أحلى حياةمدير عام المنتدى
تاريخ التسجيل : 10/08/2009
 |  موضوع: سر تغير حياتي.. الثقه بالله والدعاء  الأربعاء 11 مايو 2011, 12:40 am | |
| تقول احد الاخوات
السلام عليكم ورحمة الله وبركاته
الحمدلله الذي هدانا لهذا وما كنا لنتهدي لولا ان هدانا الله
ربنا لا تزغ قلوبنا بعد إذ هديتنا وهب لنا من لدنك رحمة إنك أنت الوهاب
انا ترددت كتير ان اتكلم عن حكايتي خصوصا اني فى اول الطريق الى الله
واكيد هقع فى اخطاء فى اسلوبي
بس انا جربت ودوقت طعم وحلاوة القرب من ربنا قولت ممكن اقدر بتجربتي دي
اشجع حد عاوز ياخد خطوه وشيطانه ونفسه اللى اتعودت الى المعاصى مخلينه
مكسل ومش عارف
انا كنت بنت من امثلة كتير من بنات جيلنا اللى ماشي ورا هواه وكل ما نفسه
تؤمرو بحاجه سوء يعملها بس كنت من جوايا مش مرتاحه اه لوقت للحظات كنت بحس
بنوع من الانبساط بس قلبي مش مرتاح تعبانه .. مع اني اتولدت فى بيت يعنى
.. امي ربنا يبارك فيها قريبه لربنا اوي منتقبه وماشاء الله عليها من يوم
ما وعيت على الدنيا وانا الاقي امي متدينه .. وحاولت معايا كتيير انها
تخليني التفت لطريق ربنا بس للاسف شيطاني ونفسي الاماره بالسوء واصدقاء
السوء كانو مخليني عكس ما هي عاوزه
بس سبحان الله فعلا ربنا قال " إنك لا تهدي من أحببت ولكن الله يهدي من يشاء "
الصلاه .. كنت اصلي يوم وعشره لا.. اصلى فرض وانسى الباقى .. كنت حاسه ان
حاجه نقصاني وطبعا امي ريقها نشف معايا .. كنت متضايقه من نفسي ان مش بصلي
وارجع اقول لنقسي طيب انا مش بصلي ليه اقول مش عارفه مش بركز يبقى ربنا
هيتقبلها مش هتنفع بلاش :( بقيت الفرض اللى اصليه ادعي واقول
يااااااااااارب خليني اصلي كل الفروض ياااارب اجعل الصلاه اهم شئ فى حياتي
.. فعلا دلوقتي الحمدلله بفضل الله عليا لو اتاخرت عن الصلاة دقيقه واحده
ابقى زعلانه ومخنوقه لو لقدر الله عدي يوم مش صليت فيه قيام ولا الفجر احس
بضيق فى النفس طول اليوم .. يارب الثبات ..
اللبس .. لما بقى عندى 12 سنه امي لبستني الخمار بس انا مش عارفه ليه كان
فيا الكم الهائل من التمرد .. كنت متضايقه اني لابساه حاولت مع ماما كتير
اني اقعله وهي كانت رافضه .. طلع فى وقت العبايات السعودي دي .. قولت
لماما طيب تبقى عبايه وطرحه ( شيطان بقه بيزنلي عشان اتراجع مش اتقدم )
فعلا بقيت بالتدريج اقصر الطرحه طيب يا ماما جيبه وتي شيرت .. بس جيت فى
الاخر مش حاسه اني مرتاحه انا فيا حاجه غلط انا مكنتش ببقى اوفر زي ما ناس
كتير بيعملو بس مش ده الزي الشرعي كنت لما ببمشى مع ماما فى الشارع كنت
ببقى مكسوفه من نفسي .. جيت من كتر ما ماما زنت عليا واتخانقت معايا بسبب
لبسي كان ظهر الاسدال جديد والبنات بيلونو فيه وبتاع قولت ماشي اشتري
دماغي من زن ماما والبسه .. رجع الشيطان يزيلني تاني التراجع ماله التونيك
الطويل على جيبه وطرحه كبيرة .. وسنه سنه تراجعت تاني .. لحد ما فى الفتره
الاخيره دي بقيت ادعي يااااااااارب انا عاوزه اقرب ليك يا رب تهديني لكل
اللى بتحبه وترضاه.. الحمدلله بفضل الله ربنا من عليا ولبست النقاب ..
يااااااااه ماكنتش متخيله ان طاعة ربنا فيها راحة بال كده..
الاغاني بقه .. اوف على ده مرض سقيم كنت مدمناها .. 24 ساعه فى 24 ساعه
بالرغم ان ماما وبابا الله يرحمه كانو دايما يزعقولي لو لاحظو بس اني
مشغله الراديو على اغاني ( قبل ما نجيب السلاح زو حدين الكومبيوتر ) جه
الكومبيوتر والهيد فون عليه العوض بقه طول الوقت اغاني × اغاني
اسمع انها حرام بس مش عارفه ابطلها .. شيطاني مزينهالى ونفسي اتعودت عليها
.. بس من جوايا مخنوقه مش مرتاحه انا مزعله ربنا مني .. بقيت ادعي
يااااارب توب عليا من سماع الاغاني يااااارب ابعدني عن اي معصيه تغضبك مني
.. دلوقتي الحمدلله بفضل الله لو ركبت مواصلات السواق ربنا يهديه مشغل
اغنيه طبعا مش بعرف اتكلم معاهم .. شايله الام بي ثري حاطه فيه قرءان
واسمعه ..
سبحان الله ربنا حطني فى اختبار عشات يشوف هرجع ولالا .. وانا بقلب فى
موقع لاقيت له فيديو بيتكلم عن حكم الاغاني وانها فيها خلاف .. كلامه خلى
الشيطان يزينلى ولحد دلوقتي بيحاول معايا بس أسال الله الثبات انا بقاومه
.. يقولي بلاش اغاني موسيقى بس ماهى فيها خلاف عادي اقوله لااااااااااا
حتى لو حلال كلام كلام ربنا اريح .. الا بذكر الله تطمئن القلوب ..
ومعاصي كتير من اللى واقع فيها اغلب جلينا والله بفضل الله عليا
الدعاء والاخلاص فى النيه والثقه فى الاجابه سبحان الله بتتغير للنقيض
الاحسن .. بقيت دلوقتي ندمااااااااااااااااااااااااانه على كل لحظه ضيعتها
فى معصية ربنا .. واقول لنفسي ازاي انا كده ازاي ازعل الملك القدوس مني
واعصاه بالشكل ده وهو سبحانه حليم وصبور عليا للاخر واداني المهله اني
اتوب .. يا حبيبي يا رب سبحانك يا اكرم الاكرمين سامحنى وعنى على انى
اطيعك ومش ازعلك مني ولو حصل وزعلتك انا ضعيفه ارزقني التوبه وتقبل مني
يارب
طبعا انا مرعوبه ارجع تاني للقرف اللى كنت فيه بس عندي حسن ظن بالله
انه مش هيضيعنى وساعات بقه الشيطان الرجيم يزينلى ان ارجع لمعصيه من
المعاصي ويقولي ما انتى عرفتي السر سبحان الله وبحمده والاستغفار كأن شئ
لم يكن .. اقوله لا يا لعين مش معنى ان ربنا كريم واداني سبل التكفير عن
المعاصي اني اعصيه لا هو مش يستاهل مني كده هو فى غنى عن طاعتي دي انا
اللى محتجاها عشان يدخلني الفردوس ان شاء الله.. يكفي تقصيرى فى حقه وما
مضى فى بعدي عنه
سامحني يا حبيبي يا سيدي ويا مؤنسي كانت على عيني غشاوه ومش حاسه بقيمة القرب منك يارب تثبتني بقربك وما ترجعنيش تاني
انا عارفه انا لكاكه بس انا بحب لما احكي حاجه اديها حقها عشان جايز التفاصيل دي تشبه تفاصيل حياة حد زيي عاوز يتغير ومش عارف ..
اسأل الله الحليم الكريم القريب المجيب ان يهديني وشباب وبنات المسلمين لكل ما يحبه ويرضاه
وان يجمعنا واياكم فى الفردوس الاعلى ..
وصل اللهم وبارك على نبينا محمد
السلام عليكم ورحمة الله بركاته
اسفه مره اخرى على الاطالة وشكرا لسعة صدركم وتحملي
 الموضوع : سر تغير حياتي.. الثقه بالله والدعاء المصدر : مسجد الهدي المحمدي الكاتب: أحلى حياة |
|
ayaنائب المدير
تاريخ التسجيل : 26/08/2010
| | موضوع: رد: سر تغير حياتي.. الثقه بالله والدعاء الأربعاء 11 مايو 2011, 12:54 am | |
| اللهم ارزقها الثبات والهداية ياااااااااااااااااااااااااااارب
وجميع المسلمين والمسلمات اللهم امين
جزاك الله كل الخير الموضوع : سر تغير حياتي.. الثقه بالله والدعاء المصدر : مسجد الهدي المحمدي الكاتب: aya |
|
أحلى حياةمدير عام المنتدى
تاريخ التسجيل : 10/08/2009
| |
