[size=21]السلام عليكم و رحمة الله و بركاته :
في رمضان ... مسلسلاتك عندنا ... و أسأل مجرب من رمضان اللي فات
قناه .... في رمضان .... مسلسلات و كل جديد
الخ الخ الخ
دلوقتي كل القنوات شغالة اعلانات من قبل رمضان بفترة طويلة...
كل سنة أول ما يخلص رمضان .. بنعد نحلم برمضان اللي بعديه عشان اللي احسن
يتمنى يزداد في الخير و اللي ضيع وقت فيه يتمنى يعوض ما فاته ...
رمضان .. شهر الخير .. و الطاعة ... فيه ليله أحسن من 83 سنة عباده .. من صامه محتسبا الأجر عند الله أدخله الله الجنه ...
فكيف يستعد اعلامنا المصري لرمضان .. بإعداد البرامج الدينية و الثقافية و
حتى برامج المسابقات المميزة مثلا ؟؟؟! بتقديم قصص السلف و الصحابة و حث
الناس على الخير و الطاعة ؟؟؟
لا .. لإعلامنا المصري المحترم رأي آخر في رمضان ...
قبل الثورة ...كان من مصلحة النظام و ده برضو إسلوب أي نظام فاسد .. ان
الناس تتلهي عن الدين .. يعني يتابعوا أفلام هابطة و ينشغلوا بقضايا فارغة و
يعدوا يتابعهوها بالشهور .. زي ما حصل في حرب ماتش مصر و الجزائر مثلا
اللي الناس قعدت عليها أكتر من شهر قايمين نايمين على العواء الإعلامي اياه
...و زي ما بيحصل في شهر رمضان من تكديس كل قناه لاكتر من 20 مسلسل في شهر
واحد المفروض انه مخصص للصوم و الطاعة !!!!!!
يكفي ان في كووول القنوات الرسمية المصرية مكنشي في برنامج ديني واااااحد بعد الأفطار ...!!!!!!!!!!!!!!!!!
لية هو البرامج الدينية بعد الفطار حرام و لا اية ؟؟؟ اهو كده .. حتيجي اية
يعني جنب ازواج زهرة التسعة و اولاد بمبه العشرة و معرفشي مين و مين و
الفضائح المقرفة في برامجهم الحوارية التي لا تحوي أي مضمون أو هدف ...
طب دلوقتي ... القنوات المصرية الرسمية أو الخاصة حتغير من سياستها دي .؟؟؟ سياسة استغباء الشعب المصري ...
معتقدشي ...مش باين أهو الاستفزاز بدا أهو ...
أهو فاضل على رمضان لسة شهرونصف .. و بدا الاستعداد
في رمضان ... مسلسلاتك عندنا .. و أسال مجرب من رمضان اللي فات !!!!!!!!!!!!!!!!!!!!
يعني اية ؟؟؟يسأل مجرب عن المسلسلات اللي شافها في رمضان ؟؟؟!!!!
لية مش بتستعدوا لرمضان ببرامج كويسة ؟؟؟ و مسابقات مفيده ؟؟ ومحدش يقللي
في القنوات الدينية حتلاقي اللي انت عازوه ... المفروض التذكير بالله يكون
في كل القنوات ميتمش حصره في قنوات دينية ميخرجشي براها !!!!!
يمكن واحد فاتح قناه عادية و يشوف برنامج ديني مميز يكتب له الله هدايه به او استفاده ...
و العكس صحيح .. في كتير من ضعاف الأراده أو حتى الصغيرين ممكن ينشغلوا بالتوافه دي عن القيام و العباده
لية اشغال الناس بهذا الكم الهااائل من المسلسلات في رمضان ... 18 مسلسل السنة اللي فاتت على قناه واحدة لييييية !!!!!!!!!!!!!!!!!!
تقدر تفتكر كده آخر يوم في رمضان السنة اللي فاتت انت قولت ايه لنفسك؟
مش فاكر؟ طب هقولك انا انت قولت ايه
(ياريتني السنة دي في رمضان كنت صليت ... يا ريتني كنت
صٌمت كويس -دة لو كنت صمت اصلاً- يا سلام لو ارجع بالزمن كام يوم كده عشان
ألحق ليلة القدر و أصوم نهارها و أصلي التراويح و أدعي ربنا انه يهديني بس
يا خسارة .... على العموم تتعوض إن شاء الله ... إن شاء الله السنة اللي
جاية هيبقى فيه نظام تاني خالص)
مش هو ده اللي انت قولته؟
طب ما الفرصة جت لحد عندك أهو
والله العظيم نبقى أغبياء لو ضاعت مننا الفرصة العظيمة دي و احنا نايمين أو
قاعدين نتفرج على المسلسلات و البرامج ..... يا جماعة عايزين نبدأ مع
نفوسنا حياة جديدة نتحكم فيها احنا مش هي اللي تتحكم فينا عشان ان شاء الله
تعالى نكون من الفائزين هذا الشهر مش من الخاسرين اللي يمر عليهم رمضان و
يخرجوا منه كما دخلوه دون أن يغفر الله لهم ..... لازم نعرف ان احنا لا شك
هنسيب الدنيا دي اما الى نار و اما الى جنة و احنا دلوقتي أبواب الجنة كلها
مفتوحة قدامنا ....
من هنا أحب بعد اذنكم أطلب منكم طلب
تعالوا احنا كمان نستعد لرمضان .. اللهم بلغنا رمضان
بس نستعد بطريقتنا احنا
قبل رمضان نستعد بحفظ سورة طويله مثلا ... بحيث لما ييجي رمضان نقوم الليل بيها و نحس اننا اتقدمنا و لو خطوة في حفظ كتاب الله
لو حفظنا كل يوم 5 آيات مثلا من سورة البقرة حنكمل حفظها قبل رمضان ...
بلاش .. نقرا تفسير مبسط للقرآن بحيث لما نيجي نختمه نبقى فاهمين معانيه لاننا لسه قاريين التفسير من فترة قصيرة ...
أو نلزم انفسنا بقراءه بعض الكتب المفيده دينيا ...
زي التسخين للرياضة كده .. تعالو نسخن نفسنا لرمضان
سيبونا من العالم اللي قامت الثورة و هما زي ما هما .. عايزين لهم ثورة تانية تعدلهم
و تعالو نقول بجد
رمضان السنة دي.... توبة بلا معاصى
و هما لما يلاقي محدش بيتابعهم .. و نسب المشاهده منخفضة .. صدقوني حنجبرهم يغيروا سياسه الاستغباء دي
فكروا في الكلام ده و قولولي رأيكم اية ؟؟؟
واذا لم تكن تريد فعلاً ترك المسلسلات الان
فبلاش ترد على موضوعي يكفيني وجودك
الموضوع : حملة رمضان 2012 ( ذنوب بلا معاصي ) المصدر : مسجد الهدي المحمدي الكاتب: Yahia
موضوع: حملة رمضان 2012 ( ذنوب بلا معاصي ) 
السبت 16 يونيو 2012, 4:28 pm
