انت مجنون؟؟؟
اه مجنون !!!!!!!
بس متزعلش استنى
ماهو انت لما تعصى ربنا تبقى مجنون
ده انت عايش على ارضه
ممكن اسالك سؤال؟؟؟
انت بتعصى ربنا ليه
هو ربنا يستاهل منك انك تعصيه
يعنى ربنا اداك نعم كتيررررر اوووى ياترى ليه؟؟؟؟
عشان تعصيه بيها لاطبعا
يعنى مثلا ربنا اداك ودان ليه ؟؟؟؟؟
ياترى عشان تسمع بيها موسيقى هاه ربنا اداك ودان عشان كده لوانت فاكر كده يبقى انت غلطان ربنا اداك ودانك ديه عشان تسمع بيها كلام ربنا اللى مفيش احسن منه
صح ولالا لحد دلوقتى احنا متفقين مع بعض
طيب ربنا اداك اديك ليه ؟؟؟؟
عشان مثلا تسرق بيها وتستقوى بيها على اللى اضعف منك وتمد ايديك عليهم ربنا اداك ايد عشان كده؟
لا طبعا ربنا اداك ايديك عشان تمسح على راس طفل يتيم بيها
طب ربنا اداك عينين ليه؟؟؟؟؟؟؟؟
ياترى عشان تبص للبنات بيها وتعصيه بيها وتشوف الافلام والمسلسلات بيها؟؟؟
لاطبعا ربنا اداك عينين عشان تقرا بيها كلام ربنا وعينيك ديه امانة مش قادر تجاهد نفسك وتغض بصرك ليه مش قادر؟؟؟
انت تقدر انا واثقة انك تقدر بس انت حاول وربنا هيقف جنبك بس جرب ولو مرة
اصدق النية مع ربنا
قال رسول الله صل الله وعليه وسلم
ومن يستعفف يعفه الله ومن يستغن يغنه الله ومن يتصبر يصبره الله وما أعطى الله أحدا من عطاء أوسع من الصبر
الراوي: أبو سعيد الخدري المحدث: الألباني - المصدر: صحيح أبي داود - الصفحة أو الرقم: 1644
خلاصة حكم المحدث: صحيح
كم اكبتت نظرات رؤوساء فى الجحيم واذاقتهم العذاب الاليم كم ازلت من نعمة واحلت من نقمة
فلو سالت النعم
ماالذى ازالك؟
والهموم والاحزان من الذى جلبك؟
والستر ماالذى كشفك؟
والوجه ماالذى اذهب نورك؟
لاجابنك بلسان الحال هذا الجناية اطلاق البصر!!!!!!!!!!!
فوق بقى من اللى انت فيه انت مش قد نظرة غضب من ربنا ليك صدقنى انت مش قدها
يااخى ده ربنا شايفك انت مش مكسوف؟
ده انت عايش على ارضه وبتاكل من خيراته ورزقه وعايش تحت سماؤه انت بجد مش مكسوف من ربنا ؟
يااخى ده انت لوواحد صاحبك عزمك على غدا هتفضل طول عمرك شايلهالو جميل فوق راسك صح ولالا؟ومش هتقدر ترفضله طلب؟
صح ولا انا غلطانة لانك هتبقى مكسوف منه
سبحان الله يعنى انت مكسوف من صاحبك ومش مكسوف من ربنا ولله المثل الاعلى وبتقوله لا يارب انا هعصيك !!!!!!!!!!!!
طب ربنا اداك رجلين ليه ؟؟؟؟؟
عشان تمشى بيهم للحرام ؟؟؟؟
لا طبعا
ربنا اداك رجلين عشان تروح بيهم للمسجد وعشان تخطو بيهم لكل خير امرك بيه ربنا
ديه كلها نعم من ربنا عليك انت بعصيانك لربنا بتحولهم لنقمة
طب ليه انت بتعمل كده؟؟؟؟؟
فوق الله يخليك كفاية غفلة بقى انت اكيد مش عايز تدخل النار صح؟
ومين عايز يدخل النار
انت طبعا عايز تدخل الجنة
طب الجنة مش سهلة انت لازم تجتهد عشان تاخد ثمرة جهدك وتدخل بيها الجنة صح ولالا؟
دا انت لو عندك امتحان وحاطط كلية فى هدفك هتذاكر وتتعب وتجتهد عشان تدخل الكلية اللى انت عايزها صح ولالا؟
طب دى حاجة من الدنيا الحقيرة اللى متستهلش اى حاجة
اومال انا بقى بقولك الجنة !!!!!!!
ياترى الجنة متستهلش تتعب عشانها شوية؟؟؟؟؟
ليه بتعصى ربنا يااخى ؟
ربنا بيحبك وفاتحلك باب التوبة انت بس قوم ادعى كده بصدق واصدق الله وادعى من كل قلبك ان ربنا يسامحك وربنا فاتحلك الباب وعمر ربنا ماهيقفل الباب فى وشك ابدا
ربنا مش ممكن يردك ابدا انت بس توكل عليه
انت مش خايف من لهيب النار؟!!!!!!!!!!!!!
مش خايف من غضب ربنا عليك؟
انت مش خايف ازاى؟!!!!!!!!!!!!!
واوعى تقول انا مفقود فيا الامل انا عملت معاصى كتيرررر ومش ممكن ربنا يسامحنى
لا ربنا هيسامحك بس انت قربله
ازاى تياس والله تعالى يقول
وَلَا تَيْأَسُوا مِن رَّوْحِ اللَّـهِ ۖ إِنَّهُ لَا يَيْأَسُ مِن رَّوْحِ اللَّـهِ إِلَّا الْقَوْمُ الْكَافِرُونَ ﴿٨٧﴾
سورة يوسف
انت مش هتلاقى حد تفضفضله غير ربنا صدقنى
مفيش حد ارحم بيك غير ربنا
ودور على ذنبك اذا كان اطلاق بصر اونميمة او كذب اوغيبة او او او او او او
وتوب انت مش ضامن ثانية واحدة ياترى انت ضامن تكمل الموضوع لحد الاخر؟؟
تبقى كداب لو قولت اضمن
انت ممكن تموت وانت بتقرا الموضوع مفيش حاجة بعيدة على ربنا
انا مش بخوفك والله ولا حاجة انا بس عايزة افهمك انك مش ضامن ثانية تعيشها انت مش ضامن عمرك
عشان كده انت لازم تقوم تتوب دلوقتى حالا وتطهر قلبك من اى حاجة سواء حقد اوكراهية او غيرة اوحسد او اى حاجة من الحاجات ديه
خلى قلبك ابيض كانك لسه مولود
معملتش اى حاجة فى حياتك وابدا من جديد
وصدقنى لو قربت من ربنا مش هتقدر تبعد تانى ابدا بس انت قرب وجرب
وعايزاك تفكر دايما وانت بتعمل المعاصى هو انت مش ممكن تموت وانت بتعمل المعصية ديه؟؟؟
طبعا طبعا ممكن
ياترى بقى انت هتقابل ربنا ازاى ؟
مش هتتكسف وانت واقف ادام ربنا وانت كنت بتععصيه مش هتتكسف
ياترى هيبقى شكلك ايه ادام ربنا ؟
لكل واحد فينا شمسان شمس تشرق فى الصباح وشمس تشرق فى قلبك
ومهما شمس الصباح اشرقت انت مش هتحس باشراقها الا اذا اشرقت شمس قلبك
غير حياتك وخلى الشمس تشرق فى قلبك من تانى
صدقنى هتشوف الدنيا حلوة اووووى
وكل حاجة فيها وردى وبامبى كمان
وكل حاجة حواليك هتبقى منورة بس انت جرب كده
قال الحسن البصرى
ياابن ادم انما انت ايام فاذا ذهب يومك ذهب بعضك فبادر بالعمل الصالح قبل ان يمضى العمر
واستعين بالله انت ملكش غير ربنا اوعى تستعين بجد من المخلوقات استعين باللى خالقهم هما مش هينفعوك بحاجة ولا هيضروك بحاجة استخير ربنا فى كل حاجة صدقنى هترتاح اوووى
بس توكل على الله
يانفس يكفى طول امل فالقبر صندوق العمل
اسفة على الاطالة
بقلمى الحر
الموضوع : انت\ى مجنون\ة المصدر : مسجد الهدي المحمدي الكاتب: م ى
موضوع: انتى مجنونة 
الإثنين 06 فبراير 2012, 2:53 am
الموقع
