ؟؟
رنا : لا عادي بكلمها بس مش زي الاول يعني
أميرة : طب ليه ؟؟؟
رنا : خايفة ترجع تأثر عليا تاني
أميرة : طب وليه انتي ما تأثريش عليها
رنا : عشان دينا تأثيرها أقوى بكتييييييييير ...انتي عارفة هي بتحب دينا أد ايه
أميرة : بس برضه يا رنا حاولي معاها وحتى دينا ما تسيبيهاش برضه
رنا : بصي سيبيها بظروفها ... انا عايزة دلوقتي اظبط نفسي الاول وبعد كده لما اهدى خالص هبقى اتكلم معاهم
أميرة : خلاص اللي يريحك ... بس لو جت فرصه انك تكلميهم ما تتردديش
رنا : ان شاء الله
انتهى اليوم في الجامعة وذهبت منى وأميرة سويا ....
أميرة : ايه اخبارك مع رنا في الكام يوم اللي فاتوا دول ؟؟
منى : اخباري في ايه؟؟
أميرة : بتبعتيلها دروس ..بتشجعيها بتصحيها للفجر او قيام الليل
منى بتعجب : لا ...بتٍسألي ليه
أميرة
: لا !!!! اومال ازاي يا بنتي هتشد حيلها الفترة ديه بالذات اصعب فترة
بتمر بيها يبقى ازاي تسيبيها ... لازم تقفي جنبها وما تسيبيهاش ابدا والا
ممكن شيطانها يغلبها وترجع تاني ... انا مفكرة انك الكام يوم دول كنتي
معاها
منى : لا للاسف ... بس كويس انك نبهتيني
أميرة : وبالراحة معاها في العبادات ...يعني بالتدريج كده عشان ما تتعبش وتسيب كل حاجة ...وانا هبقى مع دعاء وانتي مع رنا
منى : ممممممممم ما انا برضه كنت ملاحظة الاهتمام الزايد بدعاء ... وكنت ابتديت أغير على فكرة
ابتسمت أميرة وقالت : بصي مهما كانت يا منى ... انتي عارفة انتي ايه عندي وما فيش مجال للغيرة مع اي حد مهما كان
ابتسمت منى وردت : دايما بتاخديني بكلامك انتي ومش بعرف ارد ...
أميرة : بجد بجد ...بحبك في الله
منى : بجد بجد بجد ...بحبك في الله اكتر
أميرة : لا انا اكتر
منى : لا انا
أميرة : مش هنفضل كده كتير ...بس يللا زي بعضه ... انا اكتر برضه
ضحكت منى وهمت بأن تتكلم ولكن قطع كلامها ولد صغير في عمر العاشرة تقريبا قال لها : ممكن حاجة لله يا انسة ربنا يكرمك
همت منى بإخراج بعض النقود ولكن استوقفتها أميرة بإشارة من يدها وقالت للولد : حاجة لله ايه يعني ؟؟؟
الطفل: اي فلوس اجيب بيها اكل ليا .. انا بقالي يومين من غير اكل ... وراح يشتكي حاله بالكلام المعروف
أميرة : طب انا هديلك فلوس ... واخرجت مبلغ لا بأس به من النقود
تهلل وجه الطفل بشدة وقال : ربنا يكرمك يا رب
أميرة : استنى على رزقك بس ... انت ما سألتش نفسك انا هديك كل الفلوس ديه قصاد ايه ؟؟؟
الطفل : كده ...عشان انتي شكلك طيبة
أميرة : لا يا سيدي ما فيش حاجة اسمها كده .. انا هديلك الفلوس بشرط
الطفل : تؤمري
كانت
أميرة تحمل بعض الكتب الخفيفة فقالت له : انا بيتي اخر الشارع ده ..هتشيلي
الكتب ديه وتوصلني لحد البيت وهديلك الفلوس ايه رأيك ؟؟
الطفل : طبعا موافق
وبالفعل
حمل الطفل الكتب وسار أمام منى وأميرة كانت منى متعجبة من موقف أميرة وكان
يدور بخاطرها تساؤلات..... شعرت أميرة بذلك فقالت : ما تستعجليش هقولك
دلوقتي
منى : طيب
وصل
الجميع إلى منزل أميرة فقالت للطفل : شكرا انا بيتي هنا ...واخذت منه
الكتب وقالت له : انا عايزة اقولك بقى انا ليه عملت كده ... عارف ليه؟؟
الطفل : ليه؟!
أميرة: عشان اللي بياخدوا فلوس من غير ما يعملوا حاجة دول اسمهم شحاتين .. انت شحات ؟؟؟
لم يرد الطفل.. فقالت أميرة : ما ردتش يعني ؟؟؟ انت راجل كبير ومحترم مش كده برضه ؟؟
رد الطفل بحماسة : راجل طبعا
أميرة : طب في راجل في الدنيا ياخد فلوس كده بالساهل ....مش لازم يتعب فيها ويشتغل ... اتفضل يا سيدي فلوسك اهي عشان انت اشتغلت
فرح الطفل وقال: ربنا يخليكي يا رب انا هشيلك الكتب كل يوم
ضحكت أميرة وقالت : كل يوم !!... انا كده هفلس بقى ...بس عايزاك توعدني بحاجة
الطفل : ايه
أميرة
: انك ما تطلبش فلوس من حد بالطريقة ديه تاني ...لو حد عطالك حاجة لوحده
ماشي ...لكن انت ما تطلبش فلوس من حد غير لما تكون هتعمله قصادها خدمة
...لان اللي بيطلب من وهو صغير هيفضل طول عمره يطلب ...اتفقنا
الطفل : اتفقنا ..انا والله مش بحب اعمل كده بس امي هي اللي بتضربني وبتزعقلي لما برجع من غير فلوس وبتخليني ما اكلش
تأثرت منى بشدة وقالت : أميرة هو في محل جملة هنا
أميرة : اه بعد شارعين من هنا ليه ؟؟ ..
منى :طيب خليكوا هنا وانا راجعة علطول
ذهبت منى وكان معها بعض النقود التي قد ادخرتها وخصصتها للصدقة فاشترت بعض علب البسكويت والمناديل وعادت ...
قالت
للطفل : اتفضل يا سيدي دول هدية مني بقى ومن غير ما تطلب كمان .... دول
عشان تبيعهم وما تطلبش من حد ايه رايك ؟؟؟ ... وخد العصير ده عشانك انت
الطفل : ده عصير من الغالي ...ربنا يكرمك يا رب ... انتوا طيبين اوي
منى : بس عارف انا بعدي من هنا كل يوم لو شفتك بتطلب من حد تاني هزعل منك جدا ...ومش هجيبلك هدايا تاني
الطفل : لا خلاص ...
أميرة : وليك عليا يا سيدي لو اتشطرت في مدرستك كمان هجيبلك هدية
منى : وانا كمان ....
الطفل : بس انا بليد اوي وبسقط علطول
منى
: لا انت مش بليد ...انت شكلك شاطر بس انتي اللي مش بتذاكر ..ذاكر كويس
... ويا سيدي لما اخلص امتحاناتي يا سيدي ممكن اشوف طريقة اذاكرلك بيها
وهجيبلك كتب كمان
رد الطفل ببراءة الطفل: وهتخليني شاطر
دمعت عيني منى وقالت :أشطر واحد في الفصل يا حبيبي
أميرة : انت ما قولتليش اسمك ايه بقى ؟؟؟
الطفل : محمود
أميرة : ماشي يا عم محمود يللا بقى الحق روح الوقت اتاخر ..وما تنساش اللي اتفقنا عليه
ودع
الطفل محمود منى وأميرة بنظراته البريئة ...وكذلك ودعت منى أميرة وذهبت
إلى منزلها وقلبها يكاد يتفطر حزنا على حال هذا الطفل الذي لا حول له ولا
قوة .... واخذت تحمد الله وتشكره على نعمه التي انعم بها عليها ... وانه
فضلها على كثير ممن خلق تفضيلا ...واستشعرت ولأول مرة الجملة التي كان يحمد
بها رسول الله ربه (الحمد لله الذي أطعمنا وسقانا وكفانا وآوانا فكم ممن لا كافي له ولا مأوى )
تزداد منى في الطاعات يوما بعد الاخر ولكن هل سيجلس الشيطان مكتوف اليد هكذا ؟؟؟؟
تابعوا الحلقة القادمة .... |
|
| | |
أحلى حياةمدير عام المنتدى
تاريخ التسجيل : 10/08/2009
| | موضوع: رد: يوميات خلي بالك من أبليس السبت 29 أكتوبر 2011, 8:59 pm | |
| الحلقة الثالثة والعشرون عملت
منى بنصيحة أميرة وكانت تهتم برنا كثيرا ...توقظها لصلاة القيام والفجر
....تخبرها بمواعيد الدروس الدينية ... وتذاكر معها ايضا ...كانت رنا تتقدم
في العبادة بسرعة شديدة فكانت تفعل من الطاعات ما يفعله الملتزمون منذ زمن
.... كانت
تريد ان تلتزم كل من ندى ودينا وكانت دائمة الحرص على الاتصال بندى واسداء
النصح لها لما علمت ما بداخلها من خير ...اتصلت بها في يوم .... رنا : السلام عليكمندى : وعليكم السلام رنا :
ايه يا بنتي عمالة اتصل بيكي بقالي اكتر من اربع ساعات يقولولي لسه ما جتش
ورصيدي خلص ما عرفتش اكلمك على الموبايل...كنتي فين كل ده انا سايباكي من
بدري في الكلية...ندى : لا عادي زهقنا شوية من الكلية فخرجت انا ودينا وعمرو و... ارتبكت ندى ولم تكمل قالت رنا بدهشة : انتي ودينا وعمرو وحسام مش كده ندى : اه وفيها ايه ؟؟؟رنا : طب في البيت يعرفوا ندى : لا ما يعرفوشرنا : طب لما يعرفوا هيعملوا ايه ؟؟؟ هيتضايقوا وللا عادي صمتت ندى قليلا ثم قالت : عادي يعني ..ما هي ماما عارفة عمرو وحسام رنا : بس تعرف انهم زمايلك في الكلية مش بتخرجي معاهم بره ندى : رنا انتي كذا مرة تلمحيلي على عمرو وحسام وانا اعديها.. انا مش بعمل حاجة غلط.... انتي كنتي كده انتي كمان وللا نسيتي ؟؟ابتلعت
رنا تلك الكلمة ثم عادت لتقول بنبرة فيها شئ من الحزن والندم : ماشي يا
ندى كنت بكلمهم واهزر معاهم بس ما وصلتش اني اخرج معاهم بره الكلية وانا
دلوقتي ربنا يعلم انا ندمانة اد ايه على كل لحظة وقفت معاهم فيها ...وبعدين
افرضي كان بابكي بالصدفة شافك وللا حد من قرايبك ...ربنا سترها المرة ديه
الله اعلم المرة الجاية ايه اللي هيحصل ندى : رنا قفلي على الموضوع ده بقى ....انا راجعة تعبانة وعايزة انام ....سلام رنا : ماشي يا ندى زي ما تحبي ....سلام انهت رنا المكالمة وشعرت بحسرة شديدة لكل ما فعلته في السابق ...ومن تلميحات ندى ..رنا :يا رب ... يا رب استرني يا رب وما حدش يعرف اني كنت بكلم ولاد .. الشيطان موسوسا : ربنا ممكن يكون بيذلك بسبب اللي انتي عملتيه رنا :
لا لو اي حد عرف يبقى السبب مني انا ... انا اللي عملت كده في نفسي ...
انا اللي اتجاهلت شوفي كام رسالة جاتلي من ربنا ...كام مرة منى كلمتني
ونصحتني ... وكام مرة ماما تدخل عليا وانا بكلم حسام او عمرو على النت
وربنا يسترها معايا وما تعرفش حاجة ....بس يا رب والله انا ندمانة اوي ما
تفضحنيش بذنوبي
شعرت بضيق شديد وانتبتها نوبة بكاء فقامت تصلي ركعتين بذل وانكسار شديدين
وتدعو الله ان يغفر لها ما قد مضى والا يفضحها بذنوبها واخذت تتذكر ذنوبها
جميعا وكأنها شريط عرض يمر من أمامها وتبكي و تناجي الله : يا رب على قد ما
عصيتك على قد ما هعمل طاعات واكتر يا رب ...بس انت ترضى ...بس انتي تغفرلي
يا رب ... في صباح اليوم التالي ذهبت رنا إلى الكلية باكرا وجلست في انتظار منى ...اقبلت منى عليها وقالت : السلام عليكم رنا : وعليكم السلام منى : ....ايه يا بنتي جايباني على ملا وشي ليه كده ... انا ما كنتش ناوية اجي دلوقتي رنا : بصي دول كده ....منى : ايه دول ؟؟؟؟رنا : فاكرة الدرس اللي انتي بعتيهولي الاسبوع اللي فات منى : اه ؟؟؟ ماله رنا : جاتلي فكرة حلوة اوي من الدرس ده فعملته موضوع ...وطبعته في مطويات ....عملتها عندي في البيت كمان ...ايه رأيك ؟؟؟اخذت
منى تقرأ وتقرأ في شئ من الاعجاب والانبهار ...كانت لرنا أسلوب مميز وشيق
في السرد يجبر القارئ على الاستمرار في الموضوع حتى النهاية قالت منى :
اللهم بارك ...روعة بجدرنا : يا سلام؟؟؟ منى : انتي عارفة انا مش بيعجبني العجب بس بجد تحفة ما شاء الله .... هتوزعيهم امتى رنا :
انا وزعت عشر نسخ وانا جاية في المواصلات ..ربنا كرمني بكام بنت كده اي
نعم في اللي ما رضيتش تاخده واخدته بالعافية بعد الحاح مني ...انتي عارفاني
ما فيش مني في الزن اتنين ضحكت منى وقالت : انتي هتقوليلي عادت
رنا لتكمل : وعطيت ندى ودينا وكانت فيه واحدة واقفة معاهم كده ... اي نعم
هما ما بصوش فيه حتى بس انا هدعي انهم يقروه...ولسه الباقي بقى هوزعهم
دلوقتي قالت منى : ما شاء الله عليكي ..ربنا يزيدك رنا : اميييييين يا رب ...بصي انا هروح الف كام لفة كده يمكن ربنا يكرمني بكام بنت كده وللا حاجة منى : خلاص وانا هقعد استنى اميرة هنا
ذهبت رنا وتركت منى وقد تسلل إلى قلبها شئ من الغيرة أو بمعنى آخر ألقى الشيطان في قلبها شيئا من الغيرة ...
الشيطان موسوسا : ازاي ما جاتلكيش الفكرة ديه ؟؟؟ ده انتي كنتي سامعة الدرس قبل منها منى : مش مشكلة المهم ان في حد استفاد من الدرس ده وخلاص
الشيطان موسوسا : بس رنا بقت احسن منك في العبادة بكتير ... مع انك انتي اللي معرفاها ...يللا علمناهم الشحاتة
منى : لالالالا اعوذ بالله ...انا ما عرفتهاش حاجة انا كنت سبب بس ...ربنا هو اللي بايده كل حاجة
الشيطان موسوسا : يللا خسارة فكرة الموضوع اللي هي عاملاه حلوة بس لو كنتي
انتي اللي عملتيه كان هيبقى أحسن .. تتعوض بقى الموضوع الجاي وابقي فكري
كده في فكره تعمليها وتوريها انك احسن منها منى : لا احسن منها ولا احسن مني ...وربنا يكرمنا احنا الاتنين مرت
الأيام والشيطان يشعل نار الغيرة في قلب منى بل وأفلح في إقناعها بأن كل
ما تفعله رياء وأنها لا تريد بأي عمل تعمله وجه الله تعالى ... كانت تتعذب بداخلها كثيرا ظنا منها أن كلها عملها أحبطه الله بسبب الرياء ... اتصلت بأميرة لتخبرها بما تشعر ..... منى : السلام عليكم أميرة بصوت يبدو عليه ملامح الارهاق : وعليكم السلاممنى : ايه مال صوتك ؟؟انتي تعبانة ؟؟أميرة : لا شكلي داخلة على دور برد جامد منى : الف سلامة عليكي أميرة : الله يسلمك ...بس سيبك انتي بقالك كام يوم مش عاجباني وصوتك مش مظبوط مالك ؟؟؟منى :
مش عارفة اقولك ايه يا أميرة ...بس انا بني أدمة وحشة أوي وخلاص انا قررت
بعد كده ما اتكلمش قادم حد تاني عن الدين ولا اعمل مواضيع ولا اي حاجة أميرة : ايه الكلام الغريب ده ...هي الامتحانات شكلها مأثر عليكي انا عارفة منى :
أميرة ... انا بغير من رنا جدا ... انا كل لما اجي اعمل حاجة القيها هي
عملتها ...وخلاص انا حاسة ان كل حاجة بعملها بقت رياء في رياء ... لما
بنصحها لما بكلمها ..حتى لما بعمل اي مواضيع وللا مطويات بعملها عشان ابقى
احسن منها ... انا امبارح كمان من كتر الغيرة اللي جوايا ما اتصلتش بيها
اصحيها الفجر زي كل يوم خايفة ربنا يحبها اكتر مني ...وكمان غير رنا انا اي
حاجة بعملها سواء صلاة او قراءة قرآن او اي حاجة بفرح لما ماما تقعد تمدح
فيا قدام اي حد من قرايبنا ..مش بقولك انا خلاص حياتي كلها بقت رياء قالت أميرة بلهجة شبه ساخرة : ياااااااااااه ايه كمية الرياء ديه منى : انتي بتتريقي يا أميرة ...انا بتكلم بجد ...انا خلاص قررت اخليني في عبادتي وبس ومش هكلم حد تاني عن اي حاجةأميرة : طب اهدي بس واسمعي ..اولا اللي حضرتك فيه ده ..بيتهيألك انه رياء قوليلي ازاي؟؟منى : ازاي بقى ؟؟أميرة
: لانك الفترة الاخيرة ديه اجتهدتي في العبادة والدعوة جامد ..شيطانك
يسيبك ازاي ...لازم يخليكي تفتكري ان كل اللي انتي فيه ده رياء عشان تسييبي
كل الطاعات ديه وبعدين انتي لما بتصلي او بتقراي قرآن بتعملي كده وفي نيتك
ان الناس تشوفك ؟؟منى : لا طبعا ... أميرة : خلاص طب اسمعي الحديث ده بقى عنِ النبي
- صلى الله عليه وسلم -: أنَّه سُئِل عن الرجل يعمل العملَ لله مِن الخير،
ويحمده الناس عليه، فقال: ((تِلك عاجِلُ بُشْرى المؤمن)) بس
مش معنى ان لو ما حدش اثنى عليكي يبقى ما فيش بشرى ...المفروض انك بتعملي
الحاجة ومش منتظرة شكر وللا ثناء من حد تمام والا ده يبقى اسمه رياء بقى...
وعلى فكرة ما فيش مرائي بيعترف انه مرائي اصلا وده دليل كمان على اللي
انتي فيه ده من الشيطان ... وبعدين انتي لو كان جواكي كده كنتي بقيت
يزعلانة كنتي بقيتي مضايقة كده ؟؟؟ بصي الامام الشافعي قال ايه : "لا يَعرف الرياء إلا مخلِص" يعني
المخلص اللي بجد هو اللي يقعد يبحث ويدور ويشوف الرياء ده عباره عن ايه
عشان ما يقعش فيه واوعي مهما حصل تسيبي اي عمل بتعمليه بسبب شبهه في دماغك
..ديه حاجة بتحصل لاي حد بيلتزم منى : طب ورنا ؟؟ أميرة
: رنا بقى يا ستي ...بصي الغيرة اللي انتي فيها ديه حاجة مش صح وما ينفعش
تبقى جواكي من الاساس ...انتي المفروض تفرحي انها بقت احسن منك كمان منى : يا سلام ... انا مش عايزة حد يسبقني لربنا ابدا ... ومش عايزة حد يحب ربنا اكتر مني .. أميرة : طب ما ده اللي بيحسه اي حد ((وفي ذلك فليتنافس المتنافسون))...بس
تفرق كتير ما بين انك بتتنافسي مع حد اعلى منك او زيك وعايزة توصليله
وتعديه كمان ..وما بين انك تبقي مش عايزة حتى الملتزمة جديد تسبقك ...يا
بنتي ده انتي معاها وربنا استعملك عشان ترديها لطريق ربنا.. يعني ربنا
يتقبل منك ويبقى كل أعمالها في ميزانك صلاة وقيام وصيام وكل حاجة ...يبقى
لازم تجتهدي انك تخليها احسن منك كمان .. عشان اقل ما فيها يوم ما تتعبي
انتي ولا يحصلك فتور في العبادة تضمني ان عداد حسناتك لسه شغال وان فيه حد
تاني مكانك...طبعا ده ما يخلكيش تستسهلي وتكسلي وتقولي انا هقولها على
حاجات ومش هعملها واهو كله في ميزاني ...لا ... لازم ربنا يشوف منك العزيمة
...انتي عارفة انا عايزاكي تعتبري رنا ديه زي ايه ؟؟؟منى : زي ايه؟؟؟أميرة
: زي الأم مع ابنها او بنتها ...بتبقى عايزة تخليهم احسن منها ...انتي
كمان مع رنا خليكي كده ومع اي واحدة تكوني سبب في التزامها امسكي فيها
بايدك وسنانك وما تسيبيهاش لحد ما تخليها زيك واحسن منك كمان ...ويوم
القيامة ان شاء الله هتشوفي ميزانك هيبقى عامل ازاي منى : ياااااااا رب يا أميرة ...أميرة : بس انا ليا عتاب عليكي ...كده برضه ما تصحيهاش تصلي الفجر ...ما تخليش الشيطان يعميكي يا منى واوعي تعملي كده تاني منى : عندك حق انا من ساعتها وانا مش طايقة نفسي اصلا ...أميرة
: معلش استغفري ربنا وعوضيها معاها في حاجات تانية ...ويا ستي انا هبعتلك
دلوقتي درس عن الاخلاص عايزاكي تسمعيه عشان ربنا يكرمك ولو فيه اي حاجة في
قلبك تروح لحال سبيلها منى : طيب ربنا يكرمك ويخليكي ليا ... خلي بالك من نفسك بقى أميرة : ماشي يا جميل ...وانتي كمان ...انا هقفل بقى عشان ابعته ...سلاممنى : سلام... ارسلت أميرة الدرس وجلست منى تستمع وكلها آذان صاغية ...حتى وصلت إلى هذا الجزء..
فى عنصر مهم قوى ليس من الرياء ولازم ناخد بالنا منه و هو....
وسواس الرياء الى بيجى للملتزمين الجدد كتمرين مشهور ليس من الرياء لأن الملتزم الجديد بيحس بصدمة الناس لما بيلتزم ..لإن الناس بدأت تحترمة و بدأت تحبة فيحس انة مرائى .....لا يا جماعة و الله
مثال .....لما تحب مسجد معين عشان الناس الى فية دة مش رياء ابدا اوعى تفتكر كدة ...
مثال .....لما تروح عمرة وناوى انك تجيب هدايا من هناك دة مش رياء أبدا
مثال .....لما تروح للأخ إلى بيوجهك و بتحب تسمع كلامة وتقوله على الحاجات الكويسه الى انت بتعملها ده مش رياء أبدا...
مثال ..... يا جماعة لما تزيد وتنشط فى العمل الصالح وانت مع الأخوة الصالحين دة مش رياء ابدا دى حاجة طبيعية جدا
مثال .....لما تدعو الى الله بحاجة انت ما بتعملهاش مش رياء مادام انت نفسك تعملها و مش قادر و بتحاول ده مش إسمه رياء
مثال .....لما تعمل عمل والناس تمدحك فيه مادام انت ماكنتش بتعمل عشان المدح ده مش رياء
مثال .....الزوجة إلى بتتشجع لما جوزها يقولها اعملى كذا وكذا ده مش رياء
مثال .....لما تكون الامتحانات بتزود فى طاعتك دة مش رياء
مثال .....لما تظهر عملك للى أقل منك عشان يقتضى بيك ده مش رياء
كم من عمل صالح ترك مخافة من الرياء
كم من اخ ترك الإلتزام بسبب وسواس الشيطان
كم من أخ ترك الدعوة بسبب وسواس الشيطان
اوعى تكون من النوعية دى النوعية قصيرة العقل .....خليك انسان تلقائى.....
انهت
منى الدرس وشعرت بالندم الشديد والتقصير في حق رنا .... وبدأت تجتهد معها
في العبادة وتشجعها ...بل وتفرح ايضا إذا ما رأت منها اجتهاد في العبادة
... أما دينا وندى ...فقد انهالت عليهم التحذيرات والانذارات من الله تعالى .... أما ندى فقد شاهدها بالصدفة أحد أقاربها وهي بصحبة الشباب واستطاعت بأعجوبة التملص من الموقف ... وأما دينا فقد أصيبت ببقع حمراء في وجهها وحساسية شديدة استدعت ذهابها للطبيب ... الدكتور : انتي بتحطي ماكياج .. دينا : ايوه يا دكتور الدكتور:مممممم.. بتستعملي أنواع رخيصة؟؟؟ دينا : بالعكس انا كل اللي بجيبه ماركات ...بس فيه كريم لسه جايباه ومن ساعتها حصلي كده فحصها
الطبيب وقال : انتي بشرتك من النوع الحساس والتغيير اللي عملتيه في نوع
الكريم مع التعرض للشمس أثر جدا على بشرتك ... هتقعدي فترة ما تحطيش اي
حاجة في وشك غير الأدوية اللي هديهالك وبلاش تتعرضي للشمس ..خلي بالك اوعي
اوعي تحطي ماكياج الفترة ديه والا بشرتك ممكن تسيب بقع بعد كده ... دينا : بقع !!!! لا خلاص حاضر صرف لها الطبيب بعض الأدوية والكريمات وأوصاها باستعمالها بانتظام ...
كانت دينا في حالة نفسية سيئة فهي حريصة جدا على مظهرها ..وخشيت أن يصاب وجهها بأذى ....
ذهبت إلى الكلية في صباح اليوم التالي إلى الكلية فالتقت برنا ... رنا : ازيك يا دينا .... ايه مالك انتي شكلك تعبان كده ليه دينا : لا مش تعبان بس عشان مش حاطة ماكياج رنا : اه صحيح ...ايه اللي في وشك ده وضعت دينا يدها على وجهها بضيق وقالت : ديه حساساية جامدة من نوع ماكياج حطيته واتعرضت للشمس بيه رنا : الف سلامة عليكي شعرت دينا بما يجول في خاطر رنا فقالت: قولي اللي جواكي وخلصيني رنا :
كده برضه يا دينا ..يعني انتي قصدك اني شمتانة فيكي يعني ...انا كل اللي
كنت بفكر فيه ان ربنا ما أمرناش بحاجة الا وهو عارف ان فيها مصلحة لينا
..حطي في البيت اللي انتي عايزاه لكن شوفتي الشمس عملت ايه فيكي ...بصي انا
عايزاكي تفكري في الموقف ده على انه انذار من ربنا ليكي ... واحمدي ربنا
انها جت على اد كده مين عارف مش ممكن كان وشك يعمل بقع اكتر من كده ...بس
ربنا يبتلي ليهذب لا ليعذب قالت دينا : طب تعرفي انا امبارح لما رجعت من عند الدكتور صليت ودعيت ربنا ..وقلت اني اخف بس ومش هحط ماكياج تاني ابدا ....رنا : بجد يا دينا ...طب ربنا يكرمك يا رب ...ثم قالت مازحة :عقبال اللبس كمان دينا : واحدة واحدة ...وكمان انا قررت اني مش هقلع الحجاب في المصيف زي كل سنة رنا بفرحة : بجد يا دينا ...هتشوفي ربنا هيكرمك أد ايه ...واستغلت الفرصة واعطتها اسطوانة بها بعض الدروس لتستمع لها دينا : ماشي يا ستي هاخدها بس ما اوعدكيش اني هسمعهم كلهم رنا : طيب اللي يريحك ...بس ما تكسليش واسمعي اي حاجة دينا : خلاص ماشي استمعت
دينا إلى بعض الدروس وشعرت بخوف شديد من عذاب الله فبدأت تصلي ...وتدعو
الله أن يشيفها ... وأخذت عهدا على نفسها أن لا تضع أي من تلك المستحضرات
بعد شفائها ...وأن تبدأ في القرب من الله ...ترى هل هو وعد صادق ؟؟؟وهل ستتغير دينا أخيرا ؟؟؟؟ تابعوا أحداث الحلقة الأخيرة ....
رابط الدرس .... درس رااائع بجد ..
|
|
| | |
توفيقمشرف
تاريخ التسجيل : 22/07/2011
| | موضوع: رد: يوميات خلي بالك من أبليس السبت 29 أكتوبر 2011, 9:04 pm | |
| |
|
| | |
|
... بس بقولك بقى انا عندي ليكي حتة مفاجأة .... انا .... انا 
.... 
