موضوعنا انهارده مش هيتكلم عن
( اللى لسة مبدأش فى الطريق ..... ولا اللى بدأ و مكمل و تمام التمام )
فى نــوع فى النص ...
و هو :: واحد عرف طريق ربنا و تيقن انه طريق السعادة ..
تاب و رجع و التـزم .
لكـــن
لســة الهمـة مش عآلية كما ينبغى
لســة ملهوش اوراد معينة من العبادات
لسـة مش مواظب على قيام الليل
لســة ادامه " معـوقات "
لسـة مش قادر يتغلب على نفسه و هواه
لسـة بيسوّف فى الطاعات > السنن مش الفروض
تلآقيه بيحب القرآن جداً .. لكن مش مواظب على قراءته يومياً
تلآقيه عايز يصلى قيام ليل لكـن برضو مش عارف يتغلب على هوى نفسه
تلآقيه مرة يحس بالصلاة و الخشوع و يبكـى .. و مرة لأ خاالص مفيش
و هكـــذا
يوم فوق و يوم تحـت و يوم بين البنين
لو عمـل معصية بيتوب .. بس مش فى ساعتها
ضميره بيأنبه بس مش اوى
بيغيييير لما بيلاقى ناس سابقينه فى الطريق لربنا .. لكن لازم مع الغيرة دى
[ عمــــل ] و إلا كده يبقا الأكل من غير ملح !
و النـوع ده بيكون شبه[ المتعلق ] فى نص كوبـرى
و الكوبـرى ليه ناحيتين
نـاحية توصلك لبـر الأمـان
ونـاحية تانية توديك فى خبـر كـآن
بس هو عااارف و متيقن ان نجــآته مش هتكـون غير مع
" الصالحين و الملتزمين " و عاااارف و متيقن ان هلاكه مع
" اصحاب المعاصى "
فهمتوا هو ليـه ( متعــلق ) ؟؟
و النوع ده منتشر جدااااااااا
و للأسف بيبقا [ تــآيه ] و مش عارف يعمل إيه ؟؟
و بيبقا جواه برضو إحساس ( انه متعلـق ) او انه ( متكتـف )
و ده لأنــــه
مقــــدرش يتغلب على [ نفســــه ]
مقدرش يتغلــب على [ هــواه ]
معرفش يتعامل مع نفسه صح !!
لما كان بيأدى اللى عليه ( بيكافئ ) نفسه
و لما كان بيقصر مكنش ( بيعاقب ) نفسه
و ده اللى أدى للى هو فيه
معــرفش لسـة معنى ( الإستـعانة بالله )
تلاقيه بيستصعب اوووى قيام الليل مع انه نفسه اووى انه يصليه و يرجع
تــآنى لأيـام رمضان الجميييلة ..
لكـن الرغبــة برضو لازم ليها [ استعـانة و عمـل ]
تـرك الإستـعانة .. فـ مفيش عمـل
قلبــه لسه معرفش معنـى [ الصدق مع الله ]
قلبه فيه حب لله و جواه نفسه يعمل اعمال كتييير اوووى
همتـــه بتكـون عاااالية جداً فى اوقات .. و اوقات تانية ( صفـر )
لو ربنا رأى منه [ الصــدق ] كان خلاااااص كل حاجة انتهت و كل
مشاكله اللى فيها اتحلــــــت ..
لكــن قلبه لسه مش واصله اووى معنى [ الصـدق ]
لسـه قلبه مدخلش فيـه معنى [ التــوكـل ]
تلآقيه شايل همـوم الدنيا
و بيفكر فى المستقبل كتيير
قلقان علطووول و مش مطّمن
عايز يصوم اتنين و خميس بس خــآيف ليأثر على تركيزه فى المذاكرة !
عــايز يزود السنن بس برضو خــآيف ليأثر على وقت المذاكرة !
قلبــه لسة مش واصله معنى [ التــوكل ]
لسة القلب مفيهوش معنى الإستسلاااااام التاااااام لله و تفويض الأمـر ليه
سبحانه و تعالى ..
قلبـه لسة مش واثق فـى الجملـة دى
( مــن كـان الله همــه , كفـآه الله ما اهمــه )
بعد ما عرفنا النوع ده مواصفاته و عيوبه و ايه اللى أدى للحالة دى ؟
نيجى لخطورته ..
النوع ده بيبقا يوم القياااامة اشد ندماً من العــاصى !
لأنه كـان عـاااارف الطريق كان عااارف المفروض يعمل ايه علشان يوصل ؟؟
لكنه معملــش
كان عنده غيرة و رغبة .. لكن مفيش استعانة و صدق و عمـل !
هيقول آآآآآآه ياريتنى ما كسلت ولا سوفت ولا ولا ولا ....
آآآآه ياريتى عملت كذا و كذا وكذا و مخلتش الدنيا تشغلنى !
لو قُبضت روحه .. هيبقا مش مستعـد .. هينــدم على ده كلـه !
فخلاااااص مستنى ايييه ؟؟
مش هنستنى لحد اما نندم ..
لأ لااااازم تبدأ من دلوقتى تصلح علاقتك بربنا و تعرف ايه اللى كان قاطع
بينك و بينه ؟ ايه العقبة اللى انت لحد دلوقتى معرفتش تتخلص منها ؟!
قلبـك ايه المعانى اللى لسة محتاجها ؟؟
عيــد حسباتك و رتب افكارك من تانى
لســة الوقت ادامك و انت عاايش دلوقتى و انهارده
استغــل يومـك و خليه كله طاااعة لله عزوجل ..
كفــآية غيرة من غير [ عمــل ]
كفــآية رغبة من غير [ إستعـانة و صدق ]
كفــآية شيل هم الدنيا و خلى قلبك يدوق معنى [ التـوكل ]
ابــدأ حالاااااا بالخطوات العملية دى
1_ الإستغفــار : اجعل ليك ورد استغفار لا يقل عن 1000 استغفار يومياً
2_ التـوبة من كـل الذنوب : اللى تعرفها و اللى متعرفهاش ممكن
يكون فى ذنب معين متعرفهوش يكون هو اللى قاطع بينك و بين ربنا !
3 _ اجعــل لسانك رطباً بذكرالله : لسانك ميبطلش ذكر ..
علشان تشغل قلبـك بالله علطوول
4_ اعمـل جدول للمحاسبة اليومية : و خلى فيه ركعتين قيام ليل لاااااازم
من دلوقتى .. و ورد قرآن ثااابت لا يقل عن جزء يومياً
و الصيام اللى تقدر عليه .
5_ متفكرش فى الدنيـا : شيل الدنيا من تفكيـرك نهآآئى و سيب
امورك كلها لله و توكل عليه فى قضاء حوائجك ..
6_ الدعـــاء و الإلحاح فيه : متسبش الدعاء ابدااا .. علطوول
ادعى ربنا يرزقك الصدق و الهمة العالية مع العمـل ..
7_ عدم اليـأس من نفسك : الشيطان هيحاول دلوقتى انه ييأسك
من نفسـك و يقولك انت مش نافع ما انت جربت و حاولت بس منفعش !
لأ اوووعى تستسلم ليه رحمـة ربنا وسعت كـل شيئ .. ربنا اكـرم من انه
يرد دعائك والله .. لو اخدت خطوة وااااحدة لربنا والله ربنا هيفتح عليك
بعدها بحاجات مكنتش متخيلها ..
بــس انت جـــرب
الموضوع : اوعـــى تكـون متعـــلق !!! المصدر : مسجد الهدي المحمدي الكاتب: أمة الله
موضوع: اوعـــى تكـون متعـــلق !!! 
الإثنين 26 نوفمبر 2012, 7:38 pm
