أحلى حياةمدير عام المنتدى
تاريخ التسجيل : 10/08/2009
 |  موضوع: عارف هتحس بإيه اول ما تتوب ؟؟؟  الجمعة 08 أكتوبر 2010, 11:00 pm | |
| السلام وعليكم ورحمة الله وبركاته ..
عارف هتحس بإيه اول ما تتوب؟؟؟
دي حاجه بيحس بيها كتييير اوى مننا لما تحب ترجع لربنا
بيلاقى نفسو مدايق وجايز حاجات تتعقد قدامو
تعالو نعرف ده من ايه
******************************
قال ابن القيم رحمه الله :
(إنكل تائب لا بد له في أول توبته من عصرة وضغطة في قلبه من هم أَو غم أو ضيقأو حزن، ولو لم يكن إلا تأَلمه بفراق محبوبه، فينضغط لذلك وينعصرقلبهويضيق صدره، فأَكثر الخلق رجعوا من التوبة ونكسوا على رؤوسهم لأجل هذه[المحنة] )
اوعى تفتكر انك اول ما تتوب خلاص كدا انتا بقيت كويس
علشان تتخرج من الجامعه بتفضل خمس سنين تدرس بس بيتعملك اختبارات
علشان يبان مين ذاكر ومين ما ذاكرش
وفيه تقديرات علشان الناس ما تتساواش جمب بعض
التوبه اعظم من كدا بكتير
اختبارها اشد واعظم من اي اختبار اخر
فهو اختبار جبار السموات والأرض لعبده
طب ده بيحصل ليييييييييه ؟
تعالو نشوف
قال تعالى: {آلم* أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لايُفْتَنُونَ * وَلَقَدْ فَتَنَّا الَّذِينَ مِن قَبْلِهِمْفَلَيَعْلَمَنَّ اللهُ الَّذِينَ صَدَقُوا وَلَيَعْلَمَنَّ الْكَاذِبِينَ}[العنكبوت: 1- 3]، وقال: {لِيَبْلُوكُمْ أَيُّكُمْ أَحْسَنُ عَمَلاً}[الملك: 2]،
ولازم كلنا نعرف لذة وفرحة التوبه بتكون علي قدر الضغطه والعصره اللي بيمر بيها الانسان
فكل ما كانت اكبر كانت لذة التوبه وفرحتها اكبررررر
"يا رب ارزقنا توبة نصوحا تدخلنا بها جنة الخلد مع عبادك الصالحين"
**********************************
تعالو نعرف الاسباب
-العصره والقبضه بتكون دليل علي حياة القلب وقوة استعداده للتوبه ، فلوواحد كان قلبه ميت او مش مستعد او استعداده ضعيف مش هيحصل معاه ده يعنيلازم ننوي بجد ونخلص النيه لله ونستعد لاختبار الله تعالي
-الشيطان لص الإيمان ، وطبعا اي حرامي مش هيروح يدور علي خرابه يسرقها لكنبيشوف مكان مغموور علشان يسرقه ، لما تحس بالوساوس الشيطانيه كترت والعصرهزادت جواك ، إعرف ان في قلبك اللي مخلي الشيطان حريص انه يسرقه
-التوبه غرضنا منها رضا ربنا والجنه في المقام الأول بعيد عن اي توفيق فيالدنيا او اغراض دنيويه ، افتكر ان ما فيش اغلي من جنة عرضها السمواتوالارض وحياة ابديه مش 80 ولا 90 سنه وهتموت تاني ، لا دي خلاص هتفضل فيهابإذن الله تتمتع بكل ما لذ وطاب من مأكل ومشرب وملبس وحور عـين ، افتكر مافيش اغلي من كدا ، وإنها تستحق فعلا اننا نجاهد نفسنا علشان نستاهل ندخلها
فيه بعض الناس بيصلو ومحافظين علي واجبات كتير
بس تلاقي عند واحد انه لازم يسمع اغاني
التاني مش قادر يسيب السجاير
التالته مش قادره تاخد قرار تلبس حجابها الشرعي
وبنقول اهو احنا احسن من غيرنا
لو غني من اغنياء العالم علي سبيل المثال
قالك انا هديك كل اللي عايزه في حياتك لمدة سنه
اي حاجه هتتمناها هعملهالك
بس بعد السنه دي هتتحبس وهتفضل متقيد بسلاسل والاكل اللي هتاكله هيهري معدتك وهتتجلد ليل نهار ومافيش نوم
بالله عليك هتوافق ؟
ما افتكرش ان فيه عاقل هيوافق
ما بالك انت بنعيم اعظم من الدنيا وما فيهاش وعذاب اشد ما تتخيل
بعت كام سنه من عمرك علشان مجرد نزوات علشان تموت وتبعث وتتعذب ف النار مع الكفار والمنافقين إلي الأبد والعياذ بالله
اوعي تقول هتوب بكرا
طب يوم الجمعه علشان ابقى واخد دش وانزل اصلي الجمعه واتوب
ولا اول الشهر اكون فرقعت البت بتاعتي
ولا لما اتجوز اهو الواحد يكون عقل
تضمن النفس اللي تطلعه يدخل مكانه ؟
طب تفتكر لو مت هتبقى راضى عن نفسك
طمعان في رحمة ربنا ؟
تفتكر انت كنت بتصلي مثلا خمس فروض
بس كنت شاب عادي وبتلبس وبتسمع اغاني واهو بتصلي اهي اهم حاجه الصلاه
تفتكر هتدخل الجنه مع واحد صلي بالليل والنهار ، وناجى ربه في الاسحار ، واقتدى بمحمد سيد الخلق وأشرف الأخيار
هتبقى ايه جنبه ؟
كل عمل عملته كويس هتلاقيه عمل قصاده عشره
هتتعب ف الدنيا ؟ " خلق الإنسان في كبد "
الناس هتتريق عليك ؟ " نبيك اللي اشرف الخلق وشفيعنا يوم القيامه رمي بالحجاره وكسرت رباعيته وشج رأسه "
هتقول غصب عني هغلط انا مش ملك من السما ؟ " لو لم تذنبو لذهب الله بكم واتي بقوم يذنبون فيستغفرون الله فيغفر لهم "
بس مش معني تقول هسمع الاغنيه دي واستغفر 100 مره
" ألم يأنِ للذين ءامنو ان تخشع قلوبهم لذكر الله " ؟
كفايه ذنوب
قوم صلي
بطل تسمع اغاني
ارمي سجارتك
البسي حجابك
بطل تتفرج علي افلام
بلاش تغلط علي صحابك وتغتابهم
غض بصرك
راضى والدك وولدتك
صل ارحامك
هتلاقي بحررررر من الطاعات قدامك كل يوم تعمل حاجه
مش هتزهق وهتبقى عايز كل يوم تعمل حاجه جديده
مش برنامج هوا خمس فروض وقيام ليل واذكار وخلاص
لا فيه طاعات كتيرررررررررر حتي لو نومك اخلصت النيه لله انك بتريح جسمك علشان تقدر تعبده وان جسدك ليه حق عليك
هتاخد اجر عليه
خلينا نتنافس في الطاعات والعلم بدل ما بنتنافس علي اللي عندو افلام 2010 DVD مش مسروقه
ولا اللي نزل البوم المغنى الفلاني قبل التاني
ولا اللي جاب لبس زي المطرب مين
كفايه غفله لحد كدا ويلا كلنا نتوب
***********************
تعالو نشوف الدنيا هتبقى ازاي في عنيك بعد ما تتوب ؟
إنّ التائب منكسر القلب.. غزير الدمعة.. حي الوجدان.. قلق الأحشاء..
التائب.. صادق العبارة.. جم المشاعر.. جياش الفؤاد.. مشبوب الضمير..
التائب.. خلي من العجب.. فقير من الكبر.. مقل من الدعاوى..
التائب.. بين الرجاء والخوف.. بين السلامة والعطب.. بين النجاة والهلاك..
التائب.. في قلبه حرقة
التائب.. في وجدانه لوعة
التائب ..في وجهه أسى
التائب.. في دمعه أسرار..
التائب.. مجرّب.. ذاق العذاب في البعد عن الله.. وذاق النعيم حين اقترب من حب الله..
التائب.. له في كل وقعة عبرة.. إذا رأى جمعا ذكر القيامة.. وإذا رأى مذنبا بكى عليه خوفا من ذنوبه..
إذا رأى نعيما خاف أن يحرم الجنة.. وإذا رأى نارا ظن أنه مواقعها..
التائب.. إذا هدل الحمام بكى.. وإذا صاح الطير ناح.. وإذا شدا البلبل تذكّر..
و التائب..إذا لمع البرق اهتز قلبه خوفا ممن يسبح الرعد بحمده والملائكة من خيفته..
التائب.. يجد للطاعة حلاوة.. يجد للعبادة طلاوه
لكن حذارِ تتخلى لما تتوب وتلتزم تفرط في كرامتك
وتدوس علي نفسك
وتنحنى بين الناس وتروح شخصيتك
ولا كمان تكون زي الاول
لكن اتعلم ازاي تبقى شخصيتك قويه وحليم
وازاي ما تتنازلش عن كرامتك وفي نفس الوقت تعفو تصفح
وازاي ما تسبش حقك وما تظلمش
واوعىىىىى تسيب مجال حياتك اللي بتشتغل فيه او دراستك وتقول انا هتوب وتتفرغ تفضل تقرأ فقه وتفسير وسيره وحديث
لا اعمل كل ده واتفقه فى الدين بس برده بجانب شغلك ودراستك وخلى هدفك انك تتعلم وتفيد امتك بعلمك ده
احلم تبقى عالم ،دكتور، مبتكر
خلي عندك هدف عايز توصله وتحققه واوعى تعيش عادي انك تتخرج تتجوز تشتغل تطلع معاش ونهايتك كدا وخلاص
استحضر نيتك وقلبك وعقلك وكل كيانك ويلا نبدأ حياة جديده فى طاعة الله عز وجل..
 الموضوع : عارف هتحس بإيه اول ما تتوب ؟؟؟ المصدر : مسجد الهدي المحمدي الكاتب: أحلى حياة |
|
زهرة المدائنعضو جديد
تاريخ التسجيل : 01/09/2009
| | موضوع: رد: عارف هتحس بإيه اول ما تتوب ؟؟؟ الأربعاء 24 نوفمبر 2010, 11:58 pm | |
| |
|
