أمة اللهعضو جديد
تاريخ التسجيل : 28/10/2010
 |  موضوع: ها..هناكل ايه في رمضااان؟؟؟  الأربعاء 22 يونيو 2011, 1:16 pm | |
| السلام عليكم ورحمة الله وبركاته
طبعا عارفين كلنا الجملة دي..دايما في رمضان بتلاقي اغلب البيوت عايزين بقى
نفطر اول يوم ده على بطاية ومحشي وتاني يوم مش عارفة ايه
بيبقى كل اهتمامهم بالاكل..مفيش اهتمام بانه يختم القرآن كام مرة ..ولا انه يعمل
عبادات ماكانش بيعملها..لا هو حاسس ان الاكل في رمضان ده اهم حاجة
وتلاقي الناس دي بقى ..بتبقى الواحدة واقفة في المطبخ اد كده ..بتضيع اليوم في
عمايل الاكل..طبعا مش بنقول ما ناكلش..ولا الست ماتقفش في المطبخ تعمل الاكل
لانها اصلا بتاخد ثوابات على انها بتفطر كاام صايم بقى في بيتها
بس لما بتزيد اوي بقى ما ينفعش..يعني يبقى بالمعقول..عشان ماتنساش فرص
الثوابات التانية اللي بتجيلها في رمضان..
يعني اولا مش بتقرأ قرآن الا نادرا..يعني ممكن مثلا ماتختمش القرآن حتى ولو مرة
واحدة..طب احنا استفدنا ايه بقى من رمضان من غير مانعمل فيه حاجة كده؟
ده هو رمضان شهر واحد في السنة.. تخيلوا كده لو كان رمضان ده 3 او 4 شهور في
السنة...انما هو شهر واحد بجد رمضان ده بيبقى بالظبط كأنه ضيف بيجيلنا مرة واحدة
في السنة..بس ضيف كلنا بنحبه وبنحس بونس معاه..
رمضان ده هدية فعلا ..ايه ده..مفيش
شياطين..وناس بتعتق من النار.. وحاجات كده حلوة ماينفعش نضيعها مننا كده
بالساهل (اللهم اعتق رقابنا من النار)
ولما رمضان خلاص بقى قرب يخلص بنبقى مضااايقين ..ونفسنا يرجع تاني م الاول
لما نكون ماختمناش مرة ولا اتنين على الاقل ..اكيد بنضايق ..وبيبقى نفسنا
بقى فعلا ان رمضان ييجي من الاول تاني واحنا نختم بقى ونعمل اللي ماعملناهوش
طب ماهو كان موجود..ماعملناش ليه؟
طب مااحنا هنعوضها بقى في رمضان الجاي..
ياااااه ..رمضان اللي جاي كمان12شهر؟
لسة هستنى ده كله..يا خسارة ياريتني ماكنتش اهتميت ولا بأكل ولا بمسلسلات
وكنت ختمت..ويتحسر طيب وعلى ايه..مااحنا لسة فيها اهو وقبلها كمان
نحاول بقى نجتهد في الطاعات وقراءة القرآن..لاننا كلنا اكيد مشتاقين جداااا
لرمضان ..ومش عايزينه يعدي كده علينا وخلاص..عايزين نحس ان احنا فعلا
رمضان ده ..عملنا فيه حاجات كتيرة اوي ونبقى راضيين عن نفسنا
ده ضيف ولازم نستقبله كويس..عشان مانندمش بعد مايخلص..
اللهــــــــــم بلغـــــــــــــــــــــــــــــــــــــــــــــــ ـــــــــــــــــــنا رمضـــــــــــــــان
اللهـــــــــــم بلغـــــــــــــــــــــــــــــــــــــــــــــــ ـــــــــــــــــــنا رمضـــــــــــــــان
اللهــــــــــم بلغـــــــــــــــــــــــــــــــــــــــــــــــ ــــــــــــــــــنا رمضـــــــــــــــــان
 الموضوع : ها..هناكل ايه في رمضااان؟؟؟ المصدر : مسجد الهدي المحمدي الكاتب: أمة الله |
|
أحلى حياةمدير عام المنتدى
تاريخ التسجيل : 10/08/2009
| | موضوع: رد: ها..هناكل ايه في رمضااان؟؟؟ الأربعاء 22 يونيو 2011, 1:33 pm | |
| اللهــــــــــم بلغـــــــــــــــــــــــــــــــــــــــــــــــ ـــــــــــــــــــنا رمضـــــــــــــــان
جزاكي الله كل خير الموضوع : ها..هناكل ايه في رمضااان؟؟؟ المصدر : مسجد الهدي المحمدي الكاتب: أحلى حياة |
|
أمة اللهعضو جديد
تاريخ التسجيل : 28/10/2010
| | موضوع: رد: ها..هناكل ايه في رمضااان؟؟؟ الأربعاء 22 يونيو 2011, 3:23 pm | |
| |
|
Yahiaالمراقب العام
تاريخ التسجيل : 22/03/2011
| |
أمة اللهعضو جديد
تاريخ التسجيل : 28/10/2010
| | موضوع: رد: ها..هناكل ايه في رمضااان؟؟؟ الأربعاء 22 يونيو 2011, 6:01 pm | |
| |
|
