نفسي أخد القرار بس خايفة

عضو جديد عدد المساهمات : 684

عرفتي طريق النور ..ربك سبحانه وتعالى أصطفاكِ وعرفك الصح من الغلط وغيرك لسه بتتخبط
عرفتي إن حجابك لازم يتصحح عرفتي إن الأغاني حرام وإن علاقتك بالرجال كده عايزة تظبيط والخروجتين دول مع الشلة والغيبة على إطلاق البصر ملهمش لازمه

حبيتي طريق ربنا عز وجل نفسك تبقى زي فلانة في حيائها وحجابها وزي فلانه في أخلاقها نفسك تعلي أوي بدينك وربنا سبحانه وتعالى يحسن خاتمتك

لكن حاسه إن كل ما تيجي تاخدي خطوة في حاجة بتمنعك في وساوس كده بتجيلك وتثبطك

تعالي نفتح قلوبنا لبعض ونحل المشاكل دي بإذن الله

عايزين نناقش مع بعض هنا الموانع أو وساوس الشيطان إلى بتمنعنا من التوبة

وشــرطـنــــا
الصــــــراحة إحنا كلنا ذنوب ومعاصي مفيش في أحلى حياة ملايكه واحن هنا بس عشان نعين بعض وناخد بإيد بعض للجنة ونعيش حياة حلوة بطاعة الله

يلا بينا

خايفة

أطول الحجاب وألبس عبايات أو ملاحف وألبس النقاب وأرجع تاني

أحب أقولك حاجة أوعي تفتكري إن الشعور ده جالك إنتي لوحدك ده جه لأي حد في أول الطريق لو الكل كان أستسلم يبقى مكانش حد هيتوب أبداً

هتقوليلي فلانة أعرفها كويس جدا خلت حجابها بمواصفات شرعية ورجعت خلعته تاني

طيب خلينا نتكلم بصراحة لو تعرفي دي رجعت وخلعت تعرفي كااااااام وحده قدامها ثبتوا؟! بل وماتوا بالحجاب الشرعي ؟!

وفين حسن الظن بالله؟

قال تعالى كما في الحديث القدسي: أنا عند حسن ظن عبدي بي، فإن ظن بي خيرا فله، وإن ظن بي شرا فله. رواه أحمد وصححه الأرناؤوط والألباني.

أصدقي الله وربنا سبحانه وتعالى هيثبتك معقول تظني إن ربك وحبيبك هيردك خائبه بعد ما تاخدي بالأسباب وتتوبي؟!

إنتي عارفة إن تأخير التوبة ذنب لازم نتوب منه؟!!

مش غيرانه من صحابك فلانة دي سبقتك مع إنكم كنتو زي بعض في كل حاجة دلوقتي صححت حجابها وبتحفظ قرآن و..و..
ترضي تيجي هيه يوم القيامة سبقاكي؟ هايت عليكِ تبقى احب لله عز وجل منكِ ؟!

الموضوع : نفسي أخد القرار بس خايفة المصدر : مسجد الهدي المحمدي الكاتب: زهرة المدائن
توقيع العضو/ه :زهرة المدائن

نفسي أخد القرار بس خايفة

نفسي أخد القرار بس خايفة

مواضيع مماثلة

مواضيع مماثلة