:: ســت الحــبــايــب ::

10/08/2009

أنا عارف إن انتوا تعبتوا مني ..

عالعموم .. أنا مش هسيبكم برده

هو أنا ورايا غيركم

المهم ..
نتكلم في الموضوع اللي احنا جايين عشانه انهارده

متـــــزعلنيش منـــــك ،،

أيوه حاسس إنك هتزعلني كمان كام يوم كده !!

احنا داخل علينا يوم 21 مارس .. وما أدراك ما 21 مارس !!

الأطفال الصغيرين بيحوشوا من مصروفهم لليوم ده من 22 مارس السنه اللي فاتت

عشان يقدر يجيب هدية لست الحبايب ،،

ومش الأطفال بس ،، والكبار كمان !!

ده البر اللي بيقولوا عليه !!
لكن تتعجب فعلا لما تلاقي الواحد من دول طول السنه بيزعق .. ويعلي صوته .. وربما يصل الأمر إلى الشتم .. ده كله عشان أمه نسيت تغسل له البدي .. ولا التيشرت .. و.....

ويا سلام لو معملتش الأكله اللي بيحبها .. ممكن يولع لها في المطبخ كله ..

أنا كنت آعد مع بنوته صغيره .. بتقولي أنا محوشه فلوس عشان عاوزه أجيب لماما هدية جميله ..
قولتلها انتي بوستي إيد ماما انهارده ..
قالت لي لا !!
ده أنا حتى كل يوم بزعلها مني !!
لسه امبارح كانت عماله تقول لي امسحي السلالم .. اكنسي الأرض .. وبعدين قالت لي روحي الصيدليه غيري لي العلاج ده ..
روحت مزعقالها ..
فضغطها علي وبابا قال لي أنا وأخويا لو زعلتوا ماما تاني هعلقكم ف المروحه

هو ده حال الأطفال والكبار ..

ولا عزاء لست الحبايب !!

البر بالأم والأب مش يوم هجيب فيه هديه وأزعلها باقي السنه .. غلط وألف غلط .

الأم اللي طول عمرها بتضحي عشانك .. ولا عمرها قالت آه ولا اشتكت ..

الأم اللي عانت من الموت عشان انت تخرج للحياة ..

الأم اللي ضحت بشبابها في تربيتك ..

الأم اللي شايله همك وانت صغير ووانت كبير ..

الأب اللي عانى .. وتعب .. وشقي .. عشان تعيش انت حياة كريمه .

الأب اللي ضحى بقوته في سبيل ان ابنه يكبر ويعيش حياة أحسن من اللي أبوه عاشها ..

نسينا جمايلهم دي كلها .. واختزلناها في هدية ... ياااااااااااااه عالجحود والنكران .

أيوه والله جحود مش عيد أبدا

.. لو خرجت قلبك من جواك واديته لأمك وأبوك مش هتوفيهم ذرة من حقهم عليك ..

لو عشت خدام تراب رجليهم مش هتوفي معاناة أمك لحظة ولادتك ..

أقول إيه ولا إيه !!

أنا بعتبر عيد الأم ده تغطية على التقصير ... فعلا والله تغطية على التقصير في حقهم ..

عيد الأم ده .. آلام وليس أفراح .. أيوه آلام ..

اتخيل كام زوج وزوجه محرومين من نعمة الأبناء .. واحنا بنيجي في اليوم ده ونزود معاناتهم .. بنحسسهم بالحرمان أكتر وأكتر ..

اتخيل كام واحده ولادها ماتوا .. وانت في اليوم ده بتفكرها بآلامها ..

اتخيل كام بيت بتدخل عليه الحزن مقابل ان انت تقلد الكفار في أعيادهم ..

أقول إيه تااااااااااااااااااااااااني ..

إن في ذلك لذكرى لمن كان له قلب ..

اللي عنده قلب صحيح .. هيحس بآلام غيره قبل ما يفرح هو ..

هو ده الإسلام .. الإسلام اللي وصانا إن احنا نكون كالجسد الواحد .. نشعر بآلام بعضنا .. كالجسد الواحد ..

هديك صورة فيها منتهى البر .. ما اعتقدش إنك مهما عملت هتوصل بتفكيرك حتى للبر اللي وصل له ( زين العابدين )
اقرأ الكلام اللي في الصورة ده ..

بيقولوا له انت من أب الناس بأمك ليه مبتاكلش معاها في طبق واحد .. قال لهم خايف إيدي تسبق إيدها للحاجه اللي هي بصت عليها الأول ..

ياااااا الله .. إيه البر ده !!!!!!!!
هااا

إيه رأيك يا سيدي .. إيه رأيك يا أختي ..

لسه فاكرين إن البر هدية ويوم في السنه ..

مش لاقي كلام تاني خااااااااالص ..

قدروا مشاعر غيركم ... حسوا بقلوب محرومه ..

متبقاش أناني ..

وغير ده كله ..
ربك ودينك ونبيك صلى الله عليه وسلم لم يأمرك بهذا الذي ابتدعه الغرب تغطية على تقصيرهم في حق أمهاتهم ..

فلو بتحب ربنا سبحانه وتعالى .. وبتحب أمك فعلا .. يبقى تقوم دلوقتي حالا تثبت حبك ليهم . وتقبل إيديهم ورجليهم ( والدك ووالدتك ) ..

اطلب منهم يدعوا لك ويسامحوك ..

اطلب منهم يدعوا لك ربنا يهديك يا اللي عمال تشتكي مالذنوب ..

أنا امبارح قلبي اتقطع وأنا بصلي المغرب واحد بيصلي جمبي بيدعي بصوت عااااالي وبيقول .. ياااارب ارزق ابني ووسع رزقه واسترها معاه و.....

مدعاش لنفسه والله ولا دعوه واحده حتى ..

ياااااااااااااااااااااااااااااااااااااااارب اعف عني ..

اعتقد إن كفايه كلام كده .. ولازم نبدأ في العمل ... اعذروني طولت عليكم لكن الموضوع ده كل ما افتكره ( عيد الألم ) قلبي بيوجعني ..

في الختاااام ..

أسأل الله جل وعلا أن يجعل عملي كله صالحا وأن يجعله لوجهه خالصا وألا يجعل لأحد فيه غيره شيئا ..

اللهم ارزقنا البر بهما أحياء وأمواتا ..

عذرا فما وفيتكِ جزءا من حقك عليَّ أماه...

الموضوع : :: ســت الحــبــايــب :: المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

عضو جديد عدد المساهمات : 2238

جزيت خيرا أخي علي الموضوع الرائع

وجعله الله في موازين حسناتك

بجد موضوع جميل وأتمني إن الأخوة الكرام كلهم يقرؤه

يارب أجعلنا من البارين بوالديهم

اللهم آآآآآآآآآآمين

وفي الختام أشكرك مرة أخري أخي علي الموضوع المميز

بوركت أخي

الموضوع : :: ســت الحــبــايــب :: المصدر : مسجد الهدي المحمدي الكاتب: أمة الله
توقيع العضو/ه :أمة الله

نائب المدير عدد المساهمات : 3918

الموضوع : :: ســت الحــبــايــب :: المصدر : مسجد الهدي المحمدي الكاتب: aya
توقيع العضو/ه :aya

10/08/2009

جزانا واياكم

ربنا يتقبل منا ومنكم صالح الأعمال

:: ســت الحــبــايــب :: As3dna

الموضوع : :: ســت الحــبــايــب :: المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة