أمة اللهعضو جديد
تاريخ التسجيل : 28/10/2010
 |  موضوع: هتقبل الهدية ولاااااا.....؟؟؟  الجمعة 28 أكتوبر 2011, 8:48 pm | |
|
لو واحد زميلك جالك في يوم وأداك هدية..هتعمل ايه ؟
دي عايزة كلام أكيد هقوله شكرا جزيلا وهحبه
طيب لو رئيسك في الشغل هو اللي جابلك هدية ؟
أكيد هشكره جدا وأحترمه جدااا
طيب بقى لو ملك أو رئيس بلدك أعطاك هدية؟
ينفع تيجي عند ده بالذات وتديله ظهرك وتسيبها ؟
ينفع تمسكها أدامه وترميها ؟
طيب لو عملت كده تتوقع يعمل فيك ايه ؟
هيزعقلك ويقولك عيب كده كخ ؟؟؟
ولا هيقول لك : خلاص ..أحسن .. عنك ما خدتها .. وفرت ؟؟؟
طبعا مش هيعمل كده..
يا إما تاخدها
يا إما السيّاف يخلع راسك !
لأن عدم قبولك لهديته معناها استهتار به
ولله المثل الأعلى
لو رب العالمين..
أعطاك هدية = أنعم عليك نعمة
بتعمل ايه ؟؟
شوف قول الله تعالى :
"...... وَمَن يُبَدِّلْ نِعْمَةَ اللّهِ مِن بَعْدِ مَا جَاءتْهُ فَإِنَّ اللّهَ شَدِيدُ الْعِقَابِ "
من سورة البقرة
مين قال أني بدلت نعمة الله ..احنا حامدينه و شاكرينه !!
عارفين أنك حامده و شاكر فضله بدليل أنك بتستمتع بها اهو
بس تعرف يعني ايه تبديل نعمة الله ؟؟
جاء في أحد الخواطر لأحد الشيوخ رحمه الله:
إن نعمة الله حين تصيب خلقاً فالواجب عليهم أن يستقبلوها بالشكران، ومعنى الشكران هو نسبتها إلى واهبها والاستحياء أن يعصوا من أنعم عليهم بها.
فإذا استقبل الناس النعمة بغير ذلك فقد بدلت.
ولذلك يقول الحق في آية أخرى:
"ألم تر إلى الذين بدلوا نعمة الله كفراً"
وماداموا قد بدلوها كفراً، فيكون الكفر هو الذي جاء مكان الإيمان. إذن كان المطلوب أن يقابلوا النعمة بالإيمان، بالازدياد في التقرب إلى الله، لكنهم بدلوا النعمة بالكفر.
نسقط ده على أمثلة بسيطة جدا من النعم:
ربنا أعطاكي نعمة الجمال .. بدلتيها ليه بالتبرج وعدم حفظها ؟
ربنا أعطاك نعمة الهداية وعرفك الحلال والحرام ... بدلتها ليه بالغفلة واخترت إنك تقدم أهواءك على مراد الله منك ؟
ربنا أعطاكي نعمة الأبناء ... بدلتيها ليه بتربيتهم على أخلاق الكفار وغير المسلمين ؟
ربنا أعطاك نعمة الزواج والاعفاف ... بدلتها ليه بسوء معاملة زوجتك ؟
الآية دي محتاجة وقفة
يعني بنشتكي من سوء أحوالنا والتنغيص اللي في حياتنا
وكل اللي احنا فيه ده عقوبات على تبديل نعم الله ومن أعظم تلك النعم التي بُدلت : نعمة الإيمان
قد يظن حد أن العقاب ده في الآخرة فقط
لا
المقصود أن عقابهم في الدنيا قبل الآخرة
وكل جماعة لا تقبل على منهج الله، ويبدلون نعمة الله كفراً لابد أن يكون لله فيهم عقاب عاجل، وذلك ليعلم الناس أن من لم يرتدع إيماناً وخوفاً من اليوم الآخر فعليه أن يرتدع مخافة أن يأتيه العقاب في الدنيا.
اللهم أعنّا على ذكرك وشكرك وحسن عبادتك
 الموضوع : هتقبل الهدية ولاااااا.....؟؟؟ المصدر : مسجد الهدي المحمدي الكاتب: أمة الله |
|
توفيقمشرف
تاريخ التسجيل : 22/07/2011
| |
أمة اللهعضو جديد
تاريخ التسجيل : 28/10/2010
| |
مشتاقة للجنةالمراقبة العامة
تاريخ التسجيل : 26/06/2010
| |
أحلى حياةمدير عام المنتدى
تاريخ التسجيل : 10/08/2009
| |
ayaنائب المدير
تاريخ التسجيل : 26/08/2010
| |
أمة اللهعضو جديد
تاريخ التسجيل : 28/10/2010
| |
