مشتاقة للجنةالمراقبة العامة
تاريخ التسجيل : 26/06/2010
 |  موضوع: you have a message  الخميس 21 يوليو 2011, 10:07 pm | |
|
السلام عليكم ورحمة الله وبركاته
ممكن تلاقي نفسك ماسك الموبايل في ايدك
وعمال تدور عليه مش لاقيه
وممكن يبقى ادامك القلم وانت قالب عليه
الدنيا مع انه ادامك فعلا بس انت مش شايفه
مش ده بيحصل؟؟
طب يا ترى ده بيبقى سببه ايه؟
ها..فكر كده وقول ممكن يكون سببه ايه
اكيد بيبقى بسبب عدم تركيز..مش بتبقى
مركز.. بتبقى في حاجة شاغلة دماغك عشان
كده الحاجة بتبقى ادامك ومش شايفها
بدليل انك ممكن تقول لصاحبك ماشفتش
قلمي..يقولك ايه يا ابني ماهو ادامك اهو
طب ليه هو شايفه وانت لا؟
لان هو بيبقى مركز
نفس الكلام في الرسايل اللي ربنا بيبعتهالك
في واحد بياخد باله من كل رسالة تجيله
وبيبقى عارف كويس اوي ان دي رسالة من
ربنا ليه هو بالذات
لكن بيبقى واحد تاني ربنا بيبعتله رسايل كتير
وهو مش بيبقى مركز بتبقى في حاجة
شاغلة باله غير ربنا
من كتر المعاصي للي الواحد بينغمس فيها
..عقله وقلبه بيبعدوا عن ربنا و بيبدأ فعلا ما
ياخدش باله من الرسايل اللي جايةله
مش احنا ساعات كتير بنسمع عن حادث
سيارة كانت فيها 4 شباب مشغلين اغاني
في العربية و3 منهم ماتوا وواحد بس هو اللي
نجي وغالبا الواحد ده بيتوب
مش كده؟
لانه بياخد باله من الرسالة دي
بتبقى مجرد رسالة جاتله بتغير حياته
..بيفوق..ويتوب لربنا
لكن ممكن حد يجيله رسايل كتير وتبقى
واضحة زي الشمس ان الرسالة دي جياله هو
بس هو بردو ما بياخدش باله
انت مش احيانا بتبقى مثلا حصلتلك مشكلة
ومضايق ومخنوق وتيجي تسمع الاية دي
(عسى ان تكرهوا شيئا وهو خير لكم)
واحيانا بتبقى واحدة مثلا عندها مشكلة في
موضوع الزواج وبتبقى مضايقة وتيجي تقرأ
الاية دي
( ولسوف يعطيك ربك فترضى)
وممكن لما يبقى حد قريب منك مريض وتبقى
انت زعلان عليه اوي وتقرأ الاية دي
(واذا مرضت فهو يشفين)
او واحد يذاكر ويتعب وفي الاخر مايجيبش مثلا
المجموع اللي كان بيحلم بيه
وياخد باله من الاية اللي بتقول
(فاستجاب لهم ربهم اني لا اضيع عمل عامل
منكم من ذكر او انثى)
ممكن تبقى جاية لك في حاجة تانية احسن
من دي
كل ده اكيد بيحصلنا كلنا وممكن دي تبقى
مبشرات لكن بردو ممكن تجيلنا حاجات تحذرنا
زي مثلا لما تسيء الظن بواحد وتشوف الاية
(يا ايها الذين آمنوا ان جاءكم فاسق بينكم بنبأ
فتبينوا ان تصيبوا قوما بجهالة فتصبحوا على
مافعلتم نادمين)
كل دي حاجات ممكن نتعرض لها
او زي ماقلت وفاة شخص
او الحاجات اللي زي دي بتبقى رسايل بس
في اللي بياخد باله وفي اللي للاسف ما
بياخدش
عايزين ناخد بالنا من رسايل ربنا اللي بتجيلنا
عايزين نركز شوية وننضف قلوبنا من الذنوب
ونشغل عقولنا بذكر الله
اللهم ارض عنا يارب العالمين
 الموضوع : you have a message المصدر : مسجد الهدي المحمدي الكاتب: مشتاقة للجنة توقيع العضو/ه :مشتاقة للجنة | |
|
|
أحلى حياةمدير عام المنتدى
تاريخ التسجيل : 10/08/2009
| | موضوع: رد: you have a message الخميس 21 يوليو 2011, 10:46 pm | |
| اللهم امين
جزاكم الله كل خير
موضوع رائع
اللهم توب علينا لنتوب الموضوع : you have a message المصدر : مسجد الهدي المحمدي الكاتب: أحلى حياة |
|
مشتاقة للجنةالمراقبة العامة
تاريخ التسجيل : 26/06/2010
| |
