"" حاسب يا عم ""

10/08/2009

ازيكم يا احلى شباب .. كيف حال قلوبكم مع الله ؟

يارب تكونوا في قرب وطاعة ولذة ونعيم .

حبيت بس أقولكم كلمتين بس ( حاسب يا عم )

يعم حاسب يعم !!

يا سيدي حاسب بئى

متخافش مش هتدفع فلوس ..

ولا هتغسل بدلهم صحون

لا عاوزك تحاسب على حاجه تانيه خاااااااالص ... حاسب على ... طب اقرأ الموضوع اللى جاي ده وهقولك ..

المعلم و التلميذ

سآل المعلم تلميذه: مآذآ يعمل وآلدك ؟
صمتّ التلميذ ولم يُجب .
فسآله المعلم مرةً أُخرى: مآذآ يعمل وآلدك يآفلآن ؟
فآكتفى التلميذ بالصمت ولم يجب !
صرخ المعلم في وجهه آمآم التلآميذ
وقآل : يآغبي الا تعرف مآذآ يعمل وآلدك ؟!
رفع التلميذ رآسه وقآل: بلــى !

إنه نآئم في قبره
آحيآناً نتسرع في كلِمآتنآ ونجرح من امامنا .....
فلا تتسرع بالكلام
هناك دائما ً 4 أشياء لا يمكن إصلاحها :

لا يمكنك استرجاع الحجر بعد إلقائه
لا يمكنك استرجاع الكلمات بعد نطقها
لا يمكن استرجاع الفرصة بعد ضياعها
لا يمكن استرجاع الشباب أو الوقت بعد أن يمضى

لذلك اعرف كيف تتصرف ، ولا تُضع الفرص من يديك ،

ولا تتسرع بإصدار القرارات والأحكام على الآخرين

عرفت أنا بقولك حاسب يا عم على إيه ..

حاسب على لسانك من أنه يجرح الآخرين بتسرعك في إصدار الأحكام .

حاسب من لسانك أنه يوديك جهنم وأنت لا تشعر .

حاسب لأن حبيبك النبي صلى الله عليه وسلم قال أن أكثر ما يوقع الناس في النار على وجوههم هو حصائد ألسنتهم .

حاسب من لسانك أن يلقيك في جهنم سبعين خريفا بكلمة واحده تُغضب الله وأنت لا تشعر أنك قلتها .

وفي المقابل

حاسب يا عم ..

متضيعش وقتك في كلام فاضي وانت تقدر تستغل الوقت في ذكر الله .. قراءة القرآن .. الاستغفار ......... etc

حاسب يا عم ،، على عمرك اللى بيضيع منك وانت ملهي في أعمال لن تنفعك في الأآخره بل ستضرك أكبر ضرر .

حاسب على شبابك اللي ضيعته في الجري ورا البنات ( تحب تشوف أختك ماشيه مع واحد عالكورنيش ؟!!

تحب تشوف أمك مع راجل غير والدك والعياذ بالله في مكان لوحدهم .. أعتقد لالالالالالالا وألف لالالالا .

طيب لو انت بتحب اللي انت ماشي معاها دي أصلا .. وأنا أتعجب إنك بتقول لها
بحبك وهي مصدقاك .. لو بتحبها بترضى الناس تتكلم عليها ليه بكلام مش كويس
!!

والله الناس بتقطع في عرضها بسببك ..

يا أختي .. والله أنا شاب زيي زيكم .. وبفضل الله عشت المراحل دي ولكرم الله أن نجاني مما كنت واقع فيه ..

يعني أنا مش بتكلم كلام معرفوش أو معشتهوش .

خايف عليكي لأنك زي أختي ..
خايف عليكي من طمع الناس فيكي ..
خايف عليكي من ألسنة الناس اللي بتترصد للناس ومستنية لهم أخطاء .

هسألك سؤال ..

شعورك بيبقي إيه لما مجرد إنك تفكري إن أخوكي ممكن يعدي ويشوفك آعده معاه ؟؟
وانت .. أيوه انت يعم روميو ..
شعورك بيبقى إيه لما مجرد إنك تفكر إن أبوها ممكن يعدي عليكم ؟؟

الله أحق أن نخشاه ..

الله أحق أن نحبه ونطلب رضاه ..

والله لو سبتها ولو سبتيه لوجه الله .. وكان هو خير ليكي .. ربنا هيذلل الأسباب وييسر الصعاب عشان تتجوزيه .

استعينوا بالله .. ولا تيأسوا .. وخليكوا دايما عارفين إن ربنا مبيضيعش الناس اللي بتحبه .

ربنا يحبكم ويرضى عنكم ..

يعم حاااااااااااااااسب

أخوكم ( اللي قارفكم )

أصدي .. محبكم ف الله

متنسوش الدعاء فكل اللي محتاج
حاجه ( عاوز تبعد عن ذنب .. عاوز ربنا يثبتك .. عاوزه تلبسي حجابك اللى
وحشك بئى .. عاوز ..عاوز .... اطلبوا من الكريم ووالله الكريم لا يرد من
سأله وألح عليه ..

يلا السلام عليكم ورحمة الله وبركاته .

الموضوع : "" حاسب يا عم "" المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

عضو جديد عدد المساهمات : 42

جزاكم الله خيرا موضوع جميل فعلا

الموضوع : "" حاسب يا عم "" المصدر : مسجد الهدي المحمدي الكاتب: muslimah.lelah
توقيع العضو/ه :muslimah.lelah

10/08/2009

جزانا واياكي

ربنا يتقبل يا رب

"" حاسب يا عم "" 125668

الموضوع : "" حاسب يا عم "" المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

26/06/2010

الموضوع : "" حاسب يا عم "" المصدر : مسجد الهدي المحمدي الكاتب: مشتاقة للجنة
توقيع العضو/ه :مشتاقة للجنة

زائر

الموضوع : "" حاسب يا عم "" المصدر : مسجد الهدي المحمدي الكاتب: ????
توقيع العضو/ه :????

"" حاسب يا عم ""

"" حاسب يا عم ""

مواضيع مماثلة

مواضيع مماثلة