قصة شجرة الشوك !

10/08/2009

من سلسلـــة قصــــة و معنى !!!
القصة الثامنة
قصة شجرة الشوك!!!!

قصة شجرة الشوك ! 013

القصة بتبدأ مع صاحب القصة الى لقى بذرة ...

بذرة شكلها غريب ويمكن منفر وغير محبب للنفس
ولكن من باب الزهق والفضول والملل!

مسك عصاية وقعد يحفر فى الأرض ورمى البذرة

مكنش فى باله يزرعها....مكنش متعمد ولكن من باب تضيع الوقت !!

من باب التجربة ليس إلا ...ولكن إيه الى هيحصل ؟؟؟

البذرة زرعها فى المكان الى بيقعد فيه يوميا والمكان فى هوا وشمس ومية

يعنى مناسب جدا لنموها

بتمر الأيام..........

والبذره بتبقى نبتة صغيرة

بس نبتة مختلفة

نبتة كلها شوك !!!

مفيش حد بيحب الشوك ...دى حاجة بديهية لكن فى ناس بتتعود على الشوك

فحاول يشيل الزرعة الصغيرة ولكن المشكلة إن الشوك كان بيأذى إيديه

فعشان يتجنب الألم كان بيسيبها ..ويقول بعدين هشيلها

يمر اليوم والتانى ينسى الزرعة ...ولكن هى بتكبر باستمرار

يحاول من وقت للتانى يشيلها

ولكن المشكلة إن معندوش إستعداد يتعب ويتحمل الشوك عشان يتخلص منها

فالنتيجة تأجيل الموضوع وهكذا

وبتمر الأيام.........

وكل يوم هو بيكبر سنه وبيضعف بدنه وبتقل حماسته

وفى المقابل كل يوم بيمر الشجرة بتكبر وجذورها بتتشعب فى الأرض وبتبقى صلبة أكثر

وبعد سنين.................

البذرة بقت شجرة شوك كبيرة جدا جدا وبقت بتأذيه جدا

وافتكر ورجع لزمان

1) ياريتنى ماكنت رميت البذرة

2) ياريتنى ما كنت حطيتها فى المكان ده عشان متكبرش

3) ياريتنى اتحملت وجيت على نفسى واتحملت الشوكتين وشيلتها وهى نبتة مالهاش جذور

ياريتنى ...!!

انتهت القصة ويبقى المعنى...
قصة شجرة الشوك ! 013

ياترى أحنا بنعمل الثلاث حاجات الى ندم عليهم صاحب القصة

1) لية بنزرع بذرة الذنب فى حياتنا

والبداية دايما سببها الفراغ الملل تضيع الوقت الفضول
حب التجربة !!

هدخل الشات بس أشوف بيعملوا إيه

من باب التسلية وتضيع الوقت

هدخل الموقع ده بس عشان أعرف فيه إيه

هجرب المعصية دى عشان بس أشوف إحساسها إيه

و...........................

الأمثلة كثير

ما كان سهل جدا مترميش البذرة ....

2) والبذرة بنرميها فى وسط مناسب جدا للنمو وعاوزينها متنموش !!

يعنى أسباب المعصية تكون حوالين الشخص من كل جانب

وسط مناسب عشان البذرة تكبر وتبقى شجرة

والغريب إن كثير بيحط البذرة ويسقيها بإستمرار

وبيقول : عاوز أتوب !!

يعنى سايب نفسه فى وسط أسباب المعصية ولسه يعرف كل الى بيساعده عليها وعاوز يتوب !

هو ينفع تحط البذرة وتسقيها وتوفرها كل حاجة وتقول : مش عاوزها تنبت وتكبر !!

3) مش الأسهل تتوب فى الأول

متأجلش التوبة وتقول بكرة

** لإن بكرة ممكن جدا ميجيش

ويكون أخر عهدك بالدنيا النهاردة

** ولإن كل يوم بيعدى الذنب بيكبر فى قلبك وبيبقى له جذور

** لإن كل يوم بيعدى أنت بتكبر وبتضعف

** لإن كل يوم بيعدى الشيطان بيأسك ويقولك خلاص إنت هتوب بعد كل السنين دى !

** اتحمل ألم الشوك وانت بتشيل الزرعة لإن ده أهون كثير من بعد كده

اتحمل وجاهد نفسك وأنت بتبطل الذنب

فياريت ندور فى حياتنا

والى مزرعش البذرة ميزرعهاش...

ولو زرعها بلاش يخليها فى وسط يساعد على نموها

لإنها ببساطة هتموت لو مسقهاش...

والى عنده نبته يسارع ويشيلها

معلش حتى لو هيتعب شوية عشان يبطل الذنب

دلوقتى أسهل كثير من بكرة وبكرة أسهل من بعده

وحتى لو بقت شجرة

وحتى لو سبت الذنب سنين بطله هنا واتعب هنا

أحسن ما تقابل ربنا بيه

ساعتها التعب ميتوصفش والألم ما يتقارنش بالدنيا

{قُل يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ (53) وَأَنِيبُوا إِلَى رَبِّكُمْ
وَأَسْلِمُوا لَهُ مِنْ قَبْلِ أَنْ يَأْتِيَكُمُ الْعَذَابُ ثُمَّ لَا تُنْصَرُونَ (54) وَاتَّبِعُوا أَحْسَنَ مَا أُنْزِلَ إِلَيْكُمْ مِنْ رَبِّكُمْ مِنْ قَبْلِ أَنْ يَأْتِيَكُمُ الْعَذَابُ بَغْتَةً وَأَنْتُمْ لَا تَشْعُرُونَ (55) أَنْ تَقُولَ نَفْسٌ يَا حَسْرَتَا عَلَى مَا فَرَّطْتُ فِي جَنْبِ اللَّهِ وَإِنْ كُنْتُ لَمِنَ السَّاخِرِينَ (56) أَوْ تَقُولَ لَوْ أَنَّ اللَّهَ هَدَانِي لَكُنْتُ مِنَ الْمُتَّقِينَ (57) أَوْ تَقُولَ حِينَ تَرَى الْعَذَابَ لَوْ أَنَّ لِي كَرَّةً
فَأَكُونَ مِنَ الْمُحْسِنِينَ (58) بَلَى قَدْ جَاءَتْكَ آيَاتِي
فَكَذَّبْتَ بِهَا وَاسْتَكْبَرْتَ وَكُنْتَ مِنَ الْكَافِرِينَ (59)
وَيَوْمَ الْقِيَامَةِ تَرَى الَّذِينَ كَذَبُوا عَلَى اللَّهِ
وُجُوهُهُمْ مُسْوَدَّةٌ أَلَيْسَ فِي جَهَنَّمَ مَثْوًى لِلْمُتَكَبِّرِينَ (60) وَيُنَجِّي اللَّهُ الَّذِينَ اتَّقَوْا بِمَفَازَتِهِمْ لَا يَمَسُّهُمُ السُّوءُ وَلَا هُمْ يَحْزَنُونَ (61)} [الزمر : 53 - 61]

اليوم بيدنا الإختيار أما غدا ........فلعله لن يأتى

وبكدا نكون قد انتهينا من سلسة قصة ومعنى

الموضوع : قصة شجرة الشوك ! المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

مشرف عدد المساهمات : 628

جزاك الله خيرا شيخي الحبيب

وربنا يجعله في ميزان حسناتك

الموضوع : قصة شجرة الشوك ! المصدر : مسجد الهدي المحمدي الكاتب: توفيق
توقيع العضو/ه :توفيق

10/08/2009

جزانا واياكم خير الجزاء

اللهم أمين واياك

الموضوع : قصة شجرة الشوك ! المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

26/06/2010

الموضوع : قصة شجرة الشوك ! المصدر : مسجد الهدي المحمدي الكاتب: مشتاقة للجنة
توقيع العضو/ه :مشتاقة للجنة

نائب المدير عدد المساهمات : 3918

سلسلة رااائعة

جزاك الله خيرا
وجعلها فى ميزان اعمالك الصالحة

الموضوع : قصة شجرة الشوك ! المصدر : مسجد الهدي المحمدي الكاتب: aya
توقيع العضو/ه :aya

10/08/2009

جزانا واياكم خير الجزاء

اللهم امين وإياكم

الموضوع : قصة شجرة الشوك ! المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

قصة شجرة الشوك !

قصة شجرة الشوك !

مواضيع مماثلة

مواضيع مماثلة